[᭑ 1B]
᭑
᭚ ᭜ ᭚ᬫᬳᬶ᭚ ᭜ ᭚ᬫᬮᬶᬄᬳᬦᬓᬢᬸᬢᬸᬭᬦ᭄ᬳᬶᬤᬤᬍᬫ᭄᭞ᬫᬓᬵᬃᬬ᭄ᬬᬤᬤᬲᬃᬳ᭄ᬫᬲ᭄᭞ᬭᬶᬂ᭠ᬳᬶᬧᬦ᭄ᬤᬾ᭞ᬤᬸᬤᬸᬲᬗ᭄ᬓᬾᬂᬳᬶᬧᬦ᭄ᬤᬾᬇᬗᬹᬦᬶ᭞ᬤᬤᬲᬃᬧᬸᬦᬶᬓᬫᬤᬕᬶᬂᬓᬢᬓ᭄ᬫᬵᬲ᭄ᬧᬧᬶᬦ᭄ᬤᬦ᭄᭞ᬧᬗᬦ᭄ᬤᬶᬓᬦ᭄ᬤᬍᬫ᭄᭠
ᬳᬧᬂᬤᬤᬶᬓᬢᬓ᭄ᬧᬸᬦᬶᬓᬫᬫᬸᬜᬶ᭞ᬭᬶᬓᬵᬮᬤᬤᬲᬃᬫᬤᬕᬶᬂ᭞ᬳᬢᬹᬭᬾᬧᬦ᭄ᬤᬾ᭞ᬳᬶᬗ᭄ᬕᬶᬄᬲᬦ᭄ᬤᬶᬓ᭠ᬦ᭄ᬤᬍᬫ᭄᭞ᬳᬦᬸᬮᬶᬲᬶᬤ᭄ᬥᬶᬤᬍᬫ᭄ᬗᬦ᭄ᬤᬶᬓᬭᬶᬂᬓᬶᬧᬦ᭄ᬤᬾ᭞ᬫᬫᬸᬜᬶᬓᬂᬓᬢᬓ᭄ᬫᬵᬲ᭄ᬧᬧᬶᬦ᭄ᬤᬦ᭄᭞ᬲ᭄ᬧᬧᬶᬦ᭄ᬤᬦ᭄᭞ᬭᬶᬂᬓᬵᬮ
ᬤᬤᬲᬃᬫᬤᬕᬶᬂᬲᬚᭂᬂ᭞ᬫᬮᬶᬄᬤᬍᬫ᭄ᬫᬓᬵᬃᬬ᭄ᬬᬘᬧᬸᬂᬳ᭄ᬫᬲ᭄᭞ᬭᬶᬂᬓᬶᬧᬦ᭄ᬤᬾ᭞ᬳᬧᬂᬤᬤᬶᬩᬶᬲᬫᬓ᭄ᬩᭂᬃ᭞ᬢᬶ᭠ᬢ᭄ᬬᬂᬲᬦ᭄ᬤᬶᬓᬦ᭄ᬤᬍᬫ᭄᭞ᬭᬭᬶᬲ᭄ᬧᬸᬧᬸᬢ᭄ᬘᬧᬸᬂᬳ᭄ᬫᬵᬲ᭄ᬧᬸᬦᬶᬓ᭞ᬓᬶᬦᬃᬤ᭄ᬥᬶᬤᬾᬦᬾᬳᬶᬧᬦ᭄ᬤᬾ᭞ᬳᬦ᭄ᬢᬸᬓᬶᬧᬦ᭄ᬤᬾᬭᬶᬂᬤᬍᬫ᭄᭞ᬳᬶ᭠
ᬗ᭄ᬕᬶᬄᬫᬦᬯᬶᬳᬶᬮᬂᬘᬧᬸᬂᬧᬸᬦᬶᬓ᭞ᬲᬧᬸᬦᬧᬶᬓᬵᬃᬱᬤᬍᬫ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬸᬓ᭞ᬫᬾᬲᭂᬫ᭄ᬤᬍᬫ᭄ᬗᬦ᭄ᬤᬶᬓᬦᬾᬄᬲᬶᬂᬳᬶᬧᬦ᭄ᬤᬾᬲᬮᬄ᭞ᬫᬗ᭄ᬓᬦᬧᬗᬦ᭄ᬤᬶᬬᬶᬓᬦ᭄ᬤᬍᬫ᭄᭞ᬫᬗ᭄ᬓᬦᬧᬗᬦ᭄ᬤᬶᬓᬦ᭄ᬤᬍᬫ᭄᭞ᬢᬸᬫᬸᬮᬶᬓᬳᬚᬄᬳᬦ᭄ᬢᬸᬓᬶᬧᬦ᭄ᬤᬾ᭞ᬓᬓ᭄ᬩᭂᬃᬓ᭄ᬩᭂᬭᬶᬂᬘᬧᬸᬂᬳ᭄ᬫᬲ᭄ᬧᬸᬦᬶ
[᭒ 2A]
