[᭔᭑ 41B]
᭔᭑
ᬕᬶᬦ᭄ᬤ᭄ᬭᬶᬬᬳᬦᬾᬂᬓᬸᬮᬶᬢ᭄᭞ᬬᬓᬵᬭᬡᬦᬶᬗᬵᬢ᭄ᬫᬵᬫᬂᬳᬶᬥᭂᬧ᭄ᬧᬦᬲ᭄ᬢᬷᬲ᭄᭞ᬫᬗ᭄ᬭᬲᬦᬶᬲᬶᬦᬡ᭄ᬥᬂᬳᬦᬲᬍᬫ᭄ᬩᬸᬢ᭄᭟ᬘᬓ᭄ᬱ᭄ᬯᬶᬦ᭄ᬤ᭄ᬭᬶᬬᬳᬦᬾᬂᬫᬢ᭞ᬬᬓᬵᬭᬡᬦᬶᬗᬵᬢ᭄ᬫᬵᬫᬦᭀᬦ᭄ᬭᬹᬧᬯᬃᬡ᭄ᬦ᭟
ᬚᬶᬳ᭄ᬯᬾᬦ᭄ᬤ᭄ᬭᬶᬬᬳᬦᬾᬂᬮᬶᬥᬂ᭞ᬬᬦᬶᬫᬶᬢ᭄ᬢᬦᬶᬗᬵᬢ᭄ᬫᬵᬫᬗ᭄ᬭᬲᬱᬥ᭄ᬭᬲ᭟ᬖ᭄ᬭᬵᬡᬾᬦ᭄ᬤ᭄ᬭᬶᬬᬳᬦᬾᬗᬶᬭᬸᬂᬬᬓᬵᬭᬡᬦᬶᬗᬵᬢ᭄ᬫᬵᬧᬦᬩ᭄ᬤ᭞ᬅᬫᬲ᭄ᬢ᭄ᬯᬦᬶᬳᬦᬮᬯᬦ᭄ᬢᬦ᭄ᬳᬦ᭟ᬧᬵᬡᬷᬦ᭄ᬤ᭄ᬭᬶᬬᬳᬦᬾᬂᬢ
ᬗᬦ᭄᭞ᬬᬓᬵᬭᬡᬦᬶᬗᬵᬢ᭄ᬫᬵᬫᬂᬕᬫᬮ᭄᭟ᬧᬵᬤᬾᬦ᭄ᬤ᭄ᬭᬶᬬᬳᬦᬾᬂᬲᬸᬓᬸ᭞ᬬᬓᬵᬭᬡᬦᬶᬗᬵᬢ᭄ᬫᬵᬮᬸᬫᬓᬸ᭟ᬧᬵᬬ᭄ᬯᬶᬦ᭄ᬤ᭄ᬭᬶᬬᬳᬦᬾᬂᬍᬢ᭄᭞ᬬᬓᬵᬭᬡᬦᬶᬗᬵᬢ᭄ᬫᬵᬫᬗᬶᬦ᭄ᬢᬸᬢ᭄᭞ᬫᬗᬶᬲᬶᬂ᭟ᬉᬧᬲ᭄ᬣᬾᬦ᭄ᬤ᭄ᬭᬶᬬ
ᬳᬦᬾᬂᬪᬕᬧᬸᬭᬸᬲ᭄᭞ᬬᬓᬵᬭᬡᬦᬶᬗᬵᬢ᭄ᬫᬵᬫᬰᬸᬓ᭄ᬮᬰ᭄ᬯᬦᬶᬢ᭟ᬦᬳᬦ᭄ᬭᬓᭂᬢ᭄ᬦᬶᬓᬂᬤᬰᬾᬦ᭄ᬤ᭄ᬭᬶᬬᬭᬶᬂᬪᬸᬯᬦᬰᬭᬷᬭ᭞ᬢᬸᬫᬫ᭄ᬩᭂᬄᬢᬂᬩᬸᬤ᭄ᬥᬶᬫᬦᬄᬅᬳᬗ᭄ᬓᬵᬭ᭞ᬇᬓᬂᬩᬸᬤ᭄ᬥᬶ᭞ᬬᬧᬶᬦᬓᬲᬵᬥ
[᭔᭒ 42A]
ᬦᬦᬶᬗᬵᬢ᭄ᬫᬵᬧᬗᭂᬦᬗᭂᬦ᭄᭟ᬇᬓᬂᬫᬦᬄᬬᬾᬓᬧᬶᬦᬓᬲᬵᬥᬦᬦᬶᬗᬵᬢ᭄ᬫᬵᬧᬫᬶᬓᬮ᭄ᬧ᭞ᬫᬂᬭᬹᬧᬓ᭟ᬇᬓᬗᬳᬗ᭄ᬓᬵᬭ᭞ᬬᬧᬶᬦᬓᬲᬵᬥᬦᬦᬶᬗᬵᬢ᭄ᬫᬵᬧᬗᬓᬸᬤᬺᬩ᭄ᬬ᭞ᬫ᭄ᬯᬂᬧᬶᬦᬓᬲᬵᬥᬦ
