[᭕᭖ 56B]
᭕᭖
ᬓᬶᬢᬵᬳᬸᬫᭀᬭᬳᬦ᭄ᬢᬶᬕᬦᬶᬗ᭄ᬳᬸᬮᬸᬦ᭄᭞ᬲᬲᬶᬓᬶᬢᭂᬢᭂᬲᭂᬦ᭄ᬢᬵ᭟ᬧᬓᬦᬶᬢᬬᬯ᭄ᬯᬄᬳᬶᬂᬳᬫ᭄ᬩᬸᬮᬸ᭞ᬯᬭᬶᬗᬶᬦ᭄᭞ᬲᬧᬭᬦ᭄ᬬ᭟ᬬᬦᬸᬯᬸᬲᬢ᭄ᬯᬵᬳ᭄ᬮᭂᬫ᭄᭞ᬫᬗ᭄ᬓᬦᬮᬶᬂᬦᬶᬂᬓᬸᬯᭀᬂ᭟ᬉᬫ᭄᭞ᬮᬶᬂᬦ᭄ᬬᬕᬕᬓ᭄᭟ᬫᬗ᭄ᬓᬦᬧ᭄ᬭᬲ᭄ᬢᬯᬦ᭄ᬬ
᭞ᬬᬢᬢᬶᬦᬸᬯᬯᬦᬦ᭄ᬳᬦ᭄ᬢᬶᬕᬦᬶᬂᬕᬕᬓ᭄ᬤᬾᬦᬶᬂᬓᬸᬯᭀᬂ᭟ᬬᬤ᭄ᬬᬧᬶᬓᬢ᭄ᬓᬵᬫᬗ᭄ᬓᬾ᭟ᬲᬫᬗ᭄ᬓᬦᬮᬶᬂᬲᬂᬲᬫ᭄ᬪᬥᬵ᭟ᬯᬮᬸᬬᬢᬓᬧ᭄ᬭᬶᬳᬢᬶᬓᬂᬓᬸᬯᭀᬂᬮᬦᬂᬯᬤᭀᬦ᭄᭞ᬓᬭᬡᬦ᭄ᬬᬮᬸᬗ᭄ᬳᬵᬫᬳᬲ᭄ᬳᬳᬲ᭄᭞
ᬳᬓ᭄ᬯᬾᬄᬤᬾᬰᬧᬶᬦᬭᬦ᭄ᬬᬵ᭟ᬫᬦᭂᬫ᭄ᬯᬢᬬᬫᬦᬸᬓ᭄ᬫᬓ᭄ᬯᬾᬄ᭞ᬓᬧ᭄ᬯᬲᬸᬓᬵᬫᬦᬄᬦ᭄ᬬᬲᬳᬦᬦ᭄ᬬᬫᬗᬰ᭄ᬭᬬᬵᬭᬶᬓᬂᬭᬗ᭄ᬭᬵ᭟ᬓᬤᬸᬦᬸᬂᬳᬸᬫᬄᬦᬶᬓᬂᬚᬗ᭄ᬓᬸᬂ᭞ᬤᬤᬶᬢᬫᭀᬚᬃᬇᬓᬂᬓᬸᬯᭀᬂ᭞ᬮᬶᬂᬦ᭄ᬬ᭞ᬳᬦᬓᬭᬶᬚᬸᬭᬸ
ᬦ᭄ᬢᬵᬬᬾᬓᬶᬓᬶᬢᬓᬩᬾᬄ᭞ᬲᬸᬫᬳᬹᬃᬇᬓᬂᬚᬗ᭄ᬓᬸᬂ᭞ᬳᬦᬚᬸᬭᬸᬫᬫᬶ᭟ᬲᬸᬫᬳᬹᬃᬇᬓᬂᬓᬸᬯᭀᬂ᭞ᬫᬧᬮ᭄ᬯᬶᬃᬦᬶᬭᬵ᭟ᬲᬫᬳᬹᬃᬢᬂᬚᬗ᭄ᬓᬸᬂ᭞ᬦ᭄ᬤᬦᬳᬦ᭄ᬢᬲᬶᬭᬤᬯᬵᬕᭂᬂᬳᬢᬸᬳᬍᬗᬃ᭟ᬲᬶᬭᬢᬶᬓᬵᬚᬸᬭᬸᬫᬫᬶ᭟ᬲᬸ
[᭕᭗ 57A]
