[ ᭑᭑ 11B]
᭑᭑᭞
ᬲ᭄ᬓᬮᬵᬦᬶᬱ᭄ᬓᬮᬵ᭞ᬳᬮᬳᬬᬸᬓ᭄ᬭᬫᬦ᭄ᬬ᭞ᬇᬓᬵᬢᬶᬦᬸᬢ᭄ᬲᬓᬮᬧᬦᬶᬭᬲ᭄ᬧᬭᬯᬬ᭞ᬢ᭄ᬯᬶᬦ᭄ᬬᬳᬦ᭄ᬢ᭄ᬯᬬ᭞ᬳᬦᬢᬬᬗᬭᬦ᭄ᬧ᭄ᬭᬮᬶᬗ᭄ᬕᬦ᭄᭞ᬪᬝᬵᬭᬪᬝᬵᬭᬶ᭞ᬤᬰᬯᬶᬓ᭄ᬭᬫᬦᬶᬭᬉᬢᬵᬫ᭞ᬦ᭄ᬬᬢ᭞ᬕᬸᬦᬸᬂᬳᬕᬸᬂᬩᬢᬸᬃ᭞ᬳᬶᬸᬮᬶᬸ
ᬳᬶᬸᬬᬶᬸᬓ᭄ᬭᬶᬸᬫᬶᬸᬦ᭄ᬬᬶᬸ᭞ᬓᬤᬾᬯᬢᬦ᭄᭞ᬫᬲ᭄ᬧᬳᬶᬢ᭄᭞ᬧᬲᭂᬓ᭄᭞ᬲᬓᬩᭀᬦ᭄᭞ᬧᬸᬲᭂᬄ᭞ᬤᬍᬫ᭄᭞ᬩᬗᬸᬦ᭄ᬰᬓ᭄ᬢᬶ᭞ᬤᬰᬧᬢᬭᬡᬵ᭞ᬫᬓ᭄ᬯᬾᬄᬫᬓᬵᬤᬸᬮᬸᬃᬦ᭄ᬬ᭞ᬧᬲᬶᬫ᭄ᬧᬗᬦᬶᬭᬉᬢ᭄ᬢᬵᬫ᭞ᬫᬓᬧᬩᬓ᭄ᬢ᭄ᬬᬦᬶᬂᬫᬦᬸᬱᬵ᭞ᬦ᭄ᬤ᭄ᬬᬢ᭞ᬮ᭄ᬯᬶᬃ᭠
ᬦᬶᬭ᭞ᬭᬶᬂᬤᬶᬦᬵ᭞ᬓ᭞ᬅ᭞ᬓ᭞ᬰ᭞ᬓᬧᬸᬃ᭞ᬢᬶ᭞ᬇᬓᬧᬩᬓ᭄ᬢ᭄ᬬᬦᬶᬂᬫᬦᬸᬱᬵ᭞ᬜᬸᬗ᭄ᬲᬸᬂᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬬᬦ᭄ᬭᬶᬂ᭞ᬰ᭞ᬓ᭞ᬗᬩᬓ᭄ᬢᬶ᭞ᬧᬶᬢᬺᬕᬡᬳᬲᬶᬄ᭞ᬬᬦ᭄᭞ᬩᬸ᭞ᬓ᭞ᬗᬩᬓ᭄ᬢᬶᬩ᭄ᬭᬬᬧᬶᬢ᭄ᬭᬳᬲᬶᬄ᭞ᬬᬦ᭄᭞ᬅ᭞ᬓ᭞ᬗᬩ
ᬓ᭄ᬢᬶ᭞ᬯ᭄ᬯ᭄ᬧ᭄ᬗ᭄ᬳᬕᬸᬂᬳᬲᬶᬄ᭞ᬨ᭞ᬬᬦ᭄᭞ᬧᬹ᭞ᬗᬩᬓ᭄ᬢᬶ᭞ᬳ᭄ᬬᬂᬪᬝᬵᬭᬯᬶᬤ᭄ᬥᬶᬳ᭄ᬬᬂᬪᬝᬵᬭᬓᬩᬾᬄᬳᬰᬶᬄ᭞ᬨ᭞ᬬᬦ᭄᭞ᬢᬶ᭞ᬗᬩᬓ᭄ᬢᬶ᭞ᬯᬢᭂᬓ᭄ᬪᬸᬣᬤ᭄ᬗᭂᬦ᭄ᬳᬰᬶᬄ᭞ᬫ᭄ᬯᬂᬪᬸᬣᬪᬸᬣᬶ᭞ᬫ᭄ᬯᬂᬲᬂᬤᬾᬯᬤ᭄ᬗᭂᬦ᭄᭞ᬧᬥᬳᬰᬶᬄ᭞᭙᭞ᬫ᭠
[ ᭑᭒ 12A]
