Kaca:Cokorde Darma (Don Quixotte Versi Bali).pdf/45

I Gusti Putu Antara

Ayu Merenjing.
Ri kala sebet ngitungan ngedum gumi sane durung janten, sampun doh makakalih mamargi. Raris kacingak jelegan gede pesan nyadedcg majujuk sareng akeh. Cokorde Darma raris mangandika.
"Sadara! Ento ilingin! Aget pajalan i ragane jani mangggihin liu musuh mapunduh. Satonden surup surya pedas telah raksasane kauyak dadi awu malarapan baan ngardiang sutreptining jagate. Keto bena ne lakar pikolihang. Raja branane makejang bakal kajarah muwah kubu lur carikne.
I Sadara ngon raris matur.
"Ratuuuuu, punika boya Ja raksasa! Nika tuah wangunan ranggon genah anak mapuah ngebagin pantun ring tengah umane."
Cokorde Darma ngandika.
"Sajati pesan cai wong tani! Cai tuara taen luas joh. Uling cenik nganti tua cakluk no ngosj umahan meten dogen. Dedelikan muah paliate tuah amuncuk cunguh, Raksasa gede ganggas kene kaden cai umah. Yening cai takut, makules cai baglug! Depang bena nira padewekan ane ngarepin. Kai tuara bena takut mati."

36