[᭖᭒ 62B]
᭖᭒
ᬳᬺᬢ᭄ᬬᬭᬰ᭄ᬫᬬᭀᬳᬶᬳᬭᬾᬭᬶᬯ᭟᭒᭐᭟ᬳᬦᬢᬧᬤ᭄ᬫᬉᬫᬸᬗ᭄ᬕᬸᬄᬭᬶᬳᬢᬶ᭞ᬮᬯᬦ᭄ᬭᬶᬂᬧᬸᬲᭂᬭ᭄᭞ᬫ᭄ᬯᬂᬭᬶᬂᬕᬸᬮᬸ᭞ᬢᬶᬕᬓ᭄ᬯᬾᬄᬦ᭄ᬬ᭞ᬅᬢ᭄ᬬᬦ᭄ᬢᬭᬶᬲᬹᬓ᭄ᬱ᭄ᬫᬬ᭞ᬇᬭᬸᬳᬸᬃᬯᬶᬢ᭄ᬦ᭄ᬬ᭞ᬲᬸᬫᬸᬗ᭄ᬲᬂᬇᬲᭀᬃᬲ᭄ᬓᬃᬦ᭄ᬬ
᭟ᬲᬃᬯ᭄ᬯᬵᬦᬵᬥᬷᬄᬲᬫᬵᬳᬺᬢ᭄ᬬ᭞ᬇᬓᬂᬧᬤ᭄ᬫᬬᬢᬗᬵᬰ᭄ᬭᬬᬦᬶᬓᬂᬦᬵᬥᬷᬓᬩᬾᬄ᭞ᬯᬶᬢ᭄ᬦ᭄ᬬᬮᬶᬗᬦ᭄ᬬᬢᬾᬚᬦ᭄ᬬᬓᬤᬶᬢᬾᬚᬦᬶᬂᬆᬤᬶᬢ᭄ᬬ᭞ᬓᬫᬮᬀᬬᬤ᭄ᬥᬺᬤᬶᬫᬹᬮᬾᬢᬶᬓ᭄ᬢᬀᬓ᭄ᬭᬧ᭄ᬦᬀᬪᬺᬱᬀᬪᬯᬾ
ᬢ᭄᭞ᬅᬓᬺᬱ᭄ᬡᬷᬘᬓᬺᬱ᭄ᬡᬵᬦ᭄ᬥᬷᬮᭀᬓᬦᬵᬣᬄᬰᬶᬯᬵᬮᬬᬄ᭟᭒᭑᭟ᬲ᭄ᬯᬮᬶᬗ᭄ᬕᬷᬧᬭᬮᬶᬗ᭄ᬕᬷᬯᬵᬲ᭄ᬯᬬᬫᬾᬯᬓᬭᭀᬢᬶᬬᬄ᭞ᬮᬷᬬᬢᬾᬲᬃᬯ᭄ᬯᬪᬹᬢᬵᬦᬵᬀᬲ᭄ᬯᬮᬶᬗ᭄ᬕᬾᬮᬶᬬᬢᬾᬤ᭄ᬯᬶᬚᬄ᭟᭒᭒᭟ᬳᬦᬢᬲ᭄ᬯᬮᬶᬗ᭄ᬕᬗ
ᬭᬦ᭄ᬬ᭞ᬫ᭄ᬯᬂᬧᬭᬮᬶᬗ᭄ᬕ᭞ᬲᬂᬓ᭄ᬱᬾᬧᬦ᭄ᬬ᭞ᬭ᭄ᬯᬇᬓᬂᬮᬶᬗ᭄ᬕ᭞ᬇᬓᬤᬸᬫᬾᬄᬯ᭄ᬯᬂᬯ᭄ᬭᬸᬳᬕᬸᬫᬯᬾᬜᬳ᭄ᬬᬮᬶᬗ᭄ᬕ᭞ᬇᬓᬂᬧᬭᬮᬶᬗ᭄ᬕ᭞ᬬᬾᬓᬲ᭄ᬯᬮᬶᬗ᭄ᬕᬗᬭᬦ᭄ᬬᬓᬮᬶᬗᬦᬶᬂᬲᬃᬯ᭄ᬯᬪᬹᬢᬫ᭄ᬯᬸᬯᬸᬲᭂᬦ᭄ᬢᬢᬾᬓᬂᬲ᭄ᬯᬮᬶᬗ᭄ᬕᬅ
[᭖᭓ 63A]
