[᭕᭐ 50B]
᭕᭐
ᬦ᭄ᬤᬓᬣᬵᬮ᭄ᬬᬦ᭄ᬢᬸᬢᬸᬃᬥᭂᬧ᭄ᬲᬂᬳ᭄ᬬᬂᬧ᭄ᬭᬥᬵᬦ᭞ᬫ᭄ᬲᬢ᭄ᬲᬗ᭄ᬓᬭᬶᬗᬗ᭄ᬕᬧ᭄ᬭᬥᬵᬦ᭞ᬬᬲᬶᬦᬗ᭄ᬕᬸᬄᬅᬪᬶᬲᬦ᭄ᬥᬶᬗᬭᬦ᭄ᬬ᭞ᬧᬧᬲᬄᬦᬶᬂᬧ᭄ᬭᬥᬵᬦ᭞ᬮᬧᬦ᭄ᬧᬸᬭᬸᬱ᭞ᬅᬗᬦ᭄ᬢᬶᬭᬶᬂᬧᬢᬚ᭄ᬬᬦᬶᬂ
ᬢᬸᬢᬸᬃᬫ᭄ᬯᬂᬮᬸᬧ᭞ᬲᬂᬳ᭄ᬬᬗᬵᬢ᭄ᬫᬵᬬᬦ᭄ᬫᬗ᭄ᬓᬦ᭞ᬬᬢᬲᬶᬦᬗ᭄ᬕᬸᬄᬫᬸᬯᬄᬥᬃᬫ᭄ᬫᬯᬶᬰᬾᬱᬗᬭᬦ᭄ᬬ᭞ᬫᬓᬵᬯᬓ᭄ᬯᬵᬲᬦᬵᬦᬶᬓᬂᬲᬧ᭄ᬢᬵᬗ᭄ᬕ᭞ᬲᬧ᭄ᬢᬵᬫᬺᬢ᭞ᬇᬦᬦ᭄ᬤᭂᬮᬦ᭄ᬢᬲᬶᬭᬤᬾᬦᬶᬂᬲᬧ᭄ᬢᬵ
ᬕ᭄ᬦᬶ᭟ᬲᬧ᭄ᬢᬵᬗ᭄ᬕᬗᬭᬦ᭄ᬬ᭞ᬧᬸᬭᬸᬱ᭞ᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬩᬸᬤ᭄ᬥᬶ᭞ᬫᬦᬄ᭞ᬅᬳᬗ᭄ᬓᬵᬭ᭟ᬲᬧ᭄ᬢᬵᬫᬺᬢᬗᬭᬦ᭄ᬬ᭞ᬰᬩ᭄ᬤ᭞ᬲ᭄ᬧᬃᬰ᭄ᬰ᭞ᬭᬹᬧᬫ᭄ᬭᬲᬫ᭄ᬕᬦ᭄ᬥ᭞ᬓᬶᬦᬯ᭄ᬭᬸᬳᬦ᭄᭞ᬲᬶᬦᬗ᭄ᬓᬮ᭄ᬧ᭟ᬲᬧ᭄ᬢᬵᬕ᭄ᬦᬶ
ᬗᬭᬦ᭄ᬬ᭞ᬫᬦᭀᬦ᭄᭞ᬫᬂᬋᬗᭃ᭞ᬫᬗ᭄ᬭᬲ᭞ᬫᬗᬫ᭄ᬩᬸᬂ᭞ᬫᬗᬓᬸ᭞ᬫᬫᬲ᭄ᬢ᭄ᬯᬭᬶ᭞ᬫᬫᬶᬓᬮ᭄ᬧ᭟ᬬᬦ᭄ᬓᬯ᭄ᬭᬸᬳᬦᬶᬓᬂᬲᬧ᭄ᬢᬵᬗ᭄ᬕ᭞ᬅᬦ᭄ᬧᬶᬦᬓᬵᬯᬦ᭄ᬤᬾᬲᬂᬬᭀᬕᬷᬰ᭄ᬯᬭ᭞ᬬᬾᬓᬦᬶᬫᬶᬢ᭄ᬢᬦᬶᬭᬵᬲ
[᭕᭑ 51A]
