[᭔᭐ 40B]
᭔᭐
ᬓᬂᬪᬺᬢ᭄ᬬᬦᬶᬭᬵᬧᬢ᭄ᬲᬸᬫᬶᬮᬶᬳᬵᬭᬓ᭄ᬯᬜᬢᬹᬃᬤᬾᬰ᭞ᬰᬾᬦᬧᬢᬶᬲᬳᬵᬦᬸᬕ᭄ᬭᬳᬵᬓᬶᬦᭀᬦ᭄ᬕᬸᬫᬦ᭄ᬢ᭄ᬬᬦᬬᬓ᭄ᬭᬫᬦᬶᬂᬲᬂᬮᬶᬡᬵ᭟ᬧᬥᬵᬳᬃᬱᬓᬢ᭄ᬓᬦᬶᬂᬧ᭄ᬭᬬᬦᬶᬭᬵ᭞ᬫᬦ᭄ᬢᬸᬓᬸᬫᬭᬾᬂᬧᬓ᭄ᬯᬦ᭄ᬬᬲᭀᬯᬂᬲᭀᬯᬂᬭᬶᬂᬘᬢᬹᬃ᭠
ᬤᬾᬰᬵ᭞ᬧᬥᬯᬺᬭᬶᬂᬓᬲᬸᬓᬦ᭄᭞ᬢᬦ᭄ᬯ᭄ᬭᬸᬄᬭᬶᬂᬫᬃᬬ᭄ᬬᬦ᭄ᬢᬓ᭄ᬭᬫᬵ᭟ᬓᬋᬗ᭄ᬳᬵᬧ᭄ᬯᬬᬦ᭄ᬧᬭᬢ᭄ᬭᬇᬓᬂᬫᬦ᭄ᬢ᭄ᬭᬶᬘᬢᬹᬃᬤᬾᬰᬤᬾᬦᬶᬂᬫᬸᬲᬸᬄ᭞ᬤᬶᬦᭀᬦ᭄ᬧ᭄ᬯᬬᬵ᭞ᬓᬮᬄᬢᬓᬧᬢ᭄᭞ᬓᬢᬸᬮ᭄ᬬᬦᬶᬓᬂᬦᬵᬕᬭᬵ᭟ᬫᬵᬭᬵᬚᬤ᭄ᬭᬸ
ᬫᬲᬶᬭᬵᬢᬶᬗ᭄ᬕᬮ᭄ᬦᬵᬕᬭ᭟ᬤᬤᬶᬢᬲᬶᬭᬦᬸᬗ᭄ᬕᬮ᭄ᬦᬸᬗ᭄ᬕᬮ᭄᭟ᬓᬯᬯᬭᬶᬕ᭄ᬭᬳᬦᬶᬓᬂᬲᬯᬭᬲᬶᬦᬶᬦᬾᬕᬗᬭᬦ᭄ᬬ᭟ᬓᬳᬥᬂᬬᬢᬦ᭄ᬳᬦᬾᬂᬕᬺᬳᬦ᭄ᬬ᭟ᬮᬸᬗ᭄ᬳᬩᬸᬦᬹᬩᬸᬭᬹ᭟ᬇᬓᬂᬅᬢᬢ᭄ᬚᬸᬕᬵᬓᬧᬗ᭄ᬕᬶᬄᬤᬾᬦᬶᬭ᭞
ᬓᬢᭀᬦ᭄ᬰ᭄ᬭᬶᬫᬳᬵᬭᬵᬚᬤᬾᬦ᭄ᬬ᭞ᬢᬸᬫᬸᬮᬶᬫᬦᬧᬵ᭞ᬮᬶᬂᬦ᭄ᬬ᭟ᬲ᭄ᬬᬧᬵᬇᬓᬸᬢ᭄ᬓᬵ᭞ᬲᬶᬓᭂᬧᭂᬦ᭄ᬧᬢ᭄ᬬᬦᬶ᭟ᬤᬸᬤᬸᬓ᭄ᬳᬢᬶᬦ᭄ᬬ᭟ᬤᬸᬤᬸᬓ᭄᭞ᬮᬗ᭄ᬕᬂᬭᬸᬥᬶᬭᬦ᭄ᬬ᭟ᬧᬕᬯᬾᬓ᭄ᬦᬳᭂᬫ᭄ᬩᬳᭂᬫ᭄ᬩᬵ᭞ᬭᬱᬭᬱ᭞ᬮᬸᬗ᭄ᬳᬵᬬᬫᬗ᭄ᬓᭀ᭟
[᭔᭑ 41A]
