[ ᭑᭔ 14B]
᭑᭔᭞
᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛ᬦᬶᬳᬦ᭄ᬓ᭄ᬭᬫᬦᬶᬗ᭄ᬳᬦᬓᭂᬩ᭄ᬭᬢᬵ᭞ᬳᬬ᭄ᬯᬩ᭄ᬭᬦ᭄ᬢᬵᬚ᭄ᬜᬡ᭄ᬦᬵ᭞ᬓᬾᬯᬮ᭄ᬬᬲᬧ᭄ᬭᬬᭀᬚ᭄ᬜᬦᬦ᭄ᬢᬵ᭞ᬓᬸᬦᬂᬓ᭄ᬭᬫᬦ᭄ᬬ᭞ᬫᬾᬢᬂᬲᬓᬬᬓᬦᬶᬱ᭄ᬝᬫᬵ᭞ᬤ᭄ᬬᭀᬢᬫᬵᬩᬸᬤᬶᬲᬤᬾᬰ᭞᭠
ᬅᬫᬍᬢᬸᬄ᭞ᬇᬓᬂᬳᬫ᭄ᬩᭂᬓ᭄᭞ᬳᬬ᭄ᬯᬫᬶᬸᬫᬶᬢ᭄ᬬᬩᬸᬤᬶᬳᬬ᭄ᬯᬘᬯᬸᬄ᭞ᬳᬬ᭄ᬯᬯᬾᬭᬵ᭚ᬭᬳᬱ᭄ᬬᬢ᭄ᬫᭂᬦ᭄᭞ᬢᬦ᭄ᬧᬕᬼᬄ᭞ᬢᬦ᭄ᬓᬭᬓᭂᬢᬦ᭄ᬓᬃᬡ᭄ᬦᬵᬰᬸᬮᬵ᭞ᬫ᭄ᬯᬂᬭᬵᬚᬄᬢᬫᬄ᭞ᬲᬶᬍᬫᬳ᭄ᬦᬶᬂᬦᬶᬭᬯᬭᬦ᭞ᬶᬭᬚᭂᬕ᭄ᬢᬸᬭᬸ
ᬲ᭄᭞ᬗᬸᬦᬶᬯᬾᬄᬚ᭄ᬜᬡᬯᬶᬰᬾᬱᬵ᭞ᬯ᭄ᬭᬸᬄᬓ᭄ᬭᬫᬦ᭄ᬬᬲᭀᬯᬂᬲᭀᬯᬂ᭞ᬇᬓᬶᬲᬗ᭄ᬳ᭄ᬬᬂᬢᬢ᭄ᬯᬩ᭄ᬭᬢᬵ᭞ᬇᬓᬵᬓᬬᬢ᭄ᬦᬵᬓ᭄ᬦ᭞ᬤᬾᬲᬗᬫᬾᬢ᭄ᬓᬲᬶᬤ᭄ᬥᬦ᭄᭞ᬢᬦ᭄ᬧᬓ᭄ᬢᬢ᭄ᬯᬦᬶᬭᬲᬗ᭄ᬳ᭄ᬬᬂᬥᬃᬫ᭄ᬫᬵ᭚ᬅᬧᬦ᭄ᬧᬶᬦᬓᬯᬓ᭄ᬩᬍ
ᬩᭂᬤ᭄᭞ᬲᬶᬭᬓᬤ᭄ᬬᬗ᭄ᬕᬦᬶᬂᬳᬯᬢ᭄ᬗᭂᬦ᭄ᬫᬢᬗ᭄ᬬᬦ᭄᭞ᬮ᭄ᬓᬲᬓ᭄ᬦᬤᬾᬦᬶᬂᬭᬲᬗᬫᬾᬢ᭄ᬓᬲᬶᬤ᭄ᬥᬦ᭄᭞ᬅᬦᭀᬫᬍᬓᬲ᭄᭞ᬅᬦᭀᬫᬫᬗ᭄ᬕᬶᬄ᭞ᬳᬢᬸᬳᬫᬍᬓᬲ᭄᭞ᬅᬢᬸᬳᬫᬫᬗ᭄ᬕᬶᬄ᭞ᬬᬦ᭄ᬮᬦᬶᬂᬩ᭄ᬭᬢ᭄ᬣ
[ ᭑᭕ 15A]
