sun wruha, wawang mandeg nrepa kalih dan lumakuh, Jambawan tumut tan suka.
49. Kinon muliha pasraman, tan warnan sira sang kapi, Krena laku kidul kulon, pareng Wabru Udaweki, anyujur menara giri, tan lingen denia laku, sigraning kawi carita, ucapan sang Resi kalih, wuwus kuwus, ring bancang giri arnawa.
50. Ling ira Resi Rwajaya, mantue Rwaketu Resi, lah yayi Ranten irangong, yan rasan-rasan ring ati, paran hana sideng kapti, sadyana tumrepeng gunung, binaning anten, lan kaka detia yaksa suradhi, loka catur, kalingke mawak manusa.
51. Sapte resi nawa sanga, dewa gana warapsari, tan hana wani sira ton, ring tapa raka lan yayi, sakwehing basasing giri, sato buta pada nungsung, angempu nggwan antenkaka, Rwaketu wawang nawurin, duh kakeng sun, aywa muji-muji angga.
52. Bagna bangga lwihing ucap, hanakatatwania nguni, hyang Brahma Wisnu wacana, amuji-muji kasaktin, tan pajamu gana manik, ring harep hyang wuwus, katekan mangke duran sida, kapanggih denira ngapti, durung puput, ngucap-ucap kancit prapta.
53. Mrega taru hatur baktya, gukulun singgih sang nabi, manusa kweh maring sor, kang raro tumrepeng giri, paran sajnya sang mayetri, hyun malangen lampah iku, tan rawang patikta juga, praya anelasana mangkin, satekan iku, maka durmataning baktya.
Durma
1. Ndan mangkana hatur nirang mraga tarua, sing resi kalih nawurin, ndah mangkat ta kita, bag nananasing munggah, aja kita wiji-wiji, tog sanak satwa, kon metwa pareng ajurit.
2. Wawang sira mregataru amwit mangkat, sinang sipta satwa sami, metwa yarangklyan, pada krura rupa galak, dinia
36
