[᭓᭒ 32B]
᭓᭒
ᬤᬺᬩ᭄ᬬᬓᬵᬱ᭄ᬝᬾᬂᬰ᭄ᬯᬃᬬ᭄ᬬᬦ᭄᭞ᬫ᭄ᬯᬂᬫᬦᭂᬫ᭄ᬯᬓᭂᬦ᭄ᬬᭀᬕᬯᬶᬰᬾᬱ᭞ᬉᬢ᭄ᬢᬫᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄ᬓᬬᭀᬕᬷᬰ᭄ᬯᬭᬦ᭄᭞ᬦ᭄ᬤᬵᬢᬦ᭄ᬯ᭄ᬦᬂᬭᬶᬦᬓ᭄ᬯᬦ᭄᭞ᬪᬝᬵᬭᬵᬤᬶᬧ᭄ᬭᬫᬵᬡᬳᬦᬾᬗ᭄ᬓᬵᬦᬫᬗ᭄ᬓᬦ᭞ᬪ
ᬝᬵᬭᬵᬤᬶᬧ᭄ᬭᬫᬡᬗᬭᬦᬶᬭᬪᬝᬵᬭᬲᬤᬵᬰᬶᬯᬵᬢᬢ᭄ᬢ᭄ᬯ᭞ᬗᬸᬦᬶᬯᬾᬄᬪᬝᬵᬭᬥᬃᬫ᭄ᬫ᭞ᬲᬶᬭᬇᬓᬳᬦᬗ᭄ᬓᬦᬬᬦ᭄ᬫᬗ᭄ᬓᬦ᭟ᬦᬳᬦ᭄ᬧ᭄ᬭᬪᬾᬤᬦᬶᬗᬵᬢ᭄ᬫᬵ᭞ᬅᬦ᭄ᬓᬦᬶᬱ᭄ᬝ᭞ᬫᬥ᭄ᬬ᭞ᬉᬢ᭄ᬢᬫ᭞ᬲᬂ
ᬓᬸᬫᬳᬦᬾᬓᬂᬚᬦ᭄ᬫᬢᬸᬢᬸᬃᬮᬯᬦ᭄ᬧ᭄ᬭᬚ᭄ᬜᬵᬦ᭄᭟ᬇᬓᬧᬸᬳᬦ᭄ᬗ᭄ᬯᬂᬭᬸᬫᬲᬾᬗᬶᬓᬂᬢᬢ᭄ᬢ᭄ᬯᬳᬭᬳ᭄᭞ᬇᬓᬂᬲᬶᬦᬗ᭄ᬕᬸᬄᬅᬢ᭄ᬫᬵᬮᬯᭂᬮᬯᭃ᭞ᬚᬸᬕᬢᬫᬸᬫ᭄ᬧᬸᬳᬶᬂᬳᬮᬳᬬᬸ᭞ᬮᬶᬂᬦᬶᬗᬵᬕᬫ᭞ᬓᬸᬦᬂᬗᬶᬓᬗᬵ
ᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬥ᭞ᬬᬾᬓᬢᬦ᭄ᬫᬶᬮᬸᬢᬸᬫᬫ᭄ᬧᬸᬄᬭᬶᬂᬳᬮᬳᬬᬸ᭞ᬮᬶᬂᬦᬶᬂᬢᬢ᭄ᬢ᭄ᬯᬢᬫ᭄ᬗᬾᬬᬦ᭄᭞ᬫᬗ᭄ᬓᬾᬧ᭄ᬯᬬᬲᬶᬭᬧᬶᬦᬓᬵᬢ᭄ᬫᬵ᭞ᬲᬫᬓ
[᭓᭓ 33A]
ᬦᬶᬱ᭄ᬝ᭟ᬫᬥ᭄ᬬᬉᬢ᭄ᬢᬫ᭞ᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄ᬢᬸᬢᬸᬃᬮᬯᬦ᭄ᬓᬧ᭄ᬭᬚ᭄ᬜᬦ᭄᭞ᬗᬸᬦᬶᬯᬾᬄᬇᬓᬂᬧᬸᬂᬕᬸᬂᬮᬯᬦ᭄ᬮᬸᬧ᭞ᬢ᭄ᬮᬲ᭄ᬓᬭᬸᬳᬸᬦ᭄ᬤᬾᬦᬶᬭᬉᬫᬗ᭄ᬕᬸᬳᬓᭂᬦ᭄ᬮᬶᬫ᭄ᬧᬤ᭄᭞ᬲᬓᬾᬗᬸᬢ᭄ᬢᬫ᭞ᬇ
ᬓᬂᬢᬸᬢᬸᬃᬮᬯᬦ᭄ᬧ᭄ᬭᬚ᭄ᬜᬵᬦ᭄᭞ᬦᬶᬬᬢᬫᬰᬭᬷᬭᬚᬸᬕᬪᬝᬵᬭᬬᬦ᭄ᬫᬗ᭄ᬓᬦ᭞ᬗᬸᬦᬶᬯᬾᬄᬇᬓᬗᬵᬢ᭄ᬫᬵᬳᬦᬭᬶᬂᬚᬵᬕ᭄ᬭᬧᬤ᭞ᬮᬯᬦᬶᬓᬗᬵᬢ᭄ᬫᬵᬳᬦᬭᬶᬂᬢᬹᬃᬬ᭄ᬬᬧᬤ᭞ᬦᬶᬬᬢᬦ᭄ᬬᬦ᭄ᬫᬰᬭᬷ
ᬭᬚᬸᬕᬬᬦ᭄ᬫᬗ᭄ᬓᬦ᭞ᬬᬵᬯᬢ᭄ᬫᬰᬭᬷᬭ᭞ᬢᬵᬯᬢ᭄ᬫᬶᬮᬸᬇᬓᬢᬸᬫᬫ᭄ᬧᬸᬄᬭᬶᬳᬮᬳᬬᬸᬬᬦ᭄ᬫᬗ᭄ᬓᬦ᭟ᬲᬸᬕ᭄ᬬᬦ᭄ᬫᬗ᭄ᬓᬦᬮᬶᬂᬲᬂᬧᬭᬦ᭄ᬤᬦ᭄ᬢᬳᬫ᭄ᬧᬶᬄ᭞ᬦᬶᬳᬦ᭄ᬤᬺᬱ᭄ᬝᭀᬧᬫ᭞ᬓᬤ᭄ᬬᬗ᭄ᬕᬦᬶᬂᬫᬡᬶ
ᬓ᭄ᬲ᭄ᬨᬝᬶᬓᬲᬵᬫ᭄ᬧᬸᬦ᭄ᬓᬶᬦᬦᬶᬰ᭄ᬘᬬᬦᬶᬓᬂᬫᬡᬶᬓ᭄ᬲ᭄ᬨᬝᬶᬓ᭞ᬅᬦ᭄ᬓᬾᬯᬮᬰᬸᬤ᭄ᬥᬧᬸᬢᬶᬄᬦᬶᬃᬫ᭄ᬫᬮ᭞ᬦᬶᬭᬵᬯᬭᬡᬢᬦ᭄ᬧᬢᬮᬸᬢᬸᬄ᭞ᬚᬸᬕᬯᬃᬡ᭄ᬦᬦᬶᬓᬂᬫᬡᬶᬓ᭄᭞ᬢᬣᬵᬧᬶᬦ᭄ᬬᬦ᭄ᬫᬗ᭄ᬓᬦ
Kaca:Bali-lontar-tatwa-maha-jnana-300ppi.pdf/33
Kaca puniki sampun kauji-wacén
