pinunasne”’.
Gelising satua, kanikain Men Lutung antuk Raden Galuh,
“Nah Me Lutung, jani gantin Memene bakal supat, jalan ate- hang tiang malu ka Koripan”. I Lutung ngiringang, raris mamarga Raden Galuh sareng ring Raden Mantri ka Koripan kairing antuk I Lutung I Patih kalih I Punta. Ajahan rauh sampun ring Koripan. Gelu raris ajine mangkin, reh lunga dumun ngraga, dados ring man- tuke sareng anak istri, tur I Lutung. Ngandika Ida Sang Prabu ring putrane,
“Nanak Bagus, dija Nanak Bagus maan somah?” Raris matur putrane,
“Inggih Bapa Aji, puniki Nanak Bapa Aji I Galuh Daha, kaempu antuk I Lutung’’. Ngandika Ida Sang Prabu,
“Nah olas nyai Lutung, ngempu panak gelahe, okana mati dadi idup. Nah kai kal nyupat iba ne jani’”’.
Gelising satua, Raden Galuh sareng ring Raden Mantri sampun suka, mangkin kacrita I Lutung jagi kasupat antuk Ida Sang Prabu. Ngandika raris Sang Prabu,
“‘Nah iba Lutung, apa panagih ibane teken gelahe?’’ Raris matur I Lutung,
“Inggih Ratu Dewa Agung titiang mamanah dados dedari’’.
“Nah yen aketo, nah sida.’’ Sapunika Sang Prabu.
“‘Nanging keto, pagehang pesan tutur irane”. Sampun kenten I Lutung ngiringang pangandikan Ida Sang Prabu. Ngandika malih Ida Sang Prabu, .
“Nah kema iba mandus ditu di panepin Koripane di pancorane solas, nanging ento ane sisi kauh da pesan pandusina!” Ngiring ipun I Lutung, saha atur,
“Inggih Ratu Dewa Agung”’. Gelising satua mamargi mangkin I Lutung ring genahe sane kanikain antuk Ida Sang Prabu. Sarauhe ring beji, | Lutung raris maceleban ring pancorane sane sisi kangin. Wau usan ipun maceleban irika, mrupa sampun jadma luh, nangingke durung jegeg. Malih ipun macleban ring pancorane sane dauhan, dados mecikang rupanipune. Raris sami pancorane sane dasar punika ka kacelebin, mrupa sampun dedari sane klintang jegeg. Raris mapineh-pineh ipun, saantukan sampun dados jadma jegeg, ten ja kasuken mandusin pancorane sane asiki. Manah ipune mangda malih nyegegang. Irika raris ipun mandus ring pancorane
201
