[᭖᭖ 66B]
᭖᭖
᭞ᬮ᭄ᬯᬶᬃᬦᬶᬂᬢᬾᬚᬦᬶᬭᬳᬦᬾᬂᬇᬭᬸᬂ᭞ᬓᬤᬶᬢᬾᬚᬦᬸᬂᬫᬡᬶᬓ᭄ᬲ᭄ᬨᬝᬶᬓ᭟ᬪ᭄ᬭᬸᬫᬥ᭄ᬬᬾᬫᬡᬷᬦ᭄ᬤᬦᬶᬮᬀᬮᬮᬵᬝᬾᬘᬢᬾᬮᬦᬶᬪᬫ᭄᭞ᬧᬵᬡᭀᬭᬹᬧ᭄ᬬᬵᬪᬀᬯᬶᬚ᭄ᬜᬾᬬᬀᬰᬶᬭᭀᬫᬥ᭄ᬬᬾᬦᬶᬭᬜ᭄ᬚ
ᬦᬫ᭄᭟᭓᭘᭟ᬧᬵᬦ᭄ᬢᬭᬦᬶᬗᬮᬲ᭄᭞ᬓᬤᬶᬧ᭄ᬭᬪᬵᬦᬶᬂᬫᬡᬷᬦ᭄ᬤ᭄ᬭᬦᬷᬮ᭞ᬇᬓᬂᬭᬳᬶᬓᬤᬶᬮ᭄ᬯᬶᬃᬦᬶᬂᬫᬶᬜᬓ᭄᭞ᬭᬶᬂᬧᬵᬡᬶᬓᬤᬶᬢᬾᬚᬦᬶᬂᬧᬶᬭᬓ᭄᭞ᬭᬶᬢ᭄ᬗᬄᬦᬶᬂᬳᬸᬮᬸ᭞ᬢᬢᬦ᭄ᬳᬦᬢᬾᬚᬦᬶᬭᬦ᭄ᬳ
ᬦᬗ᭄ᬓᬵᬦ᭞ᬦᬶᬃᬯ᭄ᬯᬃᬡ᭄ᬦ᭟ᬆᬓᬵᬰᬫᬡ᭄ᬥᬮᬀᬧ᭄ᬭᬵᬧ᭄ᬭᬩ᭄ᬭᬳ᭄ᬫᬤ᭄ᬯᬵᬭᬫᬸᬤᬵᬳᬺᬢᬫ᭄᭞ᬅᬕ᭄ᬦᬶᬦᬵᬫᬮᬰᬸᬤ᭄ᬥᬷᬘᬰᬹᬦ᭄ᬬᬲ᭄ᬣᬫᬦ᭄ᬢᬷᬯᬶᬤᬸᬄ᭟᭓᭙᭟ᬥᬢᬂᬧ᭄ᬯᬬᬭᬶᬂᬆᬓᬵᬰᬫᬡ᭄ᬥᬮ᭞ᬓᬧᬗ᭄ᬕᬸᬄᬢᬂᬩ᭄ᬭᬳ᭄ᬫ
ᬤ᭄ᬯᬵᬭ᭞ᬯᬸᬲ᭄ᬭᬸᬦᬦ᭄᭞ᬩ᭄ᬭᬳ᭄ᬫᬤ᭄ᬭᬵᬭ᭞ᬗ᭞ᬇᬓᬢᬓᬩᬾᬄᬕ᭄ᬲᭂᬂᬤᬾᬦᬶᬂᬅᬧᬸᬬ᭄ᬭᬶᬧᬶᬲᭂᬭ᭄᭞ᬉᬯᬸᬲ᭄ᬧ᭄ᬯᬬᬕ᭄ᬲᭂᬂᬲᬳᬦᬦ᭄ᬬ᭞ᬢ᭄ᬓᬢᬬᬭᬶᬧᬤᬪᬝᬵᬭ᭞ᬇᬓᬧᬤᬢᬦᬦᬉᬢ᭄ᬢᬫᬮᬶᬂᬪᬝᬵᬭ᭟ᬚᬵ
[᭖᭗ 67A]
