[᭘᭙ 89B]
᭘᭙
ᬓ᭄ᬭᭀᬥ᭟ᬓᬢᭀᬦ᭄ᬧ᭄ᬯᬤᬾᬯᬤ᭄ᬯᬭᬓ᭄ᬭ᭄ᬬᬦ᭄᭟ᬩᬶᬦᬸᬭᬹᬓᬶᬦᬩᬾᬳᬦ᭄᭞ᬧᬶᬦᬸᬧᬸᬄᬢᬬᬵᬓᬶᬦᭂᬫ᭄ᬩᬸᬮᬦ᭄᭟ᬯ᭄ᬓᬲᬦ᭄ᬫᬢᬶᬢᬬᬵᬇᬓᬂᬳᬸᬮᬵ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬵᬫᬕᬯᬾᬰ᭄ᬮᭀᬓᬵ᭟᭚ᬉᬫ
ᬬᬾᬦᬵᬢ᭄ᬫᬭᬓ᭄ᬱᬲᬲ᭄ᬬᬢ᭄᭟ᬤᬹᬃᬩᬮᬲ᭄ᬬᬲᬓᬃᬢ᭄ᬢᬶᬦᬄ᭞ᬧᬦᬕᬄᬓᬮᬧᬸᬢ᭄ᬭᬲᬵ᭞ᬭᬵᬚᬩ᭄ᬭᬢᬾᬯᬶᬦᬲ᭄ᬬᬢᬶ᭟ᬓᬮᬶᬗᬦ᭄ᬬᬇᬓᬂᬳᬶᬦᬰᬓ᭄ᬢᬶ᭞ᬬᬦ᭄ᬫᬦ᭄ᬫᬸᬭᬶᬲᬸᬓᬦ᭄ᬬᬤᬤ᭄ᬬᬦᬭᬓ᭄ᬱᬓᬦ᭄ᬬ᭟ᬫᭀᬖᬧ᭄ᬯᬬᬢᭀᬦᭂᬦ
ᬦᭂᬦ᭄ᬫᬗ᭄ᬓᬦᬵᬳᬸᬮᬵ᭞ᬳᬶᬮᬂᬬᬵᬤᬾᬦᬶᬂᬉᬧᬬᬦᬶᬓᬂᬕᬕᬓ᭄᭟ᬫ᭄ᬯᬄᬳᬸᬚᬭᬗ᭄ᬓ᭄ᬯᬾᬢᬫᬶᬢ᭄ᬭ᭞ᬅᬬ᭄ᬯᬓᬶᬢᬳᬧᬾᬓ᭄ᬱᬭᬶᬧᬥᬸᬫ᭄ᬢᬳᬸᬗ᭄ᬕ᭄ᬯᬦ᭄᭟ᬦᬶᬳᬦ᭄ᬢᬢᬳᬦᬓᬧ᭄ᬯᬲᬳᬃᬱᬦᬶᬓᬵ᭞ᬤᬾᬦ᭄ᬓᬤᬶᬓᬂᬯᬸᬭᬹᬯᬸᬭᬹ᭞ᬮᬶᬫᬬ
ᬲᬫᬶᬢ᭄ᬭᬵ᭟ᬫᬗ᭄ᬓᬦᬮᬶᬂᬦᬶᬓᬂᬮᬭ᭄ᬯ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬ᭟ᬲ᭄ᬬᬧᬫᬶᬢ᭄ᬭᬇᬓᬂᬯᬸᬭᬹᬯᬸᬭᬹ᭟ᬲᬶᬓᬡ᭄ᬥᬕᬸᬡᬗᬭᬦ᭄ᬬ᭟ᬫ᭄ᬯᬂᬕᬕᬓ᭄ᬲᬶᬲᬸᬕᬧᬣᬗᬭᬦ᭄ᬬ᭞ᬢᬶᬓᬸᬲ᭄ᬲᬶᬇᬭᬡᬶᬬᬓ᭄ᬱᬗᬭᬦ᭄ᬬ᭞ᬫᬜ᭄ᬚᬗᬦ᭄ᬧᬦᬸ
[᭙᭐ 90A]
