[᭔᭘ 48B]
᭔᭘
ᬓᬳᬧᬶᬢ᭄ᬩᬳᬦ᭄ᬢᭂᬮᬕᬫᬘ᭄ᬭᬂᬘᬂᬓᬯᬢ᭄᭟ᬓᬓᬬᭀᬦᬦ᭄ᬜᬦᬾᬳᬰ᭄ᬭᬶᬩᬸᬯᬶᬦ᭄ᬤᬩ᭄ᬤᬩ᭄ᬧᭂᬲᬦ᭄᭞ᬲᬃᬯ᭄ᬯᬩᬸᬗᬦᬾᬳᬦᬾᬫᭂᬮᬄᬫᭂᬮᬄᬫ᭄ᬯᬄᬳᬦᬾᬲᬃᬯ᭄ᬯᬫᬶᬳᬶᬓ᭄ᬫᬧᬸᬦ᭄ᬤᬸᬄᬤᬶᬢᬸ᭞ᬲᬸᬩᬢᭀᬂᬓᭂᬦᬯᬶ᭠
ᬮᬂᬮᬶᬬᬸᬦ᭄ᬲᭀᬭᭀᬄᬦᬾ᭟ᬮ᭄ᬯᬶᬭᬾ᭞ᬳᬗ᭄ᬰᭀᬓ᭞ᬲᬦ᭄ᬤᬢ᭄᭞ᬘᬫ᭄ᬧᬓ᭞ᬭᬶᬚᬲ᭞ᬕᬶᬦᬶ᭠ᬜ᭄ᬚ᭄ᬭᬶᬂ᭞ᬦᬵᬕᬲᬭᬶ᭞ᬧᬸᬥᬓ᭄᭞ᬓᬜᬾᬭᬶ᭞ᬧᬾᬮᬾᬢ᭄ᬧᭂᬤᬗᬦ᭄᭞ᬚᭂᬫ᭄ᬧᬶᬭᬶᬂ᭞ᬫᭂᬦᬸᬄ᭞ᬮᬶᬃᬕᬶᬮᭀ᭞ᬭᬶᬫᬯ᭞ᬲᭂᬤ
ᬧ᭄ᬫᬍᬫ᭄᭞ᬓᭂᬫ᭄ᬩᬂᬫᬢᬭᬫ᭄᭞ᬫ᭄ᬯᬄᬳᬦᬾᬮᬾᬦ᭄ᬮᬾᬦᬦ᭄᭟ᬮᬶᬬᬸᬢᬸᬲᬶᬂᬩᬓᬢ᭄ᬩᬳᬦ᭄ᬜᬫ᭄ᬩᬢᬂ᭟ᬳᭂᬦ᭄ᬢᭀᬫᬓᭂᬚᬂᬓᬤᬩ᭄ᬤᬩᬂᬢᭀᬗᭀᬲ᭄ᬦᬾᬫᬫᬸᬮ᭞ᬳᬦᬾᬢᭂᬕᭂᬄᬧᬢᬸᬭᬸᬢᭂᬕᭂᬄ᭞ᬫ᭄ᬯᬄᬳᬦᬾᬳᬾᬦ᭄ᬤᬾᬧ᭄ᬧᬢᬸ
ᬭᬸᬳᬾᬦ᭄ᬤᬾᬧ᭄ᬢᭀᬗᭀᬲ᭄ᬦᬾ᭟ᬩᬸᬯᬶᬦ᭄ᬳᬦᬾᬤᬶᬢ᭄ᬗᬄᬢ᭄ᬮᬕᬦᬾ᭞ᬢ᭄ᬯᬭᬮᬾᬦ᭄ᬳᬶᬩᬸᬗ᭄ᬳᬢᬸᬜ᭄ᬚᬸᬂᬯᬃᬡ᭄ᬦᬦ᭄ᬜᬦᬾᬫᬳᬾᬦ᭄ᬤᬄᬳᬾᬦ᭄ᬤᬳᬦ᭄᭞ᬳᬦᬳᬦᬾᬩᬭᬓ᭄᭞ᬩᬶᬭᬸ᭞ᬓᬸᬦᬶᬂ᭞ᬤᬤᬸ᭞ᬫ᭄ᬯᬄᬢᬸᬜ᭄ᬚᬸᬂᬲᬸᬤ᭄ᬥᬫᬮ᭟ᬩᬸᬯᬶᬦ᭄ᬳᬤᬮᬾ
[᭔᭙ 49A]
᭔᭙
ᬦ᭄ᬤᬶᬲᬫ᭄ᬧᬶᬂᬦᬾᬫᬳᬤᬦ᭄ᬢᬸᬜ᭄ᬚᬸᬂᬢᬸᬢᬸᬃ᭞ᬢᬸᬃᬤᬶᬲᬶᬲᬶᬲᬶᬲᬶᬦ᭄ᬢᭂᬮᬕᬦᬾᬫ᭄ᬯᬄᬭᬸᬭᬸᬂᬭᬸᬭᬸᬗᬦ᭄ᬦᬾᬫᬓᭂᬚᬂᬓᬳᬶᬍᬳᬶᬦ᭄ᬩᬳᬦ᭄ᬧᬸᬜᬦ᭄ᬭᬗ᭄ᬤᬵᬮᬸᬫᬓᬸ᭟ᬩᬾᬄᬫᬓᭂᬚᬂᬫᬓᬩ᭄ᬯᬄᬩ᭄ᬯᬄᬜᬦᬾᬫ᭄ᬯᬄᬓᭂᬫ᭄ᬩᬂᬜᬦᬾᬗᬯᬾᬳᬸᬮᬗᬸᬦ᭄ᬳᬶᬤᭂᬧ᭄ᬳ