ᬕ᭄ᬭᬢ᭄ᬲ᭄ᬯᬧ᭄ᬦᭀᬘᬯᬶᬚ᭄ᬜᬾᬬᭀᬲᬸᬱᬸᬧ᭄ᬢᬀᬧᬤᬫᬾᬯᬘ᭞ᬓᬾᬯᬮ᭄ᬬᬀᬧᬭᬀᬲᬧ᭄ᬢᬵᬓᬵᬰᬫᬶᬢ᭄ᬬᬸᬘ᭄ᬬᬢᬾ᭟᭔᭐᭟ᬳᬦᬚᬵᬕ᭄ᬭᬧᬤᬗᬭᬦ᭄ᬬ᭞ᬳᬦᬲ᭄ᬯᬧ᭄ᬦᬧᬤᬗᬭᬦ᭄ᬬ᭞ᬳᬦᬲᬸᬱᬸᬧ᭄ᬢᬧᬤ
ᬗᬭᬦ᭄ᬬ᭞ᬳᬦᬢᬹᬃᬬ᭄ᬬᬧᬤᬗᬭᬦ᭄ᬬ᭞ᬳᬦᬓᬾᬯᬮ᭄ᬬᬧᬤᬗᬭᬦ᭄ᬬ᭞ᬳᬦᬧᬭᬫᬓᬾᬯᬮ᭄ᬬᬧᬤᬗᬭᬦ᭄ᬬ᭞ᬳᬦᬢᬹᬃᬬ᭄ᬬᬵᬦ᭄ᬢᬧᬤᬗᬭᬦ᭄ᬬ᭞ᬇᬓᬢᬓᬩᬾᬄᬬ᭞ᬲᬶᬦᬗ᭄ᬕᬸᬄᬲᬧ᭄ᬢᬵᬰᬗᬭ
ᬦ᭄ᬬ᭞ᬆᬓᬵᬰᬧᬶᬢᬸ᭞ᬫᬗ᭄ᬓᬦᬯᬸᬯᬸᬲ᭄ᬪᬝᬵᬭ᭞ᬭᬶᬂᬲᬂᬓᬸᬫᬵᬭ᭟ᬓᬺᬢᬬᬸᬕᬀᬚᬵᬕ᭄ᬭᬢ᭄ᬧ᭄ᬭᭀᬓ᭄ᬢᬀᬢ᭄ᬭᬾᬢ᭄ᬭᬢᬀᬲ᭄ᬯᬧ᭄ᬦᬧᬤᬀᬯᬶᬤᬸᬄ᭞ᬤ᭄ᬯᬵᬧᬭᬀᬘᬲᬸᬱᬸᬧ᭄ᬢᬀᬦᬸᬓᬮᬶᬲ᭄ᬢᬃᬬ᭄ᬬᬫᬶᬢ᭄ᬬᬸᬘ᭄ᬬᬢᬾ᭟᭔᭑᭟ᬇᬓᬂᬚᬵᬕ᭄ᬭᬧ
ᬤᬬᬓᬺᬢᬗᬭᬦ᭄ᬬ᭞ᬇᬓᬂᬲ᭄ᬯᬧ᭄ᬦᬧᬤᬬᬢ᭄ᬭᬾᬢᬵᬗᬭᬦ᭄ᬬ᭞ᬇᬓᬂᬲᬸᬱᬸᬧ᭄ᬢᬧᬤᬬᬤ᭄ᬯᬵᬧᬭᬗᬭᬦ᭄ᬬ᭞ᬇᬓᬂᬢᬹᬃᬬ᭄ᬬᬧᬤᬬᬓᬮᬶᬲᬂᬳᬵᬭᬗᬭᬦ᭄ᬬ᭟ᬦᬵᬪᬶᬫᬹᬮᬾᬪᬯᬾᬚ᭄ᬚᬵᬕ᭄ᬭᬢ᭄ᬲ᭄ᬯᬧ᭄ᬦᬳᬺᬤᬬ
Kaca:Bali-lontar-tatwa-maha-jnana-300ppi.pdf/67
Kaca puniki sampun kauji-wacén