ᬗ᭄ᬓᬦᬰᬩ᭄ᬥᬓᬭᬸᬗ᭄ᬯᬤᬾᬲᬂᬦᬣᬵ᭟ᬯᬶᬦᬲ᭄ᬧᬤᬓᭂᬦᬶᬭᬵᬢᬂᬫᬰᬩ᭄ᬥ᭟ᬅᬢᬢ᭄ᬬᬓᬢᭀᬦ᭄ᬤᬾᬦᬶᬭᬵ᭟ᬮᬸᬗ᭄ᬳᬢᬲᬶᬭᬵ᭞ᬫᬤᭀᬄᬳᬸᬮᬶᬄᬦᬶᬭᬮᬸᬗ᭄ᬳᬵ᭟ᬫᬫᬗ᭄ᬕᬶᬄᬢᬲᬶᬭᬧᬢᬧᬦ᭄᭞ᬳᬲ᭄ᬧᬶᬢᬂᬧᬦ᭄ᬢᬶ᭟ᬢᬦ᭄ᬳᬦᬢᬧᬵᬢᬓᬧᬗ᭄ᬕᬶᬄ᭞
ᬲᬸᬫᬸᬬᬸᬕ᭄ᬲᬶᬭᬭᬶᬂᬧᬦ᭄ᬢᬶ᭟ᬯᬳᬸᬲᬶᬭᬵᬳ᭄ᬬᬸᬦᬵᬮᬶᬗ᭄ᬕᬶᬳᬵ᭞ᬢᬸᬫᬶᬗ᭄ᬳᬮ᭄ᬢᬲᬶᬭᬭᬶᬂᬳᬢᬢ᭄᭞ᬫᬸᬗ᭄ᬕ᭄ᬯᬶᬂᬢᬶᬗ᭄ᬕᬭᬦᬶᬂᬧᬥᬸᬦᬶᬂᬧᬦ᭄ᬢᬶ᭟ᬫᬗᬥᭂᬕ᭄ᬢᬰ᭄ᬭᬷᬳᬚᬶᬫᬤᬦ᭄ᬲᬶᬭᬫᬗ᭄ᬲᬸᬮᬵ᭟ᬓᬗᬶᬦ᭄ᬳᬸᬚᬭᬶᬂᬳᬢᬢ᭄ᬓᬢ᭄ᬫᬸᬧᬹᬃᬯ᭄ᬯᬓᬵ᭟ᬓᬢᭀᬦ᭄ᬧ᭄ᬯᬵ᭠
ᬤᬾᬦᬶᬂᬅᬢᬢ᭄᭞ᬫᭀᬚᬃᬇᬓᬂᬅᬢᬢ᭄᭟ᬮᬶᬂᬦ᭄ᬬ᭟ᬦ᭄ᬤᬳᬮᬶᬗ᭄ᬕᬶᬳᬵᬲᬂᬦᬵᬣ᭟ᬅᬬ᭄ᬯᬲᬗ᭄ᬰᬬᬵ᭟ᬓᬓᬶᬕᬸᬭᬹᬳ᭄ᬬᬂᬫᬶᬚᬶᬮᬲᬂᬦᬵᬣ᭞ᬳᬦᬲᬶᬭᬢᬧᬶᬥᬢᬂ᭞ᬧᬪᬹᬕᬦ᭄ᬬᬲᬶᬭ᭟ᬅᬫᬶᬚᬶᬮᬓ᭄ᬦᬵᬢᬓᬮᬰᬵ᭞ᬫ᭄ᬯᬂ
ᬧᬝᬭᬡ᭞ᬲᬳᬵᬯ᭄ᬯᬿᬬᬃᬖ᭄ᬬᬘᬫᬡ᭄ᬬᬧᬥ᭟ᬫ᭄ᬯᬂᬲᬃᬯ᭄ᬯᬨᬮ᭞ᬲᬳᬦᬳᬦᬶᬂᬳᬰ᭄ᬭᬫᬵ᭞ᬓᬢᬭᬾᬂᬧᬲᭂᬕᭂᬄᬳᬶᬂᬲᬶᬭ᭟ᬢᬦ᭄ᬤ᭄ᬯᬥᬢᬂᬢᬲᬂᬢᬧᬲ᭄ᬯᬶ᭞ᬫᬫᬯᬵᬓᬮᬰᬧᬝᬭᬡ᭞ᬲᬳᬵᬥᬭᬫ᭄ᬯᬂᬚᭃᬂ
Kaca:Bali-lontar-parwwa-tantri-kamandaka-250ppi.pdf/41
Kaca puniki sampun kauji-wacén
