[᭘᭕ 85B]
᭘᭕
ᬤ᭄ᬥᬵᬇᬓᬂᬲᬶᬦᬤ᭄ᬥ᭄ᬬᬦ᭄ᬬ᭟ᬲᬸᬫᬳᬹᬃᬫᬶᬢ᭄ᬭᬦ᭄ᬬᬓᬩᬾᬄ᭟ᬅᬧᬭᬦ᭄ᬢᬘᬭᬶᬢᬦᬶᬓᬂᬲᬯᬭᬭᬵᬚᬵ᭟ᬲᬸᬫᬳᬹᬃᬇᬓᬂᬮᬍᬃ᭟ᬳᬦᬲᬶᬭᬵᬩ᭄ᬭᬵᬳ᭄ᬫᬡᬵ᭟ᬫᬧᬭᬧᬭᬦ᭄᭟ᬓᬲ᭄ᬧᭂᬃᬢᬲᬶᬭᬭ᭄ᬬᬸᬫᬄᬦᬶᬓᬂᬲᬯᬭ᭟ᬲᬶᬭᬢᬪᬶᬦᭀ
ᬚᬦᬵ᭟ᬅᬢ᭄ᬬᬦ᭄ᬢᬲᬸᬓᬦᬶᬭᬤᬾᬦᬶᬂᬧᬢ᭄ᬬᬦᬶᬂᬪᭀᬚᬦᬵᬦᬶᬭᬵ᭟ᬓᬢᭀᬦᬦ᭄ᬢᬲᬶᬭᬤᬾᬦᬶᬓᬂᬲᬯᬭᬭᬵᬚ᭟ᬅᬰ᭄ᬭᬃᬬ᭄ᬬᬢᬲᬶᬭᬢᬸᬫᭀᬦᬶᬂᬲᬶᬭᬪᭀᬚᬦ᭟ᬤᬤᬶᬢᬬᬵᬢᬓ᭄ᬯᬦ᭄᭞ᬮᬶᬂᬦ᭄ᬬ᭟ᬅᬧᬭᬓ᭄ᬯᬢᬶᬦᬥᬄᬫ᭄ᬧᬸᬥ
ᬗ᭄ᬳ᭄ᬬᬂ᭟ᬫᬢᬗ᭄ᬳ᭄ᬬᬦ᭄ᬧᬢ᭄ᬬᬤᬳᬢ᭄ᬤᬾᬫ᭄ᬧᬸᬥᬗ᭄ᬳ᭄ᬬᬂᬫᬦᬥᬄ᭟ᬲᬸᬫᬳᬹᬃᬲᬂᬩ᭄ᬭᬳ᭄ᬫᬵᬡ᭞ᬫᬶᬜᬓᬶᬓᬪᬶᬦᭀᬚᬦᬦᬶᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬇᬓᬂᬲᬯᬭᬵᬚᬵ᭟ᬫᬧᬭᬱᬦᬶᬓᬧᬸᬓᬸᬮᬸᬦ᭄᭟ᬲᬸᬫᬳᬹᬃᬲᬂᬩ᭄ᬭᬳ᭄ᬫᬵᬡ᭟ᬦ᭄ᬤᬄ
ᬫᬄᬲᬶᬓᬶᬫᬶᬜᬓᬶᬂᬲᬧᬶᬬᬦ᭄ᬓᬶᬢᬵᬋᬧ᭄ᬯ᭄ᬭᬸᬳᬭᬱᬦ᭄ᬬ᭟ᬤᬤᬶᬢᬓᬫᬶᬫᬶᬜᬫᬶᬫᬶᬜᬓ᭄ᬧᭂᬳᬦ᭄᭞ᬓᬾᬦᬓᬦ᭄ᬢᬬᬵ᭟ᬢᬸᬫᬓ᭄ᬯᬦ᭄ᬢᬬᬾᬂᬲᬂᬩ᭄ᬭᬳ᭄ᬫᬡ᭟ᬦ᭄ᬤᬶᬧᭀᬲᬶᬓᬡ᭄ᬥᬦ᭄ᬬᬇᬓᬂᬫᬶᬜᬓ᭄᭟ᬲᬸᬫᬳᬹᬃᬲᬂᬩ᭄ᬭ
[᭘᭖ 86A]
