Kaca puniki sampun kauji-wacén
[᭒᭘ 28B]
᭒᭘
ᬦᬀ᭞ᬓᬺᬢ᭄ᬢᬫᭀᬓᬵᬭᬫᬾᬢᬘ᭄ᬙ᭞ᬢᬢ᭄ᬭᬰᬭᭀᬖ᭄ᬦᬢᬀᬕᬸᬳ᭄ᬬᬀ᭞ᬬᭀᬚ᭄ᬜᬵᬢ᭄ᬯᬰᬦ᭄ᬢᬶᬫᬵᬧ᭄ᬦᬸᬬᬧ᭄᭛ᬇᬓᬵᬢᬯᬶᬤᬾᬲᬂᬕᬸᬭᬸ᭞ᬲᬮᬶᬂ
ᬲᬂᬳ᭄ᬬᬂᬰᬵᬲ᭄ᬢ᭄ᬭᬢᬄ᭞ᬤᬾᬬᬦᬶᬭᬬᬦ᭄ᬧᬯᬾᬄᬓᬮ᭄ᬧᬲᬦ᭄᭞ᬳᬬ᭄ᬯᬲᬶᬫᬤ᭄ᬯᬭᬓᭂᬦ᭄᭞ᬫᬗ᭄ᬓᬵᬦᬤᬾᬦᬶᬭᬦ᭄ᬫᬯᬾᬄᬉᬧᬵᬤᬾᬰ᭞
ᬳᬬ᭄ᬯᬲᬶᬭᬫᬗᬶᬘ᭄ᬙᬯᬶᬄ᭞ᬅᬧᬵᬦ᭄ᬲᬂᬳ᭄ᬬᬂᬰᬵᬲ᭄ᬢ᭄ᬭᬧᬗᬮ᭠ᬦ᭄ᬭᬲ᭞ᬧᬥᬮᬯᬵᬦ᭄ᬢᬶᬲᬶᬭ᭞ᬧᬗᬮᬧᬦ᭄ᬫᬥᬸᬱᬣᬵ᭞ᬲᬂᬳ᭄ᬬᬂ᭠
ᬑᬁᬓᬵᬭᬧ᭄ᬯᬲᬶᬭᬫᬵᬮᬶᬂ᭞ᬗᬫᬸᬢᭂᬃᬧᬸᬢᬸᬲ᭄ᬦᬶᬂᬤᬶᬩ᭄ᬬ᭞ᬕᭃᬕᭂᬦ᭄ᬳᬶᬥᭂᬧᭂᬦ᭄ᬅᬗᭂᬦᬗᭂᬦᭂᬦ᭄᭞ᬧᬭᬫᬵᬃᬣᬦ᭄ᬬᬵ᭞ᬅᬦᬧ᭄ᬯᬲᬶᬭ
[᭒᭙ 29A]
᭒᭙
ᬲᬂᬯ᭄ᬭᬸᬄᬲᬂᬧᬶᬦᬓᬵᬲ᭄ᬯᬫᬶᬦᬶᬓᬂᬭᬵᬢ᭄᭞ᬮᬵᬯᬦ᭄ᬲᬂᬯ᭄ᬭᬸᬄᬭᬶᬲᬂᬧᬶᬦᬓᬵᬦᬶᬫᬶᬢ᭄ᬢᬦᬶᬗᬚᬶ᭞ᬲᬶᬭᬢᬳᬸᬫᬗ᭄ᬕᬸᬄᬲᬂᬳ᭄ᬬᬂᬓᬮ᭄ᬧᬲᬦ᭄
᭛ᬩ᭄ᬬᬵᬓ᭄ᬢᬜ᭄ᬘᬧ᭄ᬭᬓᬺᬢ᭄ᬢᬶᬯᬶᬥ᭄ᬬᬵᬢ᭄᭞ᬅᬩ᭄ᬬᬓ᭄ᬢᬀᬧᬸᬭᬸᬱᬀ᭠ᬯᬶᬤᬸᬄ᭞ᬢᬬᭀᬩ᭄ᬬᬵᬓ᭄ᬢᬦ᭄ᬢᬣᬵᬩ᭄ᬬᬓ᭄ᬢᬀ᭞ᬧ᭄ᬭᬓᬺᬢᬀᬧᬸᬭᬸᬱᬀᬯᬶᬤᬸᬄ᭛
ᬇᬓᬂᬧ᭄ᬭᬓᬺᬢ᭄ᬢᬶ᭞ᬬᬲᬶᬦᬗ᭄ᬕᬸᬄᬅᬩ᭄ᬬᬵᬓ᭄ᬢᬗᬭᬦ᭄ᬬᬵ᭞ᬩ᭄ᬬᬓ᭄ᬢᬢᬦ᭄ᬳᬦᬢ᭄ᬗᬄᬦᬶᬓᬂᬭ᭄ᬯ᭞ᬳᬦᬢᬲᬶᬭᬲᬂᬧᬸᬭᬸᬱᬵᬗᬭᬦᬶᬭ᭞ᬚᬢᬶᬦᬶᬭ
ᬦᬶᬃᬯ᭄ᬯᬶᬓᬵᬭᬧ᭄ᬭᬓᬺᬢᬶᬗᬭᬦᬶᬭ᭞ᬲᬶᬭᬢᬬᬸᬓ᭄ᬢᬶᬓᬯ᭄ᬭᬸᬳᬦᬓᬫᬸᬗ᭄ᬓᬸᬫᬭ᭛ᬢᬣᬲ᭄ᬢᬀᬯᬃᬢ᭄ᬢᬶᬢᭀᬬᬦ᭄ᬢᬶ᭞ᬘᬡ᭄ᬤ᭄ᬭᬓᬵᬡ᭄ᬝᬲ᭄ᬬ
