[᭕᭕ 55B]
᭕᭕
ᬲᬂᬲᬵᬫ᭄ᬧᬸᬦ᭄ᬫᬦᭂᬫ᭄ᬯᬓᭂᬦ᭄ᬬᭀᬕᬯᬶᬰᬾᬱ᭞ᬅᬧᬦ᭄ᬢᬦ᭄ᬳᭂᬍᬫ᭄ᬗᬭᬦ᭄ᬬ᭞ᬭᬶᬢ᭄ᬓᬦᬶᬂᬧᬵᬢᬶ᭞ᬓᬂᬲᬶᬦᬗ᭄ᬕᬸᬄᬓᬮ᭄ᬧᬲᭂᬦ᭄ᬗᬭᬦ᭄ᬬ᭞ᬫᬗ᭄ᬓᬾᬚᬸᬕᬓᬢᭀᬦᬘᬶᬳ᭄ᬦᬦᬶᬭ᭞ᬲᬗᬫᬗ᭄ᬕᬶᬄᬓᬮ᭄ᬧᬲᭂᬦ᭄
ᬗᬭᬦ᭄ᬬ᭞ᬅᬧᬦ᭄ᬢᬦ᭄ᬓᬯ᭄ᬦᬂᬲᬶᬦᬶᬮᬶᬩᬓᭂᬦ᭄ᬲᬂᬲᬵᬫ᭄ᬧᬸᬦ᭄ᬘᬶᬳ᭄ᬦ᭞ᬫᬦᭂᬫ᭄ᬯᬓᭂᬦ᭄ᬬᭀᬕᬯᬶᬰᬾᬱ᭟ᬅᬧᬤᬸᬫᬾᬄᬲᬂᬬᭀᬕᬷᬰ᭄ᬯᬭ᭞ᬢᬦ᭄ᬯᬯᬂᬮ᭄ᬧᬲ᭄᭞ᬅᬧᬦ᭄ᬲᬵᬫ᭄ᬧᬸᬦ᭄ᬗᬭᬦᬶᬓᬲᬶᬭᬫᬫ
ᬗ᭄ᬕᬸᬳᬓᭂᬦ᭄ᬬᭀᬕᬯᬶᬰᬾᬱ᭞ᬅᬢᬯᬶᬮ᭄ᬬᬦ᭄ᬯ᭄ᬦᬂᬢᬲᬶᬭᬯ᭄ᬬᬵᬯᬷᬯ᭄ᬬᬵᬧᬓᬫᬗ᭄ᬓᬾᬭᬶᬲᬓᬮ᭞ᬯ᭄ᬦᬂᬢᬲᬶᬭᬢᬸᬫᬶᬗ᭄ᬕᬮᬉᬭᬶᬧ᭄ᬦᬶᬭ᭞ᬢᬸᬫᬶᬗ᭄ᬕᬮᬓ᭄ᬦᬅᬗ᭄ᬕᬧ᭄ᬭᬥᬵᬦ᭞ᬢᬦ᭄ᬳᬦᬓᬧ᭄ᬯᬓᬃᬫ᭄ᬫᬭᬸᬫᬓᭂ
ᬢ᭄ᬭᬶᬲᬂᬬᭀᬕᬷᬰ᭄ᬯᬭ᭞ᬅᬧᬦ᭄ᬢ᭄ᬮᬲ᭄ᬕᬶᬦ᭄ᬲᭂᬦᬶᬭᬇᬓᬓᬩᬾᬄᬭᬶᬓᬵᬮᬦᬶᬂᬬᭀᬕᬧᬤ᭞ᬬᬢᬫᬢᬂᬦ᭄ᬬᬦ᭄ᬢᬦ᭄ᬳᬦᬓᬃᬫ᭄ᬫᬭᬸᬫᬓᭂᬢ᭄ᬭᬶᬲᬂᬬᭀᬕᬷᬰ᭄ᬯᬭ᭟ᬲᬸᬕ᭄ᬬᬦ᭄ᬫᬗ᭄ᬓᬮᬶᬗᬲᬂᬯ
[᭕᭖ 56A]
