[᭕᭙ 59B]
᭕᭙
ᬯᬶᬄ᭞ᬅᬧᬭᬦ᭄ᬢᬾᬓᬲᬶᬦᬗ᭄ᬕᬸᬄᬮ᭄ᬯᬄ᭞ᬅᬧᬭᬦ᭄ᬲᬶᬦᬗ᭄ᬕᬸᬄᬳᬧ᭄ᬯᬶᬭᬶᬂᬤᬍᬫ᭄ᬯ᭄ᬯᬬ᭄᭞ᬅᬧᬭᬦ᭄ᬢᬲᬶᬦᬗ᭄ᬕᬸᬄᬧᬲ᭄ᬫᬧᭂᬲ᭄ᬕᬶᬕᬶᬃᬦ᭄ᬬ᭞ᬅᬧᬭᬦ᭄ᬢᬲᬶᬦᬗ᭄ᬕᬸᬄᬯ᭄ᬗᬶᬗᬭᬦ᭄ᬬᬧᬶᬄ᭞ᬅᬧᬭᬦ᭄ᬲᬶ
ᬦᬗ᭄ᬕᬸᬄᬅᬤᬶᬢ᭄ᬬᬭᬶᬂᬯ᭄ᬗᬶ᭟ᬔᬰᬭᬷᬭᬷᬫᬦᬄᬧᬸᬱ᭄ᬧᬷᬑᬁᬓᬵᬭᬄᬧᬵᬯᬓᬄᬢ᭄ᬫᬺᬢᬄ᭞ᬤᬰᬾᬦ᭄ᬤ᭄ᬭᬶᬬᬵᬘᬶᬓᬹᬫ᭄ᬫᬵᬰ᭄ᬘᬲᬃᬯ᭄ᬯᬵᬦᬵᬥ᭄ᬬᭀᬦᬤ᭄ᬬᬄᬲ᭄ᬫᬺᬢᬵᬄ᭟᭑᭑᭟ᬇᬓᬂᬰᬭᬷᬭ᭞ᬬᬆᬓᬵᬰᬗᬭᬦ᭄ᬬ᭞
ᬲᬂᬳ᭄ᬬᬂᬫᬦᬄᬲᬶᬭᬓᬫ᭄ᬩᬂ᭞ᬲᬂᬳ᭄ᬬᬂᬑᬁᬓᬵᬭᬲᬶᬭᬅᬧᬸᬬ᭄ᬭᬶᬤᬍᬫ᭄ᬯ᭄ᬯᬬ᭄᭞ᬇᬓᬂᬤᬰᭂᬦ᭄ᬤ᭄ᬭᬶᬬ᭞ᬬᬾᬓᬧᬲ᭄ᬫᬧᭂᬲ᭄ᬕᬶᬕᬶᬃᬦ᭄ᬬ᭞ᬇᬓᬂᬮ᭄ᬯᬄᬗᬭᬦ᭄ᬬ᭞ᬦᬵᬥᬷᬆᬢ᭄ᬯᬢᬶᬓ᭄᭟ᬭᬵᬢ᭄ᬭᬶᬰ᭄ᬘᬧ᭄ᬭᬓᬺᬢᬶᬃᬚ᭄ᬜᬾ
ᬬᬵᬭᬯᬶᬰ᭄ᬘᬧᬸᬭᬸᬱᬲ᭄ᬢᬭᬵ᭞ᬆᬢ᭄ᬫᬚ᭄ᬜᬵᬦᬷᬢᬸᬯᬶᬚ᭄ᬜᬵᬬᬫᬸᬘ᭄ᬬᬢᬾᬦᬵᬢ᭄ᬭᬲᬂᬰᬬᬄ᭟᭑᭒᭟ᬲᬂᬧ᭄ᬭᬥᬵᬦᬲᬶᬭᬯ᭄ᬗᬶ᭞ᬲᬂᬧᬸᬭᬸᬱᬲᬶᬭᬵᬤᬶᬢ᭄ᬬᬫ᭄ᬢᬸᬭᬶᬂᬯ᭄ᬗᬶ᭞ᬲᬂᬳ᭄ᬬᬗᬵᬢ᭄ᬫᬵᬲᬶᬭᬲᬶᬦᬗ᭄ᬕᬸᬄᬚ᭄ᬜᬵᬦ᭞ᬯ᭄ᬭᬸᬄ
[᭖᭐ 60A]
