dumambil sapati urip, pan kita karwa, pragan brahma Wisnu kalih.
47. Dan antuka kaka hulun karia yasa, pan hana lingnia sang bibi, kinon swaminia sang lima, mangkana lingira kaka, tan wenang tulaking kapti, satia wacana, hulun kari angrasanin.
48. Yekan mulih Harimurti Baladewa, wus amwiting sang bibi, hati suka lara, pada rasa raseng awan, lingira Sri Harimurti, kaka narendra, mapeki dera ngrasanin.
49. Angde sida mulih Pandawaheng Astina, Aladara anaurin, eren sang Drupada, yan alemi aputra, rika ulatana malih, purin pakreban, pira yogianingaswami.
50. Ndan mangkana ling ira kalih ring awan, katon lampahnia sang kalih, saparaning ngojar, karengwa de Drestadiumna, sira rasa raseng ati, nawia tan tapa, olih amet si Drapadi.
51. Enggal lampahnia nilik pareng mayukan, nyamar-nyamar lampah agelis, prapteng nggwan sang lima, asinutan wit ning wreksa, nghing tanana ngawruhi, kala sudewia, warah mantwa lare nguni.
52. Ibu tonton laranku saparwata, aja juluk saka molih, sasih wang padasan, yeku binuktia dening ngwang, pinarwan pinalih kalih, satengah si Bima, bibi bareng panca siki.
53. Saling Kunti rumengwa de Drestadiumna, dadi krasa ring jagat hati, jatining Pandawa, kari urip jayeng yadnya, girang hati nira mulih, atur ring bapa, Drupada kon umundangi.
54. Boh-boh bapa kita mareng rat mayukan, suruhan ari Drupadi, katekeng pakramania, angde mulihing Pancala, bapa praya naur sih, yan sama wangsa, sadia wiwaheniriki.
55. Ndan mangkana lingira Drupada nata, Drestadiumna dan alaris, iniringing bala, mantri tanda kula suda, tan akadat wawang prapti, ring nggwan sang lima, Drestadiumna pranamia angling.
89
