[᭙ 9B]
᭙
ᬧᬦ᭄ᬫᬗᬓᬸᬫᬫᬲ᭄ᬢᬸᬦᬶᬭᬶᬂᬳᬦᬮᬯᬦ᭄ᬢᬦ᭄ᬳᬦ᭞ᬫᬂᬮᬓᬲᬓᭂᬦ᭄ᬓᬵᬃᬬ᭄ᬬᬳᬮᬳᬬᬸ᭞ᬚᬸᬕᬕᬸᬡᬦᬶᬓᬗᬳᬗ᭄ᬓᬵᬭᬫ᭄ᬯᬂᬫᬗᬓᬸᬲᬃᬯ᭄ᬯᬤᬺᬩ᭄ᬬ᭞ᬮᬶᬂᬦ᭄ᬬ᭞ᬤᬺᬩ᭄ᬬᬗ᭄ᬓᬸ᭞ᬩᬬᬸᬗ᭄ᬓᬸ᭞ᬰᬩ᭄ᬤᬗ᭄ᬓᬸ᭞ᬇᬥᭂᬧ᭄ᬓᬸ᭞ᬰᬭᬷᬭᬗ᭄ᬓᬸ
᭞ᬫᬗ᭄ᬓᬦᬮᬶᬂᬦᬶᬓᬗᬳᬗ᭄ᬓᬵᬭ᭞ᬇᬓᬗᬳᬗ᭄ᬓᬵᬭᬮᬯᬦ᭄ᬕᬸᬤ᭄ᬥᬶ᭞ᬲᬶᬦᬗ᭄ᬕᬸᬄᬯᬶᬰᬾᬱ᭞ᬭᬶᬤᬾᬦ᭄ᬬᬲ᭄ᬣᬶᬢᬶᬳᬸᬫᬶᬗᭂᬂᬢᬦ᭄ᬧᭀᬮᬄ᭞ᬢᬸᬳᬸᬦ᭄ᬢᬸᬢᬸᬃᬫ᭄ᬫᬵᬢ᭄ᬭᬮ᭄ᬫᭂᬂᬫᬾᬗᭂᬢ᭄ᬭᬶᬂᬳᬮᬳᬬᬸ᭞ᬚᬸᬕᬾᬓᬂᬩᬸᬤ᭄ᬥᬶ᭞ᬢᬸᬳᬸᬦ᭄ᬧᬶ
ᬦᬓᬧᬭᬦ᭄ᬢᬶᬚᬸᬕᬾᬓᬳᬦᬦ᭄ᬬᬤᬾᬦᬶᬗᬳᬗ᭄ᬓᬵᬭᬢ᭄ᬭᬶᬪᬾᬤᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬲᬶᬯᬾᬓ᭄ᬭᬢ᭞ᬲᬶᬢᬾᬚᬲ᭞ᬲᬶᬪᬹᬢᬵᬤᬶ᭞ᬦᬳᬦ᭄ᬬᬅᬳᬗ᭄ᬓᬵᬭ᭟ᬅᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬩᬸᬤ᭄ᬥᬶᬲᬢ᭄ᬢ᭄ᬯ᭞ᬅᬳᬗ᭄ᬓᬵᬭᬲᬶᬢᬾᬚ
ᬲ᭞ᬬᬾᬓᬩᬸᬤ᭄ᬥᬶᬭᬚᬄ᭞ᬅᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬩᬸᬤ᭄ᬥᬶᬢᬫᬄ᭟ᬕᬯᬾᬦ᭄ᬬᬬᬾᬓᬶᬯᬸᬯᬸᬲᭂᬦ᭄᭞ᬅᬳᬗ᭄ᬓᬵᬭᬲᬶᬯᬾᬓᬺᬢ᭞ᬬᬾᬓᬫᬕᬯᬾᬫᬦᬄ᭞ᬫ᭄ᬯᬂᬤᬰᬾᬦ᭄ᬤ᭄ᬭᬶᬬ᭞ᬮ᭄ᬯᬶᬃᬦ᭄ᬬ᭞ᬘᬓ᭄ᬱᬸ᭞ᬰ᭄ᬭᭀᬢ᭄ᬭ᭞ᬖ᭄ᬭᬡ᭞ᬚᬶᬳ᭄ᬯᬵ
[᭑᭐ 10A]