ᬳ᭄ᬫᬵᬡ᭟ᬇᬓᬂᬍᬫ᭄ᬩᬸᬧᭀᬮᬶᬳᬦ᭄ᬫᬫᬶ᭟ᬲᬫᬗ᭄ᬓᬦᬇᬓᬂᬲᬯᬭᬭᬵᬚ᭞ᬫᬶᬦ᭄ᬢᬵᬲᬶᬄᬳᬶᬂᬩ᭄ᬭᬵᬳ᭄ᬫᬡᬫᬢᬸᬫ᭄ᬩᬲᬇᬓᬂᬖᭀᬄᬲᬶᬗᬓᭂᬦᬶᬭᬵ᭞ᬇᬓᬂᬍᬫ᭄ᬩᬸ᭟ᬓᬸᬦᬂᬲᬂᬩ᭄ᬭᬳ᭄ᬫᬵᬡ᭞ᬮᬸᬗ᭄ᬳᬵᬲᬶᬭᬵ᭟ᬭᬶᬳᬸᬭᬶᬦᬶᬭᬫᬳᬋᬧ᭄ᬢᬶᬓᬂᬲ
ᬯᬭᬭᬵᬚᬧᭂᬳᬦ᭄᭟ᬧᬶᬦᬹᬚᬦ᭄ᬬᬇᬓᬂᬍᬫ᭄ᬩᬸᬭᬶᬧᬜ᭄ᬘᭀᬧᬘᬭᬵ᭞ᬲᬳᬵᬥᬸᬥᬶᬧᬵ᭞ᬢ᭄ᬳᭂᬃᬢᬬᬫᭀᬚᬃ᭞ᬇᬓᬂᬲᬯᬭᬭᬵᬚ᭟ᬳᬾᬓᬫᬸᬂᬍᬫ᭄ᬩᬸ᭞ᬦ᭄ᬤᬄᬯᬾᬳᬶᬓᬫᬶᬕᬺᬢᬧᬢᬧᭂᬳᬦ᭄ᬭᬶᬓᬶᬢᬵ᭟ᬲᬸᬗᬦᬗ᭄ᬳᬸᬮᬸᬦ᭄ᬲᬲᬸᬓᬢ᭄᭞ᬲᬭ᭠
ᬯ᭄ᬬᬦ᭄᭞ᬫ᭄ᬯᬂᬲᬧᬗᬬ᭄ᬯᬦ᭄᭟ᬅᬬ᭄ᬯᬲᭀᬯᬾ᭟ᬫᬗ᭄ᬓᬦᬮᬶᬂᬦᬶᬓᬂᬲᬯᬭᬭᬵᬚ᭟ᬅᬧᬦ᭄ᬢᬦ᭄ᬧᬶᬦᭂᬄᬤᬾᬦ᭄ᬬ᭞ᬢᬦ᭄ᬲᬶᬤ᭄ᬥᬵᬇᬓᬵᬯᬶᬚᬶᬮ᭄ᬬᬦ᭄ᬢᬦ᭄ᬳᬦᬍᬓᬲ᭄ᬦ᭄ᬬ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬳᬦ᭄ᬫᬕᬯᬾᬰ᭄ᬮᭀᬓᬵ᭟ᬅᬓ᭄ᬭᬶᬬᬵ
ᬚᬦᬸᬧᬬᭀᬦ᭞ᬓᬃᬬ᭄ᬬᬭᬫ᭄ᬩᭀᬦᬚᬬᬤᬾ᭞ᬤᬤᬶᬲᬧᬶᬄᬧᬬᭀᬢᬬᬾ᭞ᬕᬡ᭄ᬥᬫᬮ᭄ᬬᬦᬖᭀᬃᬬ᭄ᬬᬢᬾ᭟ᬓᬮᬶᬗᬦ᭄ᬬ᭟ᬢᬦ᭄ᬤᬤᬶᬇᬓᬂᬓᬃᬬ᭄ᬬᬬᬦ᭄ᬢᬦ᭄ᬧᬲᬥᬦᬂᬓ᭄ᬭᬶᬬᬵ᭞ᬫ᭄ᬯᬗᬸᬧᬬᬵ᭞ᬫᬓᬤᬶᬍᬓ᭞ᬓᬤ᭄ᬬᬗ᭄ᬕᬦᬶᬓᬂ
Kaca:Bali-lontar-parwwa-tantri-kamandaka-250ppi.pdf/86
Kaca puniki sampun kauji-wacén
