[᭖ 6B]
᭖
ᬫ᭄ᬯᬨᬮᬦᬶᬂᬯᬶᬰᬾᬱᬦᬵᬣ᭞ᬫ᭄ᬯᬂᬓᬢᭀᬦᬦᬶᬂᬓᬰᬓ᭄ᬢᬶᬦᬶᬂᬫᬦ᭄ᬢ᭄ᬭᬶᬲᬸᬫᬶᬤ᭄ᬥᬵᬓ᭄ᬦᬓᬃᬬ᭄ᬬᬦᬶᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬳᬚ᭄ᬜᬵᬰ᭄ᬭᬶᬐᬰ᭄ᬯᬃᬬ᭄ᬬᬨᬮ᭟ᬲᬸᬫᬳᬸᬃᬭᬓ᭄ᬭ᭄ᬬᬦᬧᬢᬶᬄᬦᬶᬢᬶᬩᬡ᭄ᬥᬾᬰ᭄ᬯᬃᬬ᭄ᬬ᭟ᬲᬚ᭄ᬜᬵᬰ᭄ᬭᬶᬫᬳᬵᬭᬵᬚ᭞ᬢᬦᬸᬧ᭠
ᬗ᭄ᬲᬬᬵᬰ᭄ᬭᬷᬧᬤᬸᬓᬵᬫᬳᬵᬭᬵᬚ᭞ᬭᬶᬕᬢᬶᬦᬶᬂᬧᬵᬝᬶᬓ᭄ᬧᬭᬫᬾᬰ᭄ᬯᬭᬵ᭞ᬳᬸᬫᬢᬹᬭᬓ᭄ᬦᬂᬲᬬᭀᬕ᭄ᬬᬦᬶᬓᬂᬲ᭄ᬢ᭄ᬭᬷᬓᬦ᭄ᬬᬵᬓᬳᬢᬹᬭᬭᬶᬧᬤᬸᬓᬵᬰ᭄ᬭᬶᬫᬳᬵᬭᬵᬚ᭟ᬫᬫᬶᬮᬶᬳᬵᬇᬭᬶᬓᬵᬓᬮᬶᬄ᭞ᬦ᭄ᬤᬦ᭄ᬧᬗᬺᬗᭃᬧᬝᬶᬓ᭄ᬳᬚᬶ
ᬭᬶᬇᬢᬶᬳᬲᬵᬧᬹᬭᬡᬵᬭᬹᬧᬵᬲᬸᬤ᭄ᬭᬵᬦᬲ᭄ᬢ᭄ᬬᬦ᭄ᬢ᭄ᬬ᭞ᬯᬯᬳᬾᬓᭀᬧᬮᬶᬧ᭄ᬬᬵ᭞ᬢᭀᬭᬡᬵᬭᬢ᭄ᬯᬫᬾᬥᬶ᭞ᬦᬶᬧᬭᬶᬭᬵᬓ᭄ᬱᬡ᭟ᬲᬂᬧ᭄ᬭᬪᬹᬬᬦ᭄ᬲᬶᬭᬲᬸᬫᬶᬗᬶᬢ᭄ᬭᬶᬯᬶᬱᬬᬵ᭞ᬢᬦ᭄ᬬᭀᬕ᭄ᬬ᭞ᬫ᭄ᬯᬂᬭᬶᬂᬳᬶᬲ᭄ᬢ᭄ᬭᬶᬯᬶᬱᬬᬵ᭟ᬦᬶᬬᬢ
ᬓᬵᬓᬧᬺᬫ᭄ᬲᬶᬭᬬᬦ᭄ᬫᬗ᭄ᬓᬦ᭟ᬓᬸᬦᬂᬇᬓᬂᬳᬸᬮᬳᬓ᭄ᬦᬦᬶᬭᬵ᭞ᬓᬸᬫᬶᬗ᭄ᬓᬶᬦᬲᬶᬭᬓᬧᬢ᭄ᬬᬦᬶᬂᬫᬸᬲᬸᬄᬦᬶᬭᬵᬧᬭᬧ᭄ᬭᬪᬹᬭᬶᬂᬢ᭄ᬗᬄᬦᬶᬂᬧᬮᬕᬦ᭄᭟ᬇᬭᬶᬓᬵᬢᬲᬶᬭᬧᬕᭂᬄᬓᬭᬢᬸᬦᬶᬭᬭᬶᬂᬭᬵᬚ᭄ᬬ᭟᭚ᬓᬵᬮᬢ᭄ᬭᬯᬦ᭄ᬢ
[᭗ 7A]
ᬫᬵᬢ᭄ᬫᬦ᭞ᬧᬥᬦᬾᬤᬾᬫᬳᬵᬢ᭄ᬬᬧᬶ᭞ᬢᬬᬫ᭄ᬦᬾᬫᬦᬲ᭄ᬯᬶᬦᬶᬬᬵ᭞ᬮᬓ᭄ᬱ᭄ᬬᬯᬯᬲᬸᬤ᭄ᬥᬥᬶᬧᬄ᭟ᬗᬹᬦᬶᬭᬶᬂᬳᬢᬶᬢᬵᬓᬵᬮ᭞ᬲᬶᬭᬢᬸᬳᬢᬸᬰ᭄ᬭᬶᬧᬭᬫᬾᬰ᭄ᬯᬭᬇᬓ᭄ᬱ᭄ᬯᬓᬸᬯᬗ᭄ᬰᬵ᭞ᬢᬸᬗ᭄ᬕᬮ᭄ᬢᬸᬗ᭄ᬕᬮ᭄ᬚᬸᬕᬵᬲᬶᬭᬧ᭄ᬭᬪᬹ᭞ᬢ
ᬧᬶᬢ᭄ᬯᬶᬫᬓ᭄ᬯᬾᬄᬚᬸᬕᬵᬧᬲ᭄ᬢ᭄ᬭᬶᬦᬶᬭᬰ᭄ᬭᬷᬦ᭄ᬤᬾᬯᬶᬫ᭄ᬯᬂᬲᬸᬤᬾᬯᬶᬭᬶᬦᬓ᭄ᬱᬦᬶᬭᬵ᭞ᬓᬭᬓ᭄ᬱᬲᬶᬭᬓᬩᬾᬄ᭟ᬫᬗ᭄ᬓᬦᬮᬶᬂᬦᬶᬂᬭᬓ᭄ᬭᬶᬬᬦᬧᬢᬶᬄ᭟ᬫᬯᬸᬯᬸᬲ᭄ᬢᬰ᭄ᬭᬶᬫᬳᬵᬭᬵᬚ᭟ᬅᬉᬫ᭄ᬅᬉᬫ᭄ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬯ᭄ᬭᬸᬄᬗ᭄ᬳᬸᬮᬸᬦ᭄
ᬲᬗ᭄ᬰᬬᬦ᭄ᬢᬓᬩᬾᬄ᭞ᬫ᭄ᬯᬂᬭᬱᬗ᭄ᬳ᭄ᬬᬂᬅᬕᬫᬵ᭞ᬳᬦᬢᬫ᭄ᬯᬄᬓᬋᬗᭃᬭᬶᬰᬲ᭄ᬢ᭄ᬭᬇᬢᬶᬅᬲᬵ᭟᭚ᬯᬶᬯᬳᬫ᭄ᬧᬃᬯ᭄ᬯᬣᬶᬰᬰ᭄ᬘᬵ᭞ᬰᬬᬦᬾᬰ᭄ᬭᬷᬥᬭᭀᬤᬯᬾᬢ᭄᭟ᬪᬝᬭᬧᬭᬫᬾᬰ᭄ᬯᬭᬫ᭄ᬯᬂᬪᬝᬭᬶᬉᬫᬵ᭞ᬲᬶᬭᬢᬫᬸᬗ᭄ᬕᬸᬄ
ᬗ᭄ᬓᬵᬭᬶᬓᬵᬮᬦᬶᬯᬶᬯᬳᬵ᭟ᬪᬝᬭᬯᬶᬱ᭄ᬡᬸᬫ᭄ᬯᬂᬪᬝᬭᬶᬰ᭄ᬭᬷ᭞ᬲᬶᬭᬫᬸᬗ᭄ᬕ᭄ᬯᬶᬂᬧᬫᬺᬫᬦ᭄᭞ᬭᬶᬫᬯᬶᬯᬳᬵ᭟ᬫᬗ᭄ᬓᬦᬨᬮᬦᬶᬓᬃᬬ᭄ᬬᬯᬶᬯᬳᬵᬫᬫᬹᬚᬭᬶᬂᬪᬝᬭᬫ᭄ᬯᬂᬪᬝᬭᬶ᭟ᬇᬓᬵᬢᬓᬭᬡᬦᬶᬯᬺᬤ᭄ᬥ᭄ᬬᬲᬃᬯ᭄ᬯᬢᬸᬫᬸᬯᬸᬄ
Kaca:Bali-lontar-parwwa-tantri-kamandaka-250ppi.pdf/7
Kaca puniki sampun kauji-wacén