ᬭ᭞ᬦ᭄ᬤᬯᬵᬲᬦᬵᬦᬶᬓᬂᬭᬚᬄᬢᬫᬄᬗᬭᬦᬶᬓ᭞ᬢ᭄ᬮᬲ᭄ᬕᬶᬦ᭄ᬲᭂᬂᬦᬶᬭᬗᬸᬦᬶᬭᬶᬓᬵᬮᬦᬶᬂᬬᭀᬕᬧᬤ᭞ᬯᬵᬲᬦᬵᬦᬶᬂᬲᬢ᭄ᬢ᭄ᬯᬬᬾᬓᬫᬗᬯᬾᬰᬭᬶᬲᬂᬬᭀᬕᬶᬰ᭄ᬯᬭ᭞ᬅᬧᬦ᭄ᬚᬵᬢᬶᬦ᭄ᬬᬦ᭄ᬭᬓ᭄ᬯᬫ
ᬗ᭄ᬓᬦ᭞ᬅᬧᬦ᭄ᬨᬮᬦᬶᬓᬂᬩᬸᬤ᭄ᬥᬶᬲᬢ᭄ᬢ᭄ᬯᬭᬓ᭄ᬯᬧᬗᬶᬮᬂᬲᬂᬬᭀᬕᬷᬰ᭄ᬯᬭ᭞ᬭᬶᬨᬮᬦᬶᬂᬩᬸᬤ᭄ᬥᬶᬭᬚᬄ᭞ᬫᬍᬲ᭄ᬢᬨᬮᬦᬶᬂᬩᬸᬤ᭄ᬥᬶᬲᬢ᭄ᬢ᭄ᬯ᭞ᬧᬶᬦᬓᬵᬯᬓ᭄ᬤᬾᬲᬂᬬᭀᬕᬷᬰ᭄ᬯᬭ᭞ᬯ᭄ᬓᬲᬦ᭄ᬬᬢᬪᬶᬦᬹᬓ᭄ᬢᬶᬤᬾᬲᬂ
ᬬᭀᬕᬷᬰ᭄ᬯᬭ᭞ᬇᬦᭂᬦ᭄ᬢ᭄ᬬᬵᬓᭂᬦᬶᬭᬧᭂᬧᭂᬤᬦ᭄ᬬ᭞ᬯᬶᬦᬶᬫ᭄ᬗᬚᬬᬧᬶᬦᬯᭀᬮᬸᬦᬶᬭ᭞ᬯᬶᬦᬾᬄᬦᬶᬭᬫᬓᬵᬯᬓᬂᬱ᭄ᬝᬾᬰ᭄ᬯᬃᬬ᭄ᬬᬦ᭄᭞ᬬᬧ᭄ᬯᬦ᭄ᬳᭂᬦ᭄ᬢ᭄ᬬᬯᬵᬲᬦᬵᬦᬶᬓᬂᬲᬢ᭄ᬢ᭄ᬯᬪᬶᬦᬹᬓ᭄ᬢᬶᬤᬾᬲᬂᬬᭀᬕᬷᬰ᭄ᬯ
ᬭ᭞ᬇᬭᬶᬓᬢᬬᬦ᭄ᬫᬧᬲᬄᬇᬓᬂᬧᬜ᭄ᬘᬫᬳᬵᬪᬹᬢ᭞ᬫᬸᬮᬶᬄᬭ᭄ᬬᬲ᭄ᬣᬶᬢᬶᬦᬶᬭᬲᭀᬯᬂᬲᭀᬯᬂ᭞ᬫᬗ᭄ᬓᬦᬲᬂᬬᭀᬕᬶᬰ᭄ᬯᬭ᭞ᬫᬾᬗᭂᬢ᭄ᬫᬢᬸᬢᬸᬃᬚᬸᬕᬲᬶᬭ᭞ᬫᬸᬮᬶᬄᬲᬬᭀᬤ᭄ᬬᬰᬭᬷᬭ᭞ᬮᬯᬦ᭄ᬪ
Kaca:Bali-lontar-tatwa-maha-jnana-300ppi.pdf/56
Kaca puniki sampun kauji-wacén