ᬦᬧᬭᬶᬧᬹᬃᬡ᭄ᬦᬰᬭᬷᬭᬦᬶᬭ᭞ᬢᬦ᭄ᬓ᭄ᬦᬾᬂᬯᬶᬖ᭄ᬦ᭞ᬢᬦ᭄ᬓ᭄ᬦᬾᬂᬚᬭᬵᬫᬭᬡ᭟ᬬᬦ᭄ᬓᬯ᭄ᬭᬸᬳᬦᬶᬓᬂᬲᬧ᭄ᬢᬵᬫᬺᬢ᭞ᬅᬦ᭄ᬧᬶᬦᬓᬳᬸᬭᬶᬧ᭄ᬦᬶᬭ᭞ᬬᬾᬓᬦᬶᬫᬶᬢ᭄ᬢᬦᬶᬭᬲᬂᬬᭀᬕᬷᬰ᭄ᬯᬭᬬᭀ
ᬯᬦ᭞ᬢᬦ᭄ᬧᬥᬵᬬᬸᬱᬦᬶᬭᬮᬯᬦ᭄ᬚᬦ᭄ᬫᬲᬫᬦ᭄ᬬ᭟ᬬᬦ᭄ᬓᬯ᭄ᬭᬸᬳᬦᬶᬓᬂᬲᬧ᭄ᬢᬵᬕ᭄ᬦᬶ᭞ᬉᬫᬦ᭄ᬤᭂᬮᬶᬲᬶᬭ᭞ᬬᬾᬓᬦᬶᬫᬶᬢ᭄ᬢᬦᬶᬭᬲᬂᬬᭀᬕᬷᬰ᭄ᬯᬭ᭞ᬯ᭄ᬦᬂᬲᬶᬭᬯ᭄ᬬᬵᬧᬷ᭞ᬯ᭄ᬬᬵᬧᬓ᭞ᬯ᭄ᬦᬂᬲᬶᬭᬲᬓᬵ
ᬫᬓᬵᬫᬵ᭞ᬫᬗ᭄ᬓᬾᬭᬶᬲᬓᬮ᭞ᬅᬧᬦ᭄ᬪᬝᬵᬭᬫᬳᬸᬮᬸᬦ᭄ᬫᬓᬗᬭᬦ᭄ᬲᬧ᭄ᬢᬕ᭄ᬦᬶ᭞ᬬᬢᬫᬢᬂᬦ᭄ᬬᬦ᭄ᬲᬂᬳ᭄ᬬᬂᬲᬵᬧ᭄ᬢᬵᬕ᭄ᬦᬶᬧᬂᬕ᭄ᬲᭂᬗᬦᬶᬓᬂᬲᬧ᭄ᬢᬵᬗ᭄ᬕ᭞ᬲᬧ᭄ᬢᬵᬫᬺᬢ᭞ᬅᬧᬦᬶᬓᬫᬂᬤᬤ᭄ᬬᬓᭂᬦᬸᬧᬲᬃ
ᬕ᭄ᬕ᭞ᬉᬧᬲᬃᬕ᭄ᬕᬗᬭᬦ᭄ᬬ᭞ᬯᬵᬲᬦᬦᬶᬓᬂᬢ᭄ᬭᬶᬕᬸᬡ᭞ᬭᬸᬫᬓ᭄ᬢᬶᬂᬰᬭᬷᬭᬦᬶᬂᬗᬵᬢ᭄ᬫᬵ᭞ᬦᬶᬳᬦ᭄ᬤᬺᬱ᭄ᬝᭀᬧᬫ᭞ᬓᬤ᭄ᬬᬗ᭄ᬕᬦᬶᬓᬂᬤ᭄ᬬᬸᬦ᭄ᬯᬯᬦ᭄ᬳᬶᬗ᭄ᬕᬸ᭞ᬅᬮᬧᬦᬳᬶᬗ᭄ᬕᬸᬦ᭄ᬬᬲᬗ᭄ᬓᬾᬭᬶᬓᬂᬤ᭄ᬬᬸᬦ᭄᭞ᬯᬲᭂ
Kaca:Bali-lontar-tatwa-maha-jnana-300ppi.pdf/51
Kaca puniki sampun kauji-wacén
