[᭖᭘ 68B]
᭖᭘
ᬳ᭄ᬬᬂᬦᬶᬓᬂᬢᬹᬃᬬ᭄ᬬᬧᬤᬲᬂ᭞ᬳ᭄ᬬᬂᬫᬳᬾᬰ᭄ᬯᬭ᭟ᬢᬹᬃᬬ᭄ᬬᬵᬦ᭄ᬢᬲ᭄ᬬᬫᬳᬵᬤᬾᬯᬵᬦᬵᬫ᭄ᬦᬵᬰᬶᬯᬧᬤᬀᬢᬣᬵ᭞ᬧᬭᬫᬵᬢ᭄ᬫᬦᬰ᭄ᬘᬓᬾᬯᬮ᭄ᬬᬀᬧᬭᬀᬓᬾᬯᬮ᭄ᬬᬀᬰᬵᬦ᭄ᬢᬶᬤᬫ᭄᭟᭔᭘᭟ᬳ᭄ᬬᬂᬦᬶᬓᬂᬢᬹᬃᬬ᭄ᬬᬵᬦ᭄ᬢ᭞ᬲᬂ
ᬳ᭄ᬬᬂᬫᬳᬵᬤᬾᬯ᭞ᬲᬶᬭᬲᬶᬦᬗ᭄ᬕᬸᬄᬰᬶᬯᬧᬤᬗᬭᬦ᭄ᬬ᭞ᬳ᭄ᬬᬂᬦᬶᬓᬂᬓᬾᬯᬮ᭄ᬬ᭞ᬲᬂᬳ᭄ᬬᬂᬇᬰᬵᬦ᭞ᬳ᭄ᬬᬂᬦᬶᬓᬂᬧᬭᬫᬓᬾᬯᬮ᭄ᬬ᭞ᬪᬝᬵᬭᬧᬭᬫᬰᬶᬯ᭞ᬲᬶᬭᬢᬰᬵᬦ᭄ᬢᬶᬤᬗᬭᬦ᭄ᬬ᭞ᬲᬶᬦᬗ᭄ᬕᬸᬄᬓᬫᭀᬓ᭄ᬢᬦ᭄
᭞ᬫᬗ᭄ᬓᬦᬦᬶᬮᬶᬂᬪᬝᬵᬭ᭞ᬉᬫᬭᬄᬫᬭᬄᬭᬶᬲᬂᬓᬸᬫᬵᬭ᭟ᬚᬵᬕ᭄ᬭᬘ᭄ᬘᬵᬰ᭄ᬯᬫᬾᬥᬬᬚ᭄ᬜᭀᬯᬵᬚᬧᬾᬬᬰ᭄ᬘᬲ᭄ᬯᬧ᭄ᬦᬓᬫ᭄᭞ᬧᬸᬡ᭄ᬥᬭᬷᬓᬄᬲᬸᬰᬸᬧ᭄ᬢᬀᬘᬭᬵᬚᬲᬹᬬᬰ᭄ᬘᬢᬹᬃᬬ᭄ᬬᬓᬫ᭄᭟ᬇᬓᬂ᭟ᬚᬵᬕ᭄ᬭᬧᬤ᭞ᬬᬅ
ᬰ᭄ᬯᬫᬾᬥᬬᬚ᭄ᬜ᭞ᬇᬓᬂᬲ᭄ᬯᬧ᭄ᬦᬧᬤ᭞ᬬᬯᬵᬚᬧᬾᬬᬬᬚ᭄ᬜ᭞ᬇᬓᬂᬲᬸᬱᬸᬧ᭄ᬢᬧᬤ᭞ᬬᬧᬸᬡ᭄ᬥᬭᬷᬓ᭞ᬇᬓᬂᬢᬹᬃᬬ᭄ᬬᬧᬤ᭞ᬬᬭᬵᬚᬲᬹᬬᬗᬭᬦ᭄ᬬ᭟ᬚᬵᬕ᭄ᬭᬤ᭄ᬯᬀᬰᬦ᭄ᬢᬭᬶᬢ᭄ᬬᬸᬓ᭄ᬢᬶᬤᬶᬯ᭄ᬬᬭᬹᬧᬱ᭄ᬘᬢᬹᬃᬫ᭄ᬫᬸᬔᬄ᭞ᬪᬲ᭄ᬫ
[᭖᭙ 69A]
