27. Sampun adan sira laris muniwara, Bima Arjuna wus puput, busanania silur, waluya ulahing resi, tan kawarna ring marga, prapta ring Pancala sampun, munggah di pamujan, akwehing prabu pati, sami ayas kanda-kanda, ajajar tata lungguh.
28. Sang koneng sampun alinggih ring salu urda, kawasaning para ratu, paripurna hayu, ring sor saya kari ari, maka sadananing yadnya, Drestadiumena awuwus, singgih sama nata, rengganana sambada mami, yeka sara angkata, siapa labda lapenarinsun.
29. Pada inajengan sami de pranata, sambada Drupada sunu, sinaksia dening mpu, sami pada aywani, sing tan sida aywa kroda, apan tan karmania pukulun, sawur paksia sang nata ling nia pada amisinggih, manggala Sri Kurunata, sira tanda praya anambut.
30. Asasraman sira tangkis minggek-minggek, tindak angatuting tabuh, gending gong ya humung, cawet prada nyapuh siti, abra busana sarwa mas, bek dening ratna arjom rum, keris alandeyan pinda buta ngawa sari, tinrapan sarwa ratna, intenawa kumrajep murub.
31. Sarwa ngucap nada manis duh rakrian, tonton kaka nata Kuru, sadia hana mangguh, kapendak liring amanis, yan sampun katujueng cita, doh para tan sida deningsun, sang keng sara tunggal, tur ademit sira wrat iki, madeg sirang raja jwita, amjinahing angungkab klambu.
32. Katon de Sri Kurupati ade candra, sakedap wawang umasuk, anginebing kelambu, Suyodana hes apaling, kaya kilanganing jiwa, jinarah dening hyang ibu, wawang amet sara, awrat tan sida nangkati, kucem muka Suyodana, nyarurut amungsieng lungguh.
33. Madeg sang Korawa sami asasraman, pareng rwa pareng tri catur, ratu samang juru, agentia-gentia atangkis, Awangga Madra Wirata, Magada lan cedi prabu, Kalingga Singala, Kawanti lan Mayaspati, Tanjung pura lan Midara, Wladri kasi
82