᭞ᬢ᭄ᬯᬓ᭄᭞ᬦᬳᬦ᭄ᬢᬂᬲᬶᬦᬗ᭄ᬕᬸᬄᬧᬜ᭄ᬘᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬯᬵᬓ᭄᭞ᬧᬵᬡᬶ᭞ᬧᬵᬤ᭞ᬉᬧᬲ᭄ᬣ᭞ᬧᬵᬬᬸ᭞ᬬᬾᬓᬲᬶᬦᬗ᭄ᬕᬸᬄᬧᬜ᭄ᬘᬓᬃᬫ᭄ᬫᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬯᬵᬓ᭄᭞ᬧᬵᬡᬶ᭞ᬧᬵᬤ᭞ᬉᬧᬲ᭄ᬣ᭞ᬧᬵᬬᬸ᭞ᬬᬾᬓᬲᬶᬦᬗ᭄ᬕᬸᬄᬧᬜ᭄ᬘᬓᬃ
ᬫ᭄ᬫᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬧᬧᬶᬡ᭄ᬥᬦᬶᬓᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬮᬯᬦ᭄ᬧᬜ᭄ᬘᬓᬃᬫ᭄ᬫᬾᬦ᭄ᬤ᭄ᬭᬶᬬ᭞ᬬᬾᬓᬲᬶᬦᬗ᭄ᬕᬸᬄᬤᬰᬾᬦ᭄ᬤ᭄ᬭᬶᬬᬗᬭᬦ᭄ᬬ᭞ᬓᬲᬯᭂᬮᬲ᭄ᬫᬦᬄ᭞ᬦᬳᬦ᭄ᬕᬯᬾᬦᬶᬓᬂᬲᬶᬯᬾᬓᬺᬢᬅᬳᬗ᭄ᬓᬵᬭ᭟ᬓᬸᬦᬗᬶᬓ
ᬗᬳᬗ᭄ᬓᬵᬭᬲᬶᬪᬹᬢᬵᬤᬶ᭞ᬬᬾᬓᬵᬕᬯᬾᬧᬜ᭄ᬘᬢᬦ᭄ᬫᬵᬢ᭄ᬭ᭟ᬰᬩ᭄ᬤᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬢᬸᬢᬸᬧᬶᬢᬮᬶᬗᬦ᭄ᬢᬓᬮᬶᬄ᭞ᬳᬦᬰᬩ᭄ᬤᬓᬋᬗᭃ᭞ᬮᬶᬢ᭄ᬦᬶᬓᬂᬰᬩ᭄ᬤ᭞ᬬᬾᬓᬰᬩ᭄ᬤᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬲ᭄ᬧᬃᬰ᭄ᬰᬢᬦ᭄ᬫᬵ
ᬢ᭄ᬭᬗᬭᬦ᭄ᬬ᭞ᬳᬦᬯᬵᬬᬸᬫᬤᬺᬱ᭄᭞ᬗᬭᬢ᭄ᬧ᭄ᬭᬳᬵᬭᬓᬸᬦᬂ᭞ᬫᬋᬦ᭄ᬧ᭄ᬯᬾᬓᬂᬯᬵᬬᬸ᭞ᬮᬶᬢ᭄ᬦᬶᬓᬂᬲᬸᬫᬶᬮᬶᬭᬹᬫᭂᬲᭂᬯᬶᬂᬓᬸᬮᬶᬢ᭄᭞ᬬᬾᬓᬲ᭄ᬧᬃᬰ᭄ᬰᬢᬦ᭄ᬫᬵᬢ᭄ᬭᬗᬭᬦ᭄ᬬ᭟ᬭᬹᬧᬢᬦ᭄ᬫᬵᬢ᭄ᬭᬗᬭᬦ᭄ᬬ᭞ᬤᬸᬯᭂᬕᬶᬓᬵᬲ
Kaca:Bali-lontar-tatwa-maha-jnana-300ppi.pdf/10
Kaca puniki sampun kauji-wacén