ᬩ᭄ᬬᬫᬚᬝᬥᬭᭀᬩ᭄ᬭᬳ᭄ᬫᬵᬘᬵᬭᬷᬘᬧᬡ᭄ᬥᬶᬢᬄ᭟᭔᭙᭟ᬇᬓᬂᬚᬵᬕ᭄ᬭᬧᬤ᭞ᬬᬧᬓᬸᬯ᭄ᬯᬦ᭄ᬯᬢᭂᬓ᭄ᬳ᭄ᬬᬂᬩ᭄ᬭᬳ᭄ᬫᬵ᭞ᬇᬩᭂᬓᬦ᭄ᬧ᭄ᬯᬘᬢᬹᬃᬫᬸᬔᬤᬶᬯ᭄ᬬᬭᬹᬧᬲᬶᬭ᭞ᬧᬥᬧᬸᬢᬶᬄᬤᬾᬦᬶᬗᬯᬸ᭞ᬧᬥᬫᬗᬸᬦ᭄ᬬᬵ
ᬓᭂᬦ᭄ᬘᬢᬸᬃᬯ᭄ᬯᬾᬤᬫᬦ᭄ᬢ᭄ᬭ᭞ᬫ᭄ᬯᬂᬚᬝᬥᬭ᭞ᬧᬥᬩ᭄ᬭᬳ᭄ᬫᬘᬵᬭᬷᬲᬶᬭ᭞ᬧᬥᬫᬲᬯᬶᬢ᭄ᬩ᭄ᬭᬳ᭄ᬫᬲᬹᬢ᭄ᬭ᭞ᬫᬗ᭄ᬓᬦᬧᬳ᭄ᬬᬲ᭄ᬦᬶᬭ᭞ᬦᬶᬢ᭄ᬬᬲᬫᬹᬚᬵᬦᬶᬲᬂᬳ᭄ᬬᬂᬩ᭄ᬭᬳ᭄ᬫᬵᬲᬶᬭ᭟ᬲ᭄ᬯᬧ᭄ᬦᬲ᭄ᬬᬤᬾᬢᬵᬘ᭄ᬬᬸᬢᭀᬤᬶᬯ᭄ᬬᬭᬹᬧᬰ᭄ᬘ
ᬢᬸᬃᬪᬸᬚᬄ᭞ᬰᬗ᭄ᬔᬘᬓ᭄ᬭᬕᬤᬵᬳᬲ᭄ᬢᬄᬔᬕᬾᬦ᭄ᬤ᭄ᬭᬯᬭᬯᬳᬦᬄ᭟᭕᭐᭟ᬇᬓᬂᬲ᭄ᬯᬧ᭄ᬦᬧᬤ᭞ᬬᬧᬓᬸᬯ᭄ᬯᬦ᭄ᬯᬢᭂᬓ᭄ᬳ᭄ᬬᬂᬯᬶᬱ᭄ᬡᬸ᭞ᬓᬧ᭄ᬯᬤᬶᬯ᭄ᬬᬢᬹᬧ᭞ᬧᬥᬲᬶᬭᬘᬢᬸᬃᬪᬸᬚ᭞ᬓᬧ᭄ᬯᬲᬶᬭᬫᬂᬕᭂᬕᭃᬰᬗ᭄ᬔᬘ
ᬓ᭄ᬭᬫ᭄ᬯᬂᬕᬤᬵ᭞ᬧᬥᬫᬦᬸᬗ᭄ᬕᬗᬶᬕᬭᬸᬥ᭟ᬲᬸᬱᬸᬧ᭄ᬢᬲ᭄ᬬᬤᬾᬯᬢᭀᬓ᭄ᬢᭀᬭᬸᬤ᭄ᬭᬭᬹᬧᬄᬓᬵᬮᬥᬭᬄ᭞ᬢ᭄ᬭᬶᬦᬾᬢ᭄ᬭᬲ᭄ᬢ᭄ᬭᬶᬰᬹᬮᬳᬲ᭄ᬢᬄᬰᬃᬯ᭄ᬯᭀᬧᬪᬯᬵᬳᬦᬄ᭟᭕᭒᭟ᬇᬓᬂᬲᬸᬱᬸᬧ᭄ᬢᬧᬤ᭞ᬬᬧᬓᬸᬯ᭄ᬯ
Kaca:Bali-lontar-tatwa-maha-jnana-300ppi.pdf/69
Kaca puniki sampun kauji-wacén
