Puh Smarandhana
1. Tuan dewi kawegan ring hati, kadedet ikang tuwas, kapegatan pajiut reko, sawang imah katunuan, buyar twara karuan otak, lwir tambak embahan gentuh, kaptengan budhi bungsang.
2. Macepol idepe paling, kadi cucuk kapegatan ulan, makundah sapwan sang katong, matya juga hidepira, dening kelangan arsa, sukaya ngemasan antu, besuk tembyaning nganyadma.
3. Sedih kingking ngasih-asih, tan kenayan linipuran, sang Pandhu mawuwus alon, duh ari mas atma jiwa sang kadi pawaking candra, geleken tangis maskuiku, baya pangendaning titah.
4. Diah Madri ngawarangin, kangen rasa tan pajiwa ngasih-asih ngucap alon, duh kaka sang Srining pura mangkya pareng samu duka, agung pangendaning tuduh, tan wenang yang linesanan.
5. Palar-palar ikang hati, kramaning dumadi jadma, katemuaning tui saroso, suka duka jele malah, muda pradnyan sugih tiwas, jegeg bocok andep landung, swargane manamping kawah.
6. Cerik kelih pati urip, manis pahit lebeng matah, enyem pakeh panes tise, cenik gede betek layah, empet bolong cupit linggah, bawak lantang beten di duur, wisnune manyanding brahma.
7. Berag mokoh seger sakit, gedeg demen sebet bingar, puntul mangan lanying podol, tet dana bares cupar, yeh api hning putek, daken dalem payu buung, mreta wisyane tan pasah.
8. Andaka rotiran sami, wighna mas tuna masidhi, mragaang ah nika reko, teja bayu sabda hidep, tanah langit peteng lemah, hujan terang hebek puyung, dharma krodane tan simpang.