ᬫᬳᬹᬃᬳᬶᬓᬂᬓᬸᬯᭀᬂ᭞ᬢᬸᬮᬸᬲᬓ᭄ᬦᬵᬲᬶᬄᬢᬭ᭄ᬬᬓᬸ᭞ᬳᬢᬹᬭᬓᭂᬦ᭄ᬢᬓᬫᬶᬭᬶᬲᬶᬭᬵ᭟ᬲᬸᬫᬳᬹᬃᬢᬂᬚᬗ᭄ᬓᬸᬂ᭞ᬫᬧᬧ᭄ᬭᬬᭀᬚᬦᬦ᭄ᬢᬵ᭟ᬲᬸᬫᬳᬹᬃᬇᬇᬓᬂᬓᬸᬯᭀᬂ᭟ᬫᬳ᭄ᬬᬸᬦ᭄ᬫᬶᬮᬸᬳᬦᬾᬗ᭄ᬓᬾᬗ᭄ᬳᬸᬮᬸᬦ᭄᭟ᬲᬸᬫᬳᬹᬃᬚᬗ᭄ᬓᬸᬂ᭟ᬅᬧᬭᬦ᭄ᬢᬫᬲᬸ
ᬗᬦ᭄ᬢᬬᬦ᭄ᬲᬶᬤ᭄ᬥᬵᬓᬃᬬ᭄ᬬᬦ᭄ᬢᬵ᭟ᬲᬸᬫᬳᬹᬃᬇᬓᬂᬓᬸᬯᭀᬂ᭟ᬢᬦ᭄ᬳᬦᬧᬲᬸᬗᬦᬶᬂᬗ᭄ᬳᬸᬮᬸᬦ᭄᭞ᬅᬧᬦ᭄ᬥᬭᬶᬤ᭄ᬭᬓᬫᬶ᭞ᬲᬤᬓᬵᬮᬫᬭᬰ᭄ᬭᬬᬭᬶᬂᬕᬸᬦᬸᬂᬳᬮᬲ᭄᭞ᬪᬚ᭄ᬭᬦᬶᬓᬫᬗᬶᬢ᭄ᬭᬶᬂᬚᬸᬭᬂᬯᬸᬓᬶᬃ᭞ᬫᬗ᭄ᬓᬦᬢᬕᬯᬬᬦᬶ
ᬗ᭄ᬳᬸᬮᬸᬦ᭄ᬤᬾᬦ᭄ᬢᬵ᭟ᬲᬸᬫᬳᬹᬃᬇᬓᬂᬚᬗ᭄ᬓᬸᬂ᭟ᬉᬤᬸᬄᬉᬤᬸᬄᬪᬕ᭄ᬬᬬᬦ᭄ᬫᬗ᭄ᬓᬦᬵ᭞ᬫᬗᬺᬗᬵᬢᬓᬫᬶ᭠ᬭᬶᬧ᭄ᬭᬚ᭄ᬜᬦ᭄ᬢᬭᬶᬂᬲ᭄ᬯᬭᬵ᭞ᬳᬦᬧ᭄ᬯᬚᬸᬭᬹᬫᬫᬶᬫᬗᬶᬕᭂᬮ᭄ᬧ᭄ᬭᬬᬦᬶᬭᬵ᭟ᬓᬶᬢᬧ᭄ᬯᬅᬋᬓᬵᬮᬶᬲ᭄ᬢ᭄ᬯᬬᬸᬓᬶᬥᬗᬦ᭄᭞
ᬓᬢᭀᬦ᭄ᬲᬫ᭄ᬪᬾᬕᬦ᭄᭞ᬦᬶᬭᬫᬗ᭄ᬓᬦᬵ᭟ᬇᬦᬢᬹᬭᬓᭂᬦᬶᬓᬂᬓᬸᬯᭀᬂᬤᬾᬦᬶᬂᬚᬗ᭄ᬓᬸᬂᬲᬶᬓᬮᬯᬦ᭟ᬇᬓᬂᬚᬸᬭᬹᬩᬗᭀᬫᬗᬭᬦ᭄ᬲᬶᬓᬮᬢᬸᬡ᭄ᬥᬵ᭞ᬇᬦᬚᬭᬓᭂᬦ᭄ᬢᬬᬦᬵᬓ᭄ᬯᬾᬄᬨᬮᬦ᭄ᬬᬕᬶᬣᬵᬤᬶᬤᬾ
Kaca:Bali-lontar-parwwa-tantri-kamandaka-250ppi.pdf/57
Kaca puniki sampun kauji-wacén
