Kaca puniki sampun kauji-wacén
[᭒᭔ 24B]
᭒᭔
ᬲᬶᬭᬢᬫᬗᬭᬦᬧᬸᬬ᭄᭛ᬲᬃᬯ᭄ᬯᬾᬱᬀᬲᬵᬓ᭄ᬱᬭᬵᬦᬜ᭄ᬘ᭞ᬑᬁᬓᬵᬭᬜ᭄ᬘᬯᬶᬰᬶᬱᬢᬾ᭞ᬑᬁᬓᬵᬭᬀᬧᬭᬫᬀᬲᬹᬓ᭄ᬱ᭄ᬫᬀ᭞ᬢᬢ᭄ᬯᬦᬶᬃᬩ᭄ᬪᬵᬡ
ᬫᬧ᭄ᬦᬸᬬᬧ᭄᭛ᬓᬤᬶᬯ᭄ᬬᬦ᭄ᬲᬂᬳ᭄ᬬᬂᬑᬁᬓᬵᬭ᭞ᬲᬶᬭᬍᬯᬶᬄᬲᬗ᭄ᬓᬾᬂ᭠ᬫᬵᬦ᭄ᬢ᭄ᬭᬓᬩᬾᬄ᭞ᬲᬶᬭᬲᬶᬦᬗ᭄ᬕᬸᬄᬧᬭᬫᬲᬹᬓ᭄ᬱ᭄ᬫ᭞ᬫᬗ᭄ᬓᬵᬦᬇᬓᬂᬓ
ᬫᭀᬓ᭄ᬱᬦ᭄ᬓᬧᬗ᭄ᬕᬸᬄᬤᬾᬦᬶᬭ᭞ᬲᬂᬳ᭄ᬬᬂᬒᬁᬓᬭᬲᬶᬭᬧᬶᬦᬓ᭠ᬫᬵᬃᬕ᭄ᬕᬤᬾᬲᬂᬬᭀᬕᬶᬰ᭄ᬯᬭᬵ᭛ᬦᬶᬭᬵᬓ᭄ᬱᬭᬀᬪᬯᬾᬢ᭄ᬦᬶᬢ᭄ᬬᬀ᭞ᬦᬶᬭᬵᬓ
ᬜ᭄ᬘᬦᬶᬲ᭄ᬓᬵᬮᬀ᭞ᬦᬶᬭᬹᬧᬀᬲᬃᬯ᭄ᬯᬪᬯᬾᬱᬸ᭞ᬫᭀᬓ᭄ᬱᬫᬾᬢ᭄ᬭᬢ᭄ᬧ᭄ᬭᬓᬶᬃᬢ᭄ᬢᬶᬢᬄ᭛ᬢᬦ᭄ᬓ᭄ᬦᬭᬶᬗᬓ᭄ᬱᬭ᭞ᬉᬦᬶᬯᬾᬄᬲᬃᬯ᭄ᬯᬪᬵᬯᬓ᭠
[᭒᭕ 25A]
᭒᭕
ᬩᬾᬄ᭞ᬇᬓᬵᬫᬗ᭄ᬓᬦᬢᬲᬹᬓ᭄ᬱ᭄ᬫᬮᬶᬂᬪᬝᬵᬭ᭛ᬅᬢ᭄ᬫᬵᬘᬿᬯᬵᬦ᭄ᬢᬭᬵᬢ᭄ᬫᬓᬄ᭞ᬧᬭᬵᬫᬢ᭄ᬫᬢᬯᬾᬯᬘ᭄ᬘ᭞ᬢ᭄ᬬᬵᬦ᭄ᬢᬢ᭄ᬫᬜ᭄ᬘᬯᬶᬪᬸᬄᬰᬸ
ᬦ᭄ᬬᬀ᭞ᬰᬸᬦ᭄ᬬᬫᬦ᭄ᬢᬵᬧ᭄ᬭᬫᬰᬷᬯᬀ᭛ᬲᬂᬳ᭄ᬬᬂᬯᬶᬱ᭄ᬡᬸᬲᬶᬭᬆᬢ᭄ᬫ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬲᬶᬭᬢ᭄ᬫᬭᬵᬢ᭄ᬫ᭞ᬪᬵᬝᬵᬭᬭᬸᬤ᭄ᬭᬲᬶᬭᬵᬧᬭᬵᬫᬢ᭄ᬫᬵ᭞ᬪᬝᬵᬭᬰᬷ᭠
ᬯᬵᬲᬶᬭᬅᬢ᭄ᬬᬦ᭄ᬢᬵᬢ᭄ᬫ᭛ᬅᬓᬵᬭᬀᬚᬵᬕ᭄ᬭᬫᬢ᭄ᬬᬸᬓ᭄ᬢᬀ᭞ᬉᬓᬭᬲ᭄ᬯᬧ᭄ᬦᬫᬾᬯᬶᬘ᭄ᬙ᭞ᬫᬓᬵᬭᬜ᭄ᬘᬲᬸᬲᬸᬧ᭄ᬢᬫ᭄ᬪᭀ᭞ᬒᬁᬓᬵᬭᬀᬢᬹᬃᬬ᭄ᬬᬵᬫᬾ
ᬯᬵᬘ᭄ᬘ᭛ᬇᬓᬂᬅᬓᬵᬭ᭞ᬬᬚᬕ᭄ᬭᬯᬶᬚᬵ᭞ᬇᬓᬂᬉᬓᬵᬭ᭞ᬬᬲ᭄ᬯᬧ᭄ᬦᬯᬶᬚ᭞ᬇᬓᬂᬒᬁᬓᬵᬭ᭞ᬬᬢᬸᬃᬬ᭄ᬬᬵᬯᬶᬚ᭛ᬗᬶᬸᬓᬶᬸᬂᬲ᭄ᬣᬵᬦᬾ
