kadi kuna, marganing didi dewarsi, hana Pandawa daseki, ilanganing sapa iku, sinapa tan nunggul-nunggul, mangkana sapa hyang dadi, sigra mlecut, kawarna sang haneng alas.
30. Pira kunang antajinia, dadi detya murka sakti, asing kacunduk binaksa, sato ula nara paksi, wedi tumraping waneki, ndah gantia punang wuwus, hana mangko kang kocapan, ratu ring Hastina Negari, nurun-nurun, Drestarasta witning carita.
31. Tri sanak amengku bwana, Pandhu ngaran ia sang ari, aruju Widhura parab, waluya sanghyang Trisakti, ngawe trepti bianang bhumi, landuh sapangadeg sang prabhu, atianta ayuning jagat, wadwan nira tan wani mumik, sama nungsung, salwanikang Bratawarsa.
32. Maka trisampun arabya, Drestarastra kang pinuji, maka stri saking Gandara, mangaran Dyah Gandari, sang Pandhu arabi kalih, Jyesta putri witning Yadhu, akakasih dewya Patah, kang anom wit Madrapati, kabiseka, Diah Sri Madri kocap.
33. Gharan arya Widhura, witning Wantipura Negari, ngaran Diah Susramawatia, sama rupania abangkit, sang Pandhu kocapan mangkin, kala lunga abuburu, sering lan dewya Madria, prapta ring alas tan olih, dadya lesu, ararian sor ning wandira.
34. Warnenan Resi Rindama, ameng-ameng ring wanagiri katon tang arina wadon, kaya anuduting kapti, raris sira silur rupi, rupa arina laki iku, jinanamah ikang arina, sang Pandhu sira umiling, buron rusuh, sigra linepasan panah.
35. Rina istri keneng sara, saksana tumuli mati, kagiat sang Resi Kindama, nulua sirang Pandhu curi, matyaning sang makrideki, dadia prakosa muwus, tan polahing satria tama, baghna manggih wibhogi, tan patutur, mogha kita matyakrida.
36. Mangkana sapan sang Resia, wawang ta sira amulih, sang
11