ᬗ᭄ᬓᬵᬦᬓ᭄ᬭᬫᬦᬶᬂᬫᬵᬦᬸᬱᬳᬜᬶᬯᬶ᭞ᬭᬶᬂᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫ᭄ᬯᬂᬭᬶᬂᬩᬸᬣᬵᬧᬶᬢᬺ᭞ᬬᬾᬦᬋᬧ᭄ᬲᬶᬭᬯ᭄ᬭᬸᬳᬢᬸᬢᬓ᭄ᬦᬤᬾᬦ᭄ᬢᬵ᭞ᬇᬓᬶᬫᬓᬲᬤᬦᬦ᭄ᬬᬭᬶᬂᬩᬦ᭄ᬢᭂᬦ᭄᭞ᬲᬯᬾᬦ᭄ᬩ᭞ᬬᬦᬕᬸᬂᬬᬦᬵᬮᬶᬢ᭄᭞ᬯ᭄ᬦᬂ᭞ᬩᬲᬾᬩ᭄ᬯᬄ᭞ᬲᬸᬤᬂᬢᬮᬸᬄᬘᬦᬂ
ᬮᬶᬫᬂᬢᬦ᭄ᬤᬶᬂ᭞ᬰᬕ᭄ᬥᬾᬦ᭄ᬬ᭞ᬤᬫᬮ᭄ᬯᬶᬳᬶᬦ᭄᭞ᬳᬬᬫ᭄ᬧᬶᬦᬸᬓᬂᬧᬸᬓᬂ᭞ᬤᬤ᭄ᬬᬂᬮᬶᬫᬂᬢᬦ᭄ᬤᬶᬂ᭞ᬢᭂᬗ᭄ᬕᭂᬓ᭄ᬜᬦᬾ᭞ᬢ᭄ᬓᬾᬦ᭄ᬓᬶᬩᬸᬮ᭄ᬜᬦᬾ᭞ᬤᬤ᭄ᬬᬂᬳᬢᬡ᭄ᬥᬶᬂ᭞ᬓᬫ᭄ᬧᬶᬤ᭄ᬜᬦᬾ᭞ᬫᬓᬤ᭄ᬯᬂᬳᬦᬾᬄ᭞ᬤᬤ᭄ᬬᬂᬳᬢᬡ᭄ᬥᬶᬂ᭞ᬧᬳᬦ᭄ᬜᬦᬾ᭞ᬢ᭄ᬓᬾᬦ᭄ᬩᬢᬶᬲ᭄ᬜᬦᬾ
ᬤᬤ᭄ᬬᬂᬳᬢᬡ᭄ᬥᬶᬂ᭞ᬳᭀᬭᬶᬦ᭄ᬢᬶᬗ᭄ᬓᬄᬢᬢᬦ᭄ᬤᬶᬗᬦᬾ᭞ᬫᬓᬮᬶᬫᬂᬢᬦ᭄ᬥᬶᬂ᭞ᬢᭂᬗ᭄ᬕᭂᬓ᭄ᬲᬲᬮᬸ᭞ᬤᬤᬶᬢᬢᬦ᭄ᬥᬶ᭞ᬕ᭄ᬦᬄᬦ᭄ᬬᬢᭂᬗ᭄ᬕᭂᬓᬮᬯᬦ᭄ᬓᭂᬤᬶᬸᬩᬸᬮ᭄᭞ᬦᬾ ᬧ᭄ᬢᬂᬢᬦ᭄ᬥᬶᬂ᭞ᬕᬸᬓ᭄ᬘᬘᬳᬦ᭄᭞ᬢ᭄ᬮᬲ᭄᭞ᬳᬬᬫ᭄ᬇᬓᬵᬓᬗ᭄ᬕᬾᬲᬳᬸᬍᬲ᭄ᬦ᭄ᬬ
᭞ᬳᬧᬦ᭄ᬧᬦᬸᬕ᭄ᬭᬳᬦ᭄ᬳᬶᬤᬲᬗ᭄ᬳ᭄ᬬᬂᬓᬫᬸᬮᬦ᭄ᬧᬗ᭄ᬭᬾᬓᬳᬦ᭄᭞ᬢᬶᬗ᭄ᬓᬳᬶᬂᬳᬩᬦ᭄ᬢᭂᬦ᭄ᬭᬶᬂᬤᬶᬦᬵ᭞ᬓᬂᬓᭀᬘᬧᬶᬂᬳᬋᬧ᭄᭞ᬇᬢᬶᬧᬗᬓ᭄ᬱᬫᬦᬾ᭞ᬭᬶᬂᬪᬝᬵᬭᬳ᭄ᬬᬂᬓᬫᬸᬮᬦ᭄᭞ᬧᬗ᭄ᬭᬾᬓᬳᬦ᭄᭞ᬫ᭄ᬯᬂᬳᬗ᭠
Kaca:Bali-lontar-tutur-bhuwana-mbahbah-01-250ppi.pdf/12
Kaca puniki sampun kauji-wacén