ᬡ᭄ᬥᬸᬂᬇᬓᬂᬢ᭄ᬯᬪᬸᬭᬹᬲᬶᬓᬸᬗᬧᬵᬗᬭᬦ᭄ᬬ᭞ᬲᬫᬶᬢ᭄ᬭᬓᬮᬶᬫᬵ᭟ᬳᬦᬢᬲᬯᬭᬲᬶᬅᬱ᭄ᬝᬓ᭄ᬭᬫᬵᬗᬭᬦ᭄ᬬᬵ᭞ᬳᬫᬲᬂᬢᬬᬵᬚᬭᬶᬂᬮᬸᬤ᭄ᬓᬧᬶᬗ᭄ᬕᬶᬃᬇᬓᬂᬳᬭᬄᬳᬭᬄ᭟ᬫᬸᬮᬢᬶᬓᬂᬯᬸᬭᬹᬯᬸᬭᬹ᭟ᬫᬢ᭄ᬬᬓᬸᬤᬾᬦᬶᬂᬚᬭᬶ᭞ᬮᬶᬂᬦ᭄ᬬ᭟ᬳᬶᬦᭂ
ᬓᭂᬮ᭄ᬦ᭄ᬬᬢᬭᭀᬯᬂᬦ᭄ᬬᬓᬩᬾᬄ᭟ᬳᬾᬮᬄᬢᬧᬋᬂᬓᬶᬢᬮᬸᬫᬫ᭄ᬧᬄ᭞ᬢᬸᬫᬫ᭄ᬧᬸᬄᬚᬭᬶᬂᬦᬶᬓᬂᬲᬯᬭ᭟ᬢᬦ᭄ᬤ᭄ᬯᬧᬋᬂᬢᬸᬫᬫ᭄ᬧᬄᬚᬭᬶ᭞ᬓᬤᬯᬸᬢᬶᬓᬂᬚᬭᬶᬂᬤᬾᬦ᭄ᬬ᭟ᬫᬗ᭄ᬮᬬᬂᬭᬶᬂᬅᬓᬰ᭞ᬢ᭄ᬓᬢᬬᬬᬲᬬᭀᬚᬦᬤᭀᬄᬦ᭄ᬬᬢᬸ
ᬫ᭄ᬭᬧ᭄ᬢᬬᬵᬳᬶᬂᬍᬫᬄ᭟ᬳᬓ᭄ᬧᭂᬓᭂᬧᭂᬓ᭄ᬳᬓᭂᬩᭂᬢ᭄ᬲᬸᬓᬸᬦ᭄ᬬ᭟ᬫᬸᬮᬢᬶᬓᬂᬢᬶᬓᬸᬲ᭄ᬳᬶᬭᬡ᭄ᬬᬵᬓ᭄ᬱᬭᬶᬫᬶᬢ᭄ᬭᬦ᭄ᬬᬓ᭄ᬦᬾᬂᬚᬭᬶᬂ᭟ᬲᬶᬦᬳᬸᬢ᭄ᬦ᭄ᬬᬢᬾᬓᬂᬚᬭᬶᬂ᭟ᬳ᭄ᬯᬓ᭄ᬮᬸᬧᬸᬢᬶᬓᬂᬫᬦᬸᬓ᭄ᬓᬩᬾᬄ᭟ᬇᬓᬂᬲᬯᬭ
ᬓᬾᬭᬗᬦ᭄᭞ᬳᬶᬮᬂᬚᬭᬶᬂᬦ᭄ᬬ᭟ᬭᬶᬲᬓᬢᭂᬫ᭄ᬩᬾᬧ᭄ᬯᬬᬵ᭞ᬓᬢ᭄ᬓᬦ᭄ᬤᬸᬄᬓᬦ᭄ᬬᬢᬶᬓᬂᬢᬶᬓᬸᬲ᭄᭞ᬳᬶᬦᬸᬘᬧ᭄ᬲ᭄ᬯᬍᬮ᭄ᬦ᭄ᬬᬮ᭄ᬬᬂᬦᬶᬓᬂᬢᬶᬓᬸᬲ᭄᭟ᬫᬗᬺᬗ᭄ᬳᬵᬇᬓᬂᬕᬕᬓ᭄ᬲᬶᬮᬕᬸᬯᬢᬵ᭞ᬢᬦ᭄ᬢ᭄ᬭᬦᬶᬂᬓᬸᬦᬧᬵᬬᬳᬶᬦᭂᬦᬄ
Kaca:Bali-lontar-parwwa-tantri-kamandaka-250ppi.pdf/90
Kaca puniki sampun kauji-wacén
