[᭑᭓ 13B]
᭑᭓
ᬏᬢᬾᬦᬵᬯᬦᬯᬺᬓ᭄ᬱᬦ᭞ᬫᬸᬘᬶᬬᬢᬾᬦᬲᬸᬕᬡ᭄ᬥᬶᬦᬵ᭞ᬯᬘᬶᬢᬦ᭄ᬢᬤᬰᬧᬃᬯ᭄ᬯᬵ᭞ᬲᬸᬧᬸᬢ᭄ᬭᬦᬓᬸᬮᬰ᭄ᬯᬢᬄ᭟ᬳᬦᬳᬮᬲ᭄ᬕᭃᬂ᭞ᬓᬶᬦᬳᬦᬦᬶᬂᬓᬬᬸᬢᬸᬗ᭄ᬕᬮ᭄᭞ᬦ᭄ᬤᬦ᭄ᬲᬸᬕᬡ᭄ᬥᬢᬲ᭄ᬓᬃᬦ᭄ᬬᬵ᭞ᬳᬶᬦᬭᬦᬦᬶᬓᬂᬳᬮᬲ᭄ᬓᬶᬦᬳᬦᬦᬶᬂᬲ᭄ᬓᬃᬲᬸᬕ
ᬡ᭄ᬥ᭟ᬇᬯᬫᬗ᭄ᬓᬦᬢᬭᬶᬂᬓᬸᬮᬵ᭞ᬭᬶᬳᬦᬦᬶᬂᬲᬸᬧᬸᬢ᭄ᬭᬵ᭟᭚ᬉᬢᬾᬦᬲᬸᬓᬯᬺᬓ᭄ᬱᬾᬦ᭞ᬤᬾᬳ᭄ᬬᬫᬦᬾᬢᬄᬪᬶᬦ᭞ᬤᬬᬓᬾᬢᬤ᭄ᬯᬦᬲᬃᬯ᭄ᬯᬵ᭞ᬓᬸᬤᬸᬢ᭄ᬭᬾᬦᬓᬸᬮᬲ᭄ᬯᬢᬄ᭟ᬳᬮᬲᬵᬕᭃᬂᬓᬶᬦᬳᬦᬦᬶᬂᬓᬬ᭄ᬯᬓᬶᬂᬢᬸᬗ᭄ᬕᬮ᭄᭞ᬢᬶᬦᬸᬦ᭄ᬯᬦ᭄ᬢ
ᬬᬕ᭄ᬲᭂᬂᬬᬳᬶᬮᬂᬓᬂᬳᬮᬲ᭄ᬓᬩᬾᬄ᭟ᬳᬶᬯᬫᬗ᭄ᬓᬦᬢᬂᬧᬸᬢ᭄ᬭᬵᬲᬶᬦᬗ᭄ᬕᬄᬓᬸᬧᬸᬢ᭄ᬭᬵ᭞ᬭᬸᬲᬓᬶᬓᬂᬓᬸᬮᬤᬾᬦ᭄ᬬᬵ᭟ᬓᬶᬢᬧ᭄ᬯᬬᬳᬸᬫᬸᬮᬳᬓ᭄ᬦᬶᬓᬂᬓᬸᬲᬸᬧᬸᬢ᭄ᬭᬶᬓᬦ᭄᭞ᬢᬸᬮᬸᬲᬳᬫᬓᬯᬶᬢᬦ᭄᭟ᬳᬬᭀᬢᬢᬦ᭄ᬯ᭄ᬭᬸᬄᬫ
ᬗᬶᬭᬶᬂᬘᬾᬱ᭄ᬝᬓᬭᬲᬂᬧ᭄ᬭᬪᬹ᭞ᬤᬾᬦ᭄ᬳᬦᬧᬾᬡ᭄ᬥᬄᬢᬲᬓᬭᬶᬓᬂᬤ᭄ᬬᬄᬓᬭᬸᬳᬸᬦ᭄᭟ᬦ᭄ᬤ᭄ᬬᬢᬂᬳᬸᬮᬳᬵ᭟ᬦ᭄ᬬᬵᬧᬦ᭄ᬢᬳᬦ᭄ᬦ᭄ᬯᬵᬮᬶᬗ᭄ᬳᬦ᭄ᬢᬵ᭟ᬲᬓᬳ᭄ᬬᬸᬦᬦᬶᬭᬳᬬ᭄ᬯᬦᬮᬶᬦᬸᬧᬸᬢᬦ᭄᭟ᬅᬧᬦᬶᬓᬂᬲᬃᬯ᭄ᬯᬚᬕᬢ᭄ᬭᬓ᭄ᬯᬫᬢᬸ
[᭑᭔ 14A]