ᬦᬶᬗᬵᬢ᭄ᬫᬵᬧᬍᬓᬲᬓᭂᬦ᭄ᬓ᭄ᬭᬶᬬᬵᬳᬮᬳᬬᬸ᭟ᬇᬓᬂᬩᬸᬤ᭄ᬥᬶᬫᬦᬄᬅᬳᬗ᭄ᬓᬵᬭᬮᬯᬦ᭄ᬤᬰᬾᬤ᭄ᬭᬶᬬ᭞ᬬᬲᬶᬦᬗ᭄ᬕᬸᬄᬢ᭄ᬭᬬᭀᬤᬰᬓᬭᬡᬗᬭᬦ᭄ᬬ᭞ᬢᬸᬫᬫ᭄ᬩᭂᬄᬢᬂᬢ᭄ᬭᬶᬕᬸᬡ᭞ᬲᬢ᭄ᬢ᭄ᬯᬭᬚᬄ᭞ᬢᬫᬄ᭟
ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱ᭞ᬧᬹᬃᬯ᭄ᬯᬦᬶᬗᬸᬫᬦ᭄ᬤᭂᬮ᭄᭞ᬩ᭄ᬭᬳ᭄ᬫᬵᬭᬶᬂᬳᬢᬶ᭞ᬯᬶᬱ᭄ᬡᬸᬭᬶᬗᬫ᭄ᬧ᭄ᬭᬸ᭞ᬇᬰ᭄ᬯᬭᬭᬶᬂᬧᬸᬲᬸᬄᬧᬸᬲᬸᬄ᭟ᬅᬦ᭄ᬤᭂᬮ᭄ᬦᬶᬂᬧᬜ᭄ᬘᬋᬱᬶᬦᬶᬳᬦ᭄᭞ᬲᬂᬓᬸᬰᬶᬓᬭᬶᬂᬓᬸᬮᬶᬢ᭄ᬧᬸᬳᬸᬦ᭄ᬯᬸᬮᬸ᭞ᬲᬂᬕᬃᬕ᭄ᬕᬳᬦᬭᬶᬂᬭᬄᬤᬕᬶᬂ᭞ᬲᬂ
ᬫᬾᬢ᭄ᬭᬶᬭᬶᬂᬯᬸᬤᬸᬓ᭄᭞ᬭᬶᬂᬳᭀᬢᭀᬢ᭞ᬲᬂᬓᬸᬭᬸᬱ᭄ᬬᬭᬶᬂᬢᬳᬸᬮᬦ᭄᭞ᬭᬶᬂᬲᬸᬫ᭄ᬲᬸᬫ᭄᭞ᬲᬂᬧᬺᬢ᭄ᬢᬜ᭄ᬚᬬᬭᬶᬂᬢᬸᬫ᭄ᬧᬸᬓ᭄ᬦᬶᬂᬰᬭᬷᬭ᭟ᬅᬦ᭄ᬤᭂᬮ᭄ᬦᬶᬂᬤᬾᬯᬋᬱᬶᬦᬶᬳᬦ᭄᭞ᬲᬂᬳ᭄ᬬᬂᬫᬳᬾᬰ᭄ᬯᬭᬭᬶᬂᬯᬸᬂᬲᬶᬮᬦ᭄᭞ᬲᬂᬳ᭄ᬬᬂ
Kaca:Bali-lontar-tatwa-maha-jnana-300ppi.pdf/42
Kaca puniki sampun kauji-wacén
