I Gusti Putu Antara
"Baang ngidih berem daharan acelegekan dogén."
Tendas botolé ané gisina ento aturanga digelis ka Cokorde . Ngénggalang Cokorde Darma ngambilin, nanging wau ukuh ida nyiup, saget ketune gadab-gadabina tur usudusuda. Botolé laut pantiganga. Tumbaké ancukanga ka langité tur raris ida masosot.
"Duh, Déwata Sanghyang Tuduh! Duh, Apsara miwah Gandarwa! Duh Mas Sri Sekar Kedaton ring Sérang. Ketun tetamian titiang rusak pécok nyagnyug telas sakadi masétsét. Titiang pacang nyarah ketu gelung sang ksatria utama. Ipun sujati aleman gumi. kasayangan jagat sané ngujungang céciren kawangsan. Sadurung titiang mresidayang polih ngrampas ketu sané luwih, titiang sampun betek baan don kayu, tong pacang nunas alam , nasi putih, pananggunangan jiwan titiangé. Titiang tuara nunas arak sakancan sané ngranayang munyahin miwah samayané séwosan, nanging ngamanggehang maberata, luir ipun baberatan utama. Sané mangkin napi sané kakadén wénten makejang sam pun engsap."
Kéto sesangin idané, raris tumbaké kauyeng. I Sadara ngénggalang makecog makelid tur kebras-kebrus kedék ngélkél piret nahan basang, ngedékin jeron idane matingkah ngumidi gambar. Nganti nyakitang basang I Sadara kedék tunggang tungging tumuli matur alon-alon.
"Tuah ja tendas manusané selem tur pada mabulu, nanging idupé I Gusti pada melénan pesan tekén déwék. Antuk punika, ndawegang pisan, nggih. Titian ngaturang,
44
