[᭑᭐᭕ 105B]
᭑᭐᭕
ᬳᬸᬚᬃᬦ᭄ᬬᬤᬾᬲᬂᬭᬢᬸᬳᬭᬶᬥᬃᬫ᭄ᬫᬵ᭟ᬫᬢᬗ᭄ᬳ᭄ᬬᬦ᭄ᬬᬸᬓ᭄ᬢᬶᬯᬸᬯᬸᬲᬶᬂᬗ᭄ᬳᬸᬮᬸᬦ᭄᭟ᬫᬗ᭄ᬓᬦᬮᬶᬂᬲᬂᬲᬫ᭄ᬪᬥᬵᬫ᭄ᬯᬄᬫᬰ᭄ᬮᭀᬓ᭟᭚ᬦᬦ᭄ᬮᬶᬂᬦᬜ᭄ᬘᬥᬂᬅᬲ᭄ᬥᬦᬫ᭄᭞ᬅᬬ᭄ᬯᬫᬗᬶᬦᬫᬯᬶᬲ᭄ᬬᬫ᭄᭞ᬬᬾᬦᬾᬯᬓᬃᬢ᭄ᬢᬵᬢᬸᬯ᭄ᬬᬫ᭄᭞ᬲ᭄ᬢ᭄ᬭᬶᬓᬸᬮᬚᬓᬸ
ᬮᬾᬲᬸᬢᬫ᭄᭟ᬅᬃᬣᬦ᭄ᬬ᭟ᬭᬓ᭄ᬯᬯᬭᬯᬭᬄᬲᬂᬧᬡ᭄ᬥᬶᬢ᭞ᬢᬦ᭄ᬲᬂᬲᬃᬕ᭄ᬖᬦ᭄᭞ᬇᬓᬂᬳᬮᬡ᭄ᬥᭂᬧ᭄᭞ᬢᬸᬢᬸᬓ᭄ᬦ᭄ᬬᬫ᭄ᬯᬂᬲ᭄ᬬᬸᬂᬦ᭄ᬬ᭟ᬫᬤᬯᬲᬸᬗ᭄ᬳᬸᬦ᭄ᬬ᭞ᬳᬦᬫ᭄ᬩᭂᬩᭂᬭᬬᬯᬓᬸᬦᬂ᭞ᬮᬯᬦᬶᬓᬸᬲᬂᬭᬢᬸᬢᬦ᭄ᬲᬂᬲᬃᬕ᭄ᬖᬄᬳᬢᬄ᭟ᬮᬶᬂᬲᬂᬧᬡ᭄ᬥᬶᬢ᭟ᬯᬶ
ᬰᬾᬱᬓᬶᬢᬭᬶᬍᬫ᭄ᬪᬸ᭞ᬲᬸᬗ᭄ᬳᬸᬦ᭄ᬬᬢᬫᬮᬸᬗ᭄ᬳᬶᬤ᭄᭞ᬮᬗ᭄ᬕᭂᬂᬮᬸᬳ᭄ᬬᬵ᭟ᬲᬓ᭄ᬱᬢ᭄ᬯᬃᬢ᭄ᬣᬵᬫᬦᬧᬗᬧ᭄ᬳᬸᬭᬶᬧ᭄᭞ᬦᬳᬦ᭄ᬮᬶᬂᬲᬫ᭄ᬪᬥᬫᬗᬥᬸᬳᬥᬸ᭟ᬫᬫᬶᬦ᭄ᬢᬸᬳᬸᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬭᬶᬯ᭄ᬓᬲᬦ᭄ᬮᬸᬫᬓᬸᬫᬭᬾᬂᬲᬂᬦᬡ᭄ᬥᬓᬵ᭞ᬤᬶᬦᬸᬮᬸᬃ
ᬤᬾᬦᬶᬂᬳᬲᬸᬓᬩᬾᬄ᭞ᬫᬱ᭄ᬝᬬᬫᬄᬪᬭᬯᬰᬩ᭄ᬥ᭞ᬫᬲᬶᬗ᭄ᬳᬦᬥ᭞ᬫᬗᬓᬃᬢᬢ᭄ᬳᬢᬓᬸᬢ᭄ᬳᬸᬮᬄᬦ᭄ᬬ᭟ᬦ᭄ᬤᬄᬇᬓᬂᬍᬫ᭄ᬩᬸᬢᬢᬦᬢᬓᬸᬢ᭄᭞ᬤᬾᬦᬶᬂᬯᬸᬯᬸᬲ᭄ᬦᬶᬂᬲᬫ᭄ᬪᬥ᭟ᬯᬶᬚᬄᬯᬶᬚᬄᬢᬬᬵ᭞ᬫᬗᭂᬫ᭄ᬩᬸᬲᬶᬓᬂᬦᬡ᭄ᬥᬓᬵ᭞
[᭑᭐᭖ 106A]