ᬦᬓᬾᬗᬢᭀᬦᬂ᭞ᬲᬶᬂᬚᬵᬫᬓᭂᬦᭂᬄᬓᭂᬦᭂᬄᬫᬸᬮᬶᬄ᭞ᬗᬸᬮᬗᬸᬦᬶᬦ᭄ᬩᬳᬦ᭄ᬫᭂᬮᬄᬦᬾᬫ᭄ᬯᬄᬫᬶᬳᬶᬓ᭄ᬦᬾ᭟ᬳᬶᬲᬤ᭄ᬧᬤᬢᬺᬲᬸᬳᬸᬤ᭄ᬲᬸᬳᬸᬤ᭄ᬗᬶᬲᭂᬧ᭄ᬱᬭᬶᬦ᭄ᬲᬦ᭄ᬢᬸᬦ᭄᭞ᬧᬕ᭄ᬭᬶᬬᭂᬂᬧᬤᬗᭂᬤᬾᬫ᭄ᬧᭀᬮ᭄᭞ᬗᬦ᭄ᬢᬶᬳᬲᬦ᭄ᬜᬦᬾᬫᬓᬾᬘᬾᬓᬦ᭄ᬩᬸᬓ
ᬓᬲᬸᬭᬾᬓᬢᬶᬩᬾᬂᬧᬧᭂᬤᭂᬓ᭄᭞ᬫᬮᬶᬗ᭄ᬓᬸᬩᬦ᭄ᬋᬓᭀᬳᬫ᭄ᬩᬸᬦ᭄ᬜᬦᬾ᭟ᬯᬤ᭄ᬯᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬫᬓᭂᬚᬂᬧᬤᬫᬳᬶᬤᭂᬧ᭄ᬳᬸᬮᬗᬸᬦ᭄᭞ᬜᬭᬸᬜᬭᬸᬗᭂᬢᬶᬲ᭄ᬤᬶᬧᬸᬜᬦ᭄ᬳᬗ᭄ᬰᭀᬓᬦᬾ᭞ᬢᬸᬃᬗᬦ᭄ᬢᭀᬲᬂᬳᬧᬂᬫᬶᬚᬶᬮ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄ᬳᬸ᭠
ᬮᬶᬤᬶᬚ᭄ᬭᭀᬯᬦ᭄᭟ᬬᬦ᭄ᬤᬶᬓᬳᬶᬦ᭞ᬳᬢᬸᬭᬂᬤᬾᬯᬾᬓᬾᬳᬚᬓ᭄ᬫᬓᭂᬚᬂᬕᬸᬫᬦᬢᬗ᭄ᬓᬶᬮ᭄ᬭᬶᬂᬳᬶᬤᬳᬦᬓ᭄ᬳᬕᬸᬂᬳᬦᭀᬫ᭄᭞ᬦᬗ᭄ᬳᬶᬂᬚᬢᬶᬦ᭄ᬦᬾ᭞ᬩᬸᬯᬢ᭄ᬳᬧᬂᬢᬳᬸᬢ᭄ᬓᬾᬦ᭄ᬲ᭄ᬯᬪᬵᬯᬦ᭄ᬳᬶᬤᬦᬾ᭚᭜᭚ᬕ᭄ᬮᬶᬲᬶᬂᬘᬭᬶᬢᬓᭀᬘᬧ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀ
