[᭖᭒ 62B]
᭖᭒
ᬦᬦᬄᬤᬾᬦ᭄ᬬ᭟ᬢ᭄ᬮᬲ᭄ᬧ᭄ᬯᬬᬵᬳ᭄ᬭᬸᬦ᭄ᬬ᭞ᬫᬮᬬᬹᬢᬬᬵ᭟ᬫᬦ᭄ᬫᬸᬢᬬᬵᬫᭀᬂᬲ᭄ᬥᬂᬮᬧᬵ᭞ᬩᬶᬦᬸᬭᬹᬧ᭄ᬯᬬᬵᬤᬾᬦᬶᬓᬂᬫᭀᬂ᭟ᬫᬵᬫᬦᬾᬓ᭄ᬢᬬᬵᬭᬶᬓᬂᬓᬬᬸᬇᬓᬂᬢᬸᬳᬩᬸᬭᬹ᭟ᬳᬦᬢᬯᬦᬭᬶ᭞ᬫᬦᬓᬦᬓ᭄ᬢᬢ᭄ᬮᬸ᭞ᬭᬶᬭᬸᬳᬹᬃ
ᬇᬓᬂᬧᬶᬦᬦᬾᬓ᭄ᬤᬾᬦᬶᬓᬂᬧᬧᬓᬵ᭞ᬬᬢᬲᬸᬫᬳᬸᬢᬾᬭᬶᬬᬵ᭞ᬯ᭄ᬮᬲᬶᬓᬂᬯᬦᬭᬶᬭᬶᬂᬢᬸᬳᬩᬸᬭᬹ᭟ᬲᬫᬶᬢ᭄ᬭᬢᬬᬯ᭄ᬓᬲᬦ᭄ᬮᬯᬦᬶᬓᬂᬯᬦᬭᬶ᭞ᬧᬧᬓᬵ᭟ᬳᬦᬧ᭄ᬯᬗ᭄ᬳᬾᬮ᭄ᬦᬶᬓᬂᬦᬶᬲᬤ᭄ᬥᬵ᭞ᬫᬮᬓᬸᬧ᭄ᬯᬬᬵᬧᬶᬦᬗᬸᬮ᭄᭞
ᬳᬸᬫᬸᬮᬢ᭄ᬇᬓᬂᬫᭀᬂᬲᬓᬾᬲᭀᬃ᭞ᬫᭀᬚᬃᬢᬬᬵ᭞ᬳᬾᬢᬶᬓᬂᬯᬦᬭᬶ᭞ᬢᬶᬩᬓᭂᬦᬶᬓᬂᬯ᭄ᬯᬂ᭞ᬢᬦ᭄ᬬᭀᬕ᭄ᬬᬓᬶᬢᬲᬫᬶᬢ᭄ᬭᬮᬯᬦ᭄ᬬᬓᬺᬢᬖ᭄ᬦᬵᬚᬢᬶᬦᬶᬓᬂᬧᬧᬓᬵ᭟ᬲᬸᬫᬳᬹᬃᬇᬓᬂᬯᬦᬭᬶ᭟ᬫᬧᬓᬭᬶᬓᬓᬺᬢ᭄ᬢ
ᬖ᭄ᬦᬦᬶᬓᬂᬯ᭄ᬯᬂ᭟ᬲᬸᬫᬳᬹᬃᬇᬓᬂᬫᭀᬂ᭞ᬫᬘᬭᬶᬢᬵ᭟ᬳᬦᬤᬾᬰᬭᬶᬂᬓᬰ᭄ᬫᬶᬭᬗᬭᬦ᭄ᬬ᭞ᬳᬦᬢᬲᬶᬭᬩ᭄ᬭᬳ᭄ᬫᬵᬡ᭞ᬲᬂᬬᬚ᭄ᬜᬵᬲ᭄ᬯᬫᬶᬗᬭᬦᬶᬭᬵ᭟ᬫᬳᬲ᭄ᬢᬲᬶᬭᬵᬢᬶᬃᬢ᭄ᬣᬭᬶᬓᬮᬮᬳ᭄ᬭᬸᬫᬰᬓᬂᬓᬂ᭟ᬫᬮᬧᬵᬲᬶᬭ
[᭖᭓ 63A]
ᬳ᭄ᬯᬾ᭟ᬫᬳᬲ᭄ᬢᬲᬶᬭᬵᬭᬭᬄᬢᭀᬬᬵ᭞ᬫᬫᬗ᭄ᬕᬶᬄᬢᬲᬶᬭᬲᬸᬫᬹᬃᬫᬢᬶ᭞ᬭᬶᬫᬥ᭄ᬬᬦᬶᬓᬂᬳᬮᬲ᭄᭟ᬢᬶᬦᬮ᭄ᬬᬦᬶᬭᬵᬢᬓᬫᬡ᭄ᬥᬮᬸᬦᬶᬭᬵ᭞ᬢᬶᬦᭂᬓ᭄ᬯᬓᭂᬦᬶᬭᬭᬶᬂᬲᬸᬫᬹᬃ᭟ᬓᬢᬶᬫ᭄ᬩᬵᬇᬓᬂᬯ᭄ᬭᬾ᭟ᬫᭀᬚᬃᬢᬲᬂᬩ᭄ᬭᬳ᭄ᬫᬵᬡ᭞
ᬮᬶᬂᬦᬶᬭᬵ᭟ᬅᬧᬭᬦ᭄ᬢᬤᭀᬦ᭄ᬢᬳᬦᬗ᭄ᬓᬾ᭟ᬫᬦᭂᬫ᭄ᬩᬄᬇᬓᬂᬯ᭄ᬭᬾ᭞ᬢ᭄ᬳᭂᬃᬫᭀᬚᬃ᭞ᬮᬶᬂᬦ᭄ᬬ᭟ᬉᬫ᭄ᬲᬂᬩ᭄ᬭᬵᬳ᭄ᬫᬵᬡᬵ᭞ᬓᬮ᭄ᬩᬸᬫᬫᬶ᭟ᬧᬢᬂᬲᬶᬓᬶᬭᭀᬯᬗ᭄ᬓᬸᬓᬮ᭄ᬩᬸ᭟ᬫᭀᬂᬮᬯᬦ᭄ᬳᬸᬮᬵ᭞ᬫ᭄ᬯᬂᬫᬦᬹᬱᬵ᭟ᬦ᭄ᬤᬦ᭄ᬫᭀᬂᬮᬯᬦ᭄ᬳᬸᬮᬵᬚᬸᬕᬳᭂᬦ᭄ᬢ
ᬲᬓ᭄ᬦᬵ᭞ᬤᬾᬦ᭄ᬢᬲᬂᬩ᭄ᬭᬳ᭄ᬫᬡ᭟ᬳᬬ᭄ᬯᬳᬶᬦᭂᬦ᭄ᬢᬲᬶᬓᬂᬯ᭄ᬯᬂ᭞ᬤᭀᬱᬦ᭄ᬬᬦᬶᬘ᭄ᬘᬵᬇᬓᬂᬯ᭄ᬯᬂ᭞ᬫᬗ᭄ᬓᬦᬇᬓᬂᬯ᭄ᬭᬾ᭞ᬢ᭄ᬳᭂᬂᬮᬸᬗ᭄ᬳᬵᬫᬫ᭄ᬯᬶᬢ᭄᭟ᬢᬸᬫ᭄ᬓᬸᬲᬶᬭᬫ᭄ᬯᬄ᭞ᬓᬢᬶᬫ᭄ᬩᬵᬇᬓᬂᬫᭀᬂ᭟ᬢᬦ᭄ᬧᬲᬸᬂᬬᬦ᭄ᬢᬶᬫ᭄ᬩᬦᭂᬦ᭄ᬇᬓᬂᬯ᭄ᬯᬂ᭞ᬮᬶᬂᬦᬶᬓᬂᬫᭀᬂ᭟
ᬢᬸᬫᬶᬫ᭄ᬩᬲᬶᬭᬫ᭄ᬯᬄᬓᬢ᭄ᬫᬸᬇᬓᬂᬳᬸᬮᬵ᭞ᬫᭀᬚᬃᬮᬶᬂᬦ᭄ᬬ᭟ᬢ᭄ᬮᬲ᭄ᬧᬸᬓᬸᬮᬸᬦ᭄ᬓᬩᬾᬄ᭟ᬓᬭᬶᬓᬂᬚᬸᬕ᭞ᬳᬬ᭄ᬯᬳᬶᬦᭂᬦ᭄ᬢᬲ᭄ᬤᬾᬲᬂᬩ᭄ᬭᬳ᭄ᬫᬵᬡ᭟ᬓᬺᬢᬖ᭄ᬦᬇᬓᬂᬯ᭄ᬯᬂ᭞ᬢᬦ᭄ᬯ᭄ᬭᬸᬄᬧᬶᬦᬶᬳᬸᬢᬗᬦ᭄᭟ᬫᬗ᭄ᬓᬦᬮᬶᬂᬦᬶᬂᬳᬸᬮᬵ
Kaca:Bali-lontar-parwwa-tantri-kamandaka-250ppi.pdf/63
Kaca puniki sampun kauji-wacén