ᬦᭀᬭᬗᬮᬧ᭄᭞ᬢᬶᬢᬳᬶᬩᬢᬶᬢᬄ᭞ᬫᬢᬗ᭄ᬬᬦ᭄᭞ᬮᬭᬶᬲᬓ᭄ᬦᬫᬕᬯᬾᬳᬬᬸ᭞ᬫᬶᬚᬶᬓ᭄ᬲᬓᬾᬂᬢᬢ᭄ᬯᬩ᭄ᬭᬢ᭄ᬣᬵ᭞ᬓᬤ᭄ᬬᬗ᭄ᬕᬦᬶᬗᬤᬂ᭞ᬅᬯᬦ᭄ᬳᬤᬂᬳᬯᬦᬫᬗᬦ᭄᭞ᬳᬾᬲᬸᬤᬂᬳᬾᬲᬸᬓᬗᬦ᭄᭛ᬦᬶᬳᬦ᭄ᬧᬗᬱ᭄ᬝᬸᬣᬶᬦᬶᬗ᭠
ᬩ᭄ᬭᬢ᭄ᬣᬵ᭞ᬬᬦ᭄ᬲᬶᬭᬳᬍᬓᬲ᭄᭞ᬭᬶᬂᬫᬺᬢ᭄ᬣᬵᬫᬲᬚᬕᬵ᭞ᬳᬫᬖ᭄ᬦᬶ᭞ᬳᬲᬶᬲᬶᬕ᭄ᬳᬓ᭄ᬭᬫᬲ᭄᭞ᬓᬗᬩᬓ᭄ᬢᬶᬭᬶᬂᬲᬗ᭄ᬕᬭ᭄᭞ᬢᬦ᭄ᬧᬳᬸᬭᬸᬲᬯ᭄ᬗᬶ᭛ᬫᬦ᭄ᬢ᭄ᬭᬦᬶᬗᬩᬓ᭄ᬢᬶᬭᬶᬂᬲᬗ᭄ᬕᬭ᭄᭞ᬫ᭞ᬒᬁᬅᬱ᭄ᬝᬤᬾᬯᬫ᭄ᬭᬢᬶᬧᬍᬫᬲᬶᬂ᭠
ᬫᭀᬲ᭄ᬢᬸᬢᬾ᭞ᬫᬫᭀᬘ᭄ᬬᬲᬃᬯ᭄ᬯᬵᬧᬧᬾᬩ᭄ᬬᬵ᭞ᬘᬡ᭄ᬥᬸᬮᭀᬓᬶᬂᬓ᭄ᬱᬕᬲ᭄ᬘᬢᬶ᭛ᬘᬭᬸᬢᬤᬄᬧᬯᬶᬢ᭄ᬭᬢᬸᬫ᭄ᬧᭂᬂᬧᬸᬢᬶᬄ᭞ᬕᬸᬮᬶᬂᬳᬢᬶᬓ᭄᭞ᬳᬦ᭄ᬢᬶᬕᬵ᭞ᬲ᭄ᬥᬄᬯᭀᬄ᭞ᬩᬲᬾᬬᬫ᭄ᬩᬸᬗᬦ᭄᭞ᬭᬓᬵᬯᭀᬄᬯᭀᬄᬳᬦ᭄᭞
ᬧᬶᬲᬂᬓᭂᬫ᭄ᬩᬃ᭞ᬧᬶᬲᬂᬚᬢᬶ᭞ᬤᬸᬧᬵᬳᬲᭂᬧ᭄ᬘᬡ᭄ᬥᬦᬵ᭞ᬢᭀᬬᬵᬭᬶᬂᬫᬸᬃᬫᬯᬤᬄᬲᬗ᭄ᬓᬸ᭞ᬲ᭄ᬓᬃᬢᬫᬦ᭄᭞ᬧ᭄ᬭᬲ᭄ᬳᬤᬦ᭄ᬥᬦᬦ᭄᭛᭜᭛ᬬᬦ᭄ᬲᬶᬭᬳᬩ᭄ᬬᬱᬵ᭞ᬳᬩᬺᬲᬶᬄᬭᬸᬫᬸᬳᬸᬦ᭄᭛᭜᭛ᬫᬦ᭄ᬢ᭄ᬭᬦ᭄ᬳᬲᬶᬲᬶ
Kaca:Bali-lontar-tutur-bhuwana-mbahbah-01-250ppi.pdf/15
Kaca puniki sampun kauji-wacén