ᬓ᭞ᬭᬭᬶᬲ᭄ᬳᬶᬮᬂᬢᬦ᭄ᬓᭂᬦᬯᬶᬦᬸᬮᬢᬦ᭄᭞ᬓᬗ᭄ᬕᭂᬓ᭄ᬤᬫ᭄ᬭᬭᬶᬲ᭄ᬗᬸᬦ᭄ᬤᬶᬓ᭞ᬳᬦᬓᬶᬧᬦ᭄ᬤᬾᬫᬯᬲ᭄ᬢᬳᬶᬘᬧᬸᬂᬲ᭠ᬓᬶᬂᬧᬗᬦ᭄ᬤᬶᬓᬦ᭄ᬤᬍᬫ᭄᭞ᬯᬸᬲ᭄ᬫᬗ᭄ᬓᬦ᭚ ᭜ ᭚ᬳᬦᬧᬗ᭄ᬭᬯᭀᬲ᭄ᬳᬶᬤᬤᬍᬫ᭄᭞ᬭᬶᬂᬳᬶᬧᬦ᭄ᬤᬾᬭᬶᬂᬧᬗᬲ᭄ᬢ᭄ᬭ᭄ᬬᬦ᭄ᬧᬘᬂᬳᬶᬘ᭄ᬙᬮ
ᬡ᭄ᬟᬾᬳᬦ᭄ᬭᬶᬂᬗᬹᬭᬄᬚᬭᬦ᭄ᬢᬶᬓ᭄᭞ᬚᬢᬹᬃᬳᬶᬧᬦ᭄ᬤᬾᬭᬶᬂᬤᬍᬫ᭄᭞ᬳᬶᬗ᭄ᬕᬶᬄᬧᬢᬸᬢ᭄ᬓᬬᬸᬦ᭄ᬤᬍᬫ᭄᭞ᬳᬧᬦ᭄ᬳᬶᬗᬹᬭᬄᬚ᭠ᬭᬦ᭄ᬢᬶᬓ᭄ᬕᭂᬂᬧᬳᬗᬬᬄ᭞ᬫᬗ᭄ᬓᬦᬳᬢᬹᬭᬶᬧᬦ᭄ᬤᬾ᭞ᬤᬍᬫ᭄ᬗᬦ᭄ᬤᬶᬓᬬᬂᬗᬫ᭄ᬩᬶᬮ᭄ᬮᬡ᭄ᬟᬾᬳᬦ᭄ᬓᬚ᭄ᬭᭀ᭞ᬮ᭄ᬬᬦ᭄ᬲᬓᬾᬂᬓᬶᬫᬺ᭠
ᬘᬸᬚᬶᬯ᭞ᬭᬭᬶᬲ᭄ᬓᬵᬢᬹᬭᬶᬂᬤᬍᬫ᭄᭞ᬭᬥᬂᬳᬤᬳ᭄ᬦᬾ᭞ᬫᬮᬶᬄᬓᬳᬦ᭄ᬢᬸᬓᬂᬓᬶᬫᬺᬘᬸᬚᬶᬯᬭᬶᬂᬧᬕ᭄ᬦᬳᬦ᭄ᬧᬸᬦᬶᬓ᭞ᬫᬮᬶᬄᬓᬚ᭄ᬫᬓ᭄ᬤᬾᬦᬾᬬᬸᬢᬸᬲᬦ᭄᭞ᬤᬸᬤᬸᬳᬶᬫᬺᬘᬸᬚᬶᬯ᭞ᬢᬍᬃᬓᬶᬫᬺᬘᬸᬚᬶᬯᬓᬵᬢᬹᬭᬶᬂᬳᬶᬤᬤᬍᬫ᭄᭞ᬯᬢᬭᬲ᭄ᬭᬶᬂᬧᬶᬂ᭠
ᬦᭂᬫ᭄ᬓᬵᬢᬹᬭᬶᬂᬤᬍᬫ᭄᭞ᬫ᭄ᬦᭂᬂᬤᬍᬫ᭄ᬭᬭᬶᬲ᭄ᬗᬦ᭄ᬤᬶᬓ᭞ᬦᬄᬲᬸᬩᬢ᭄ᬯᬳᬶᬗᬹᬭᬄᬚᬭᬦ᭄ᬢᬶᬓ᭄ᬓᬢᬸᬤᬸᬄᬫᬗ᭄ᬕᭂᬮᬳᬂᬳᬶᬫᬺᬘᬸᬚᬶᬯ᭞ᬫᬗ᭄ᬓᬦᬉᬚᬃᬤᬍᬫ᭄᭞ᬭᬶᬂᬲᬦ᭄ᬢᬦᬦᬾᬓᬧᬡ᭄ᬟ᭄ᬬᬲᬹᬓ᭄ᬱ᭄ᬫᬭᬶᬂᬗᬹᬦᬶ᭞ᬳᬸᬲᬶᬂᬫᬗ᭄ᬓᬦᬢᬢ᭄ᬯ᭚ ᭜ ᭚
Kaca:Bali-lontar-prasasti-pande-capung-250ppi.pdf/2
Kaca puniki sampun kauji-wacén