ᬧ᭄ᬯᬯ᭄ᬯᬗᬶᬭᬶᬓᬓᬩᬾᬄ᭞ᬢᬦ᭄ᬲᬦ᭄ᬤᬾᬳᬵᬓ᭄ᬦᬫᬸᬮᬶᬄᬫᬭᬶᬂᬧᬤᬪᬝᬵᬭ᭟ᬲ᭄ᬓᬦ᭄ᬥᭀᬭᬵᬢ᭄ᬭᬶᬰ᭄ᬘᬯᬶᬚ᭄ᬜᬾᬬᬰ᭄ᬘᬓ᭄ᬱᬸᬰ᭄ᬘᬯᬵᬭᬯᬶᬲ᭄ᬢᬣᬵ᭞ᬫᬦᭀᬚ᭄ᬜᬦᬷᬢᬸᬯᬶᬚ᭄ᬜᬵᬬᬲᬫᬸᬘ᭄ᬬᬢᬾᬯᬾᬚᬦ᭄ᬫᬦᬄ᭟
᭑᭓᭟ᬲᬶᬦᬗ᭄ᬕᬸᬄᬯ᭄ᬗᬶᬗᬭᬦ᭄ᬬᬯᬦᬾᬄ᭞ᬇᬓᬂᬰᬭᬷᬭᬧᬜ᭄ᬘᬫᬳᬵᬪᬹᬢ᭞ᬭᬯᬶᬗᬭᬦ᭄ᬬ᭞ᬇᬓᬂᬤᬰᬾᬦ᭄ᬤ᭄ᬭᬶᬬ᭞ᬲᬶᬦᬗ᭄ᬕᬸᬄᬚ᭄ᬜᬵᬦᬵᬢ᭄ᬫᬵ᭞ᬲᬶᬭᬢᬮᬸᬧᬸᬢᬶᬂᬚᬦ᭄ᬫᬲᬲᬵᬭ᭟ᬫᬦᭀᬩᬸᬤ᭄ᬥᬶᬭᬳ
ᬗ᭄ᬓᬵᬭᭀᬯᬵᬬᬸᬪᬶᬄᬧᬜ᭄ᬘᬪᬶᬄᬲᬳ᭞ᬧ᭄ᬭᬵᬡᬵᬱ᭄ᬝᬾᬲᬃᬯ᭄ᬯᬪᬹᬢᬵᬦᬵᬀᬰᬭᬶᬭᬀᬲᬹᬓ᭄ᬱ᭄ᬫᬫᬸᬘ᭄ᬬᬢᬾ᭟᭑᭔᭟ᬮ᭄ᬯᬶᬃᬳᬦᬢᬫᬦᬄ᭞ᬩᬸᬤ᭄ᬥᬶ᭞ᬅᬳᬗ᭄ᬓᬵᬭ᭞ᬳᬦᬢᬧᬜ᭄ᬘᬯᬵᬬᬸᬗᬭᬦ᭄ᬬᬯᬦᬾᬄ᭞ᬮ᭄ᬯᬶᬃᬦ᭄ᬬ᭞
ᬧ᭄ᬭᬵᬡ᭞ᬅᬧᬵᬦ᭞ᬲᬫᬵᬦ᭞ᬉᬤᬵᬦ᭞ᬯ᭄ᬬᬵᬦ᭞ᬮᬶᬫᬪᬾᬤᬦ᭄ᬬ᭟ᬧ᭄ᬭᬵᬡᬵᬱ᭄ᬝᭀᬲᬃᬯ᭄ᬯᬪᬹᬢᬵᬦᬵᬫ᭄᭟ᬇᬓᬢᬓᬩᬾᬄ᭞ᬯ᭄ᬯᬮᬸᬧᬶᬡ᭄ᬥᬦ᭄ᬬ᭞ᬧᬶᬦᬓᬧ᭄ᬭᬵᬡᬦᬶᬂᬪᬹᬢᬓᬩᬾᬄ᭞ᬰᬭᬷᬭᬀᬲᬹᬓ᭄ᬱ᭄ᬫ
Kaca:Bali-lontar-tatwa-maha-jnana-300ppi.pdf/60
Kaca puniki sampun kauji-wacén
