sepan tangkis, kasrek irika, praya amales tan polih, tiba kaping ruan, saksana tumuli mati.
40. Muntah krodha jalingsa ripajah arinira, muter gadha teka mupuhin, sirang wanti raja, widagdha nagkisang gadha, Widhura males angitik, sirang jalingsa, kasep sakdep angmasin,
41. Yan katangeh mnara natha branta cita, katon pajahing anten kalih, mawdu langkapira, ru bajra geni linepasira, Dharmaketu ya inungsi denikang sara, linampad pyah wanti ndrepati.
42. Tandang Widhura kumucu praya nidika, sing amapah ya ngmasin, rujit sasesania, yatna Sri Ra Natha, Sarottama kalepas mangkin, Nungsyeng Widhura, tampak hasta nrus kanin.
43. Konta gadania tibeng lemah, Widhura krodha tan sipi, biwa makta bretala, tan len Salwa yan inungsi, ambilika suta ngamel gelis, dening kaderesan, rahing asta kon nyampyanin.
44. Lunga Widhura Pandhu munggah ring rata, mustiwarayang tiksna lungid, Salwa pada rata, silih panahing rata, rata karwa pada henti, ketibeng sara, Sri Salwa Krodha tan sipi.
45. Mungsiwarayang pawetwakasa wukira, sampun kalepasana siddhi, lumeng ngarab-arab, sawang anirnaken jagat, yatna ambilika putri, cru malesana, Barunastra kalepas siddhi.
46. Stekang apwi lilang parek winasa, Sri Salwa dahating runtik ngregepana sara, sampun purna minantrian, sara dadi kala kalih, sahaswresatha, galak-galak brura gati.
47. Yata rumujak sang ambilika suta, katekeng bala tanda mantri, rujit sahania, kaseseb de kang kala, akweh bhinaksa ya ngmasin, yodheng Hastina, Sri Pandhu beweran manjukin.
48. Sakweh ikang Sarotama ya bhinaksa, tan hana sama amyati, ikang sara kala, mangkin lumeng galaknia, sang Pandhu eweh tan sipi, nahen baya, tan aswe rumaseng kapti.
23