ᬗ᭄ᬕᬮᬦ᭄ᬧ᭄ᬭᬬᬵ᭟᭚ᬯᬦᬢᬺᬡᬫᬸᬤᬶᬣᬦᬂᬓᬲ᭄ᬘᬄᬭᬦᬢᬶᬫᬺᬕ᭄ᬖᬦ᭞ᬨᬮᬢᬭᬸᬫᬸᬤᬶᬢᬦᬭᬢ᭄ᬦᬵᬓᭀᬦᬶᬂᬓ᭠ᬫᬶᬥᬫ᭄᭞ᬅᬲᬸᬭᬪᬶᬫᬸᬤᬶᬢᬦᬗ᭄ᬓ᭄ᬬᬕᬡ᭄ᬥᬓᬾᬄᬓᬸᬓᬸᬭᬦ᭄᭞ᬅᬤᬶᬗᬦᬢᬶᬦᬭᬦᬬ᭄ᬬᬓ᭄ᬰ᭄ᬭᬶᬬᬦ᭄ᬢᬤ᭄ᬯᬶᬰᬾᬱᬦ᭄᭟ᬇ
ᬓᬂᬫᬺᬕ᭄ᬖᬫᬜ᭄ᬚᬗᬦ᭄᭞ᬓᬶᬥᬂ᭞ᬯᬾᬳᬦᬬᬫᬵᬲ᭄ᬫᬡᬶ᭞ᬢᬦ᭄ᬫᬓᬤᭀᬦ᭄ᬬ᭟ᬉᬯᬓᬓ᭄ᬦᬭᬶᬂᬳᬮᬲ᭄᭞ᬯᬾᬳᬦᬤᬸᬓᬸᬢ᭄᭞ᬅᬢ᭄ᬬᬦ᭄ᬢᬲᬸᬓᬦ᭄ᬬ᭟ᬫᬗ᭄ᬓᬦᬯᬦᬭᬵᬲᬸᬗᬦᬢᬬᬵᬭᬵᬢ᭄ᬦᬪᬹᬱᬡᬵ᭞ᬢᬦ᭄ᬲᬸᬓᬇᬓᬵ᭟ᬢ᭄ᬯᬶᬓᬳ᭄ᬬᬸᬦᬶᬓᬵ
ᬢᬸᬫᬶᬗ᭄ᬳᬮᬯ᭄ᬯᬄᬳᬦ᭄᭞ᬫ᭄ᬯᬂᬓᬬ᭄ᬯᬓᬬ᭄ᬯᬦ᭄᭞ᬢᬸᬱ᭄ᬝᬵᬫ᭄ᬩᭂᬓ᭄ᬦ᭄ᬬ᭟ᬫᬗ᭄ᬓᬦᬯᭂᬓ᭄᭞ᬯᬾᬳᬦᬢᬬᬲᬸᬕᬡ᭄ᬥᬵ᭞ᬍᬧᬦ᭞ᬢᬦ᭄ᬲᬸᬓᬇᬓᬵ᭟ᬓᬸᬦᬂᬍᬯᬶᬄᬲᬸᬓᬦ᭄ᬬᬬᬦ᭄ᬫᬸᬗ᭄ᬕ᭄ᬯᬶᬂᬧᬘᬃᬬ᭄ᬬᬦ᭄᭞ᬭᬶᬂᬗ᭄ᬓᬧᬸᬭᬶᬱᬵ᭞ᬓᬲ᭄ᬦᭂᬗᬶᬳᬢᬶᬦ᭄ᬬ᭟ᬬᬤ᭄ᬬᬧᬶ
ᬫᬵᬦᬹᬱᬢ᭄ᬯᬶ᭞ᬲᬓᬳᬋᬧ᭄ᬦ᭄ᬬᬚᬸᬕᬯᬶᬰᬾᬱ᭟ᬫᬗ᭄ᬓᬦᬵᬓᬸ᭞ᬢᬫᭀᬮᬳᬭᬶᬂᬚᬂᬲᬂᬦᬵᬣ᭞ᬲᬧ᭄ᬭᬬᬦᬶᬭᬚᬸᬕᬓᬾᬗᭂᬢᬓ᭄ᬦᬦ᭄ᬢᬵ᭟ᬨᬮᬦ᭄ᬢᬯ᭄ᬭᬸᬄᬭᬶᬂᬦᬶᬢ᭄ᬢᬶᬲᬭᬲᬦᬶᬂᬰᬲ᭄ᬢ᭄ᬭᬵ᭟ᬫᬢᬂᬦ᭄ᬬᬦ᭄ᬢᬦ᭄ᬢ᭄ᬭᬶᬧᬦᬗ᭄ᬕᬸᬄᬲᬂᬧᬡ᭄ᬥᬶᬢᬵᬭᬶᬓᬶᬢ
Kaca:Bali-lontar-parwwa-tantri-kamandaka-250ppi.pdf/14
Kaca puniki sampun kauji-wacén