ᬦᬓᬸᬲᬂᬓᬸᬫᬵᬭ᭟ᬆᬢ᭄ᬫᬦᬶᬲ᭄ᬯᬬᬫᬸᬢ᭄ᬧᬦ᭄ᬦᬀᬲ᭄ᬯᬮᬶᬗ᭄ᬕᬫᬶᬢᬶᬘᭀᬤ᭄ᬬᬢᬾ᭞ᬲ᭄ᬯᬮᬶᬗ᭄ᬕᬀᬧᬹᬃᬯ᭄ᬯᬫᬸᬢ᭄ᬧᬦ᭄ᬦᬷᬧᬭᬮᬶᬗ᭄ᬕᬀᬧ᭄ᬭᭀᬘ᭄ᬬᬢᬾᬩᬸᬥᬾᬄ᭟᭒᭓᭟ᬇᬓᬤᬸᬫᬾᬄᬓᬶᬢᬯ᭄ᬭᬸᬳᬭᬶᬆᬢ᭄ᬫᬦ᭄ᬢᬯᬶᬄ᭞ᬅᬦᬸᬂ
ᬲᬫᬲᬃᬯ᭄ᬯᬚ᭄ᬜᬬᬲᬶᬦᬗ᭄ᬕᬸᬄᬆᬢ᭄ᬫᬮᬶᬗ᭄ᬕᬗᬭᬦ᭄ᬬ᭞ᬭᬶᬤᬾᬦ᭄ᬬᬇᬓᬾᬂᬆᬢ᭄ᬫᬮᬶᬗ᭄ᬕ᭞ᬬᬢᬶᬓᬯ᭄ᬬᬓ᭄ᬢᬓᬶᬦᬯ᭄ᬭᬸᬳᬦ᭄ᬭᬸᬫᬸᬳᬸᬦ᭄᭞ᬓᬫ᭄ᬦᬂᬓᬶᬢᬯ᭄ᬭᬸᬳᬭᬶᬂᬩᬵᬳ᭄ᬬᬮᬶᬗ᭄ᬕ᭞ᬲᬶᬫᬦᬬᬓᭂᬦᬶᬓᬂᬲ᭄ᬯᬮᬶᬗ᭄ᬕ
᭞ᬬᬢᬓᬯ᭄ᬭᬸᬳᬦᬓᬫᬸᬂᬓᬸᬫᬵᬭ᭟ᬰᬶᬯᬮᬶᬗ᭄ᬕᬲᬳᬲ᭄ᬭᬀᬢᬸᬆᬢ᭄ᬫᬮᬶᬗ᭄ᬕᬵᬦ᭄ᬦᬢᬢ᭄ᬲᬫᬫ᭄᭞ᬅᬢᬄᬧᬭᬢᬵᬭᬀᬦᬵᬲ᭄ᬢᬶᬆᬢ᭄ᬫᬮᬶᬗ᭄ᬕᬀᬯᬶᬰᬶᬱ᭄ᬬᬢᬾ᭟᭒᭔᭟ᬇᬓᬂᬩᬵᬳ᭄ᬬᬮᬶᬗ᭄ᬕ᭞ᬮ᭄ᬯᬶᬃᬦ᭄ᬬ᭞ᬧᬃᬳ᭄ᬬᬗ
ᬧ᭄ᬭᬵᬲᬤᬬᬤ᭄ᬬᬦ᭄ᬲᬾᬯᬸᬓ᭄ᬯᬾᬄᬦ᭄ᬬ᭞ᬇᬓᬢᬓᬩᬾᬄᬧᬥᬬᬓᬮᬯᬦᬵᬢ᭄ᬫᬮᬶᬗ᭄ᬕ᭞ᬳᬫ᭄ᬧᬶᬄ᭞ᬢᬦ᭄ᬧᬥᬇᬓ᭞ᬅᬗ᭄ᬳᬶᬂᬆᬢ᭄ᬫᬮᬶᬗ᭄ᬕᬚᬸᬕᬍᬯᬶᬄᬲᬗ᭄ᬓᬭᬶᬂᬮᬶᬗ᭄ᬕᬓᬩᬾᬄ᭟ᬭᬢ᭄ᬦᬮᬶᬗ᭄ᬕ
Kaca:Bali-lontar-tatwa-maha-jnana-300ppi.pdf/63
Kaca puniki sampun kauji-wacén