ᬫᬦᬶᬗ᭄ᬳᬮ᭄ᬍᬫᬄ᭟ᬅᬭᬄᬢᬸᬱ᭄ᬝᬵᬫ᭄ᬩᭂᬓ᭄ᬦ᭄ᬬᬵ᭞ᬢᬸᬳ᭄ᬯᬦ᭄ᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬫᬸᬮᬢ᭄ᬢᬲᬂᬲᬶᬗ᭄ᬳᬵ᭞ᬮᬶᬂᬦ᭄ᬬᬵ᭟ᬳ᭄ᬬᬗᬦ᭄ᬬᬓᬶᬭᬓᬶᬭᬵᬉᬭᬶᬧ᭄ᬦ᭄ᬬᬸ᭟ᬢᬸᬫᬡ᭄ᬥᬂᬢᬬᬵᬤ᭄ᬫᬓ᭄ᬳᬶᬭᬶᬓᬂᬦᬡ᭄ᬥᬓᬵᬲ᭟ᬢᬦ᭄ᬲᬮᬄᬧᬸᬡ᭄ᬥᬓᬶᬓᬂᬦᬡ᭄ᬥᬓᬵᬤᬶᬦ᭄ᬫᬓ᭄ᬦ᭄ᬬᬵ᭟ᬓᬕ᭄ᬬ
ᬢᬶᬓᬲᬂᬦᬡ᭄ᬥᬓᬵ᭟ᬲᬶᬦᬶᬗ᭄ᬳᬢᬓ᭄ᬦ᭄ᬬᬲᬸᬗ᭄ᬳᬸᬦ᭄ᬬ᭞ᬭᬦ᭄ᬢᬲ᭄ᬳᬸᬲᬸᬲ᭄ᬦ᭄ᬬᬫᬓᬸᬮᬯᬶᬭᬦ᭄᭞ᬲᬂᬘᬡ᭄ᬥᬧᬶᬗ᭄ᬕᬮᬵ᭟ᬧᬶᬦᬓᬵᬲᬯᬶᬢ᭄ᬦᬶᬓᬂᬍᬫ᭄ᬪᬸ᭞ᬳᬦ᭄ᬢ᭄ᬭᬲᬂᬘᬡ᭄ᬥᬧᬶᬗ᭄ᬕᬮᬵ᭞ᬧ᭄ᬚᬄᬢᬬᬲᬂᬲᬶᬗ᭄ᬳᬵ᭟ᬫᬧᬸᬮᬂᬮᬯᬦᬶᬓᬂᬍᬫ᭄ᬪᬸ᭟ᬇᬓᬂᬲᬶᬗ᭄ᬳᬵᬫᬸᬮᬶᬄ
ᬫᬭᬾᬂᬯᬶᬱ᭄ᬡᬸᬧᬥ᭟ᬇᬓᬂᬦᬡ᭄ᬥᬓᬵᬫᬸᬮᬶᬄᬫᬭᬾᬂᬰᬶᬯᬵᬧᬥ᭟ᬦᬳᬦ᭄ᬢᬶᬦᭀᬦ᭄ᬤᬾᬪᬕᬯᬦ᭄ᬪᬲᬸᬩᬕᬳᬦ᭄ᬫᬕᬯᬾᬰ᭄ᬮᭀᬓᬵ᭟᭚ᬦᬶᬘ᭄ᬘᬢᬓᬸᬢ᭄ᬧᬢᬶᬤᬸᬄᬓ᭞ᬦᬶᬘ᭄ᬘᬫᬓ᭄ᬉᬢ᭄ᬧᬢᬾᬫᬺᬢ᭄ᬬ᭞ᬧᬭᬶᬢᬢᬯᬶᬦᬲ᭄ᬬᬢᬶ᭞ᬢᬰ᭄ᬫᬢ᭄ᬦᬶᬘ᭄ᬘᬯᬶᬲᬃ
ᬚ᭄ᬚᬬᬾᬢ᭄᭟ᬅᬃᬣᬦ᭄ᬬ᭟ᬦᬶᬘ᭄ᬘᬲᬗ᭄ᬓᬦᬶᬂᬤᬸᬄᬓ᭞ᬦᬶᬘ᭄ᬘᬲᬗ᭄ᬓᬦᬶᬂᬪᬵᬬ᭞ᬦᬶᬘ᭄ᬘᬲᬗ᭄ᬓᬦᬶᬂᬧᬢᬶ᭟ᬫᬢᬗ᭄ᬬᬦ᭄ᬤᬾᬬᬲᬂᬲᬥᬸ᭞ᬚᬦᬓᬩᬾᬄᬳᬬ᭄ᬯᬲᬂᬲᬃᬕ᭄ᬕᬮᬯᬦᬶᬘ᭄ᬘ᭟ᬳᬬ᭄ᬯᬧᬶᬦᬓᬫᬶᬢ᭄ᬭᬵ᭟ᬳᬬ᭄ᬯᬧᬶᬦᬓᬫᬸᬲᬸᬄ᭟ᬅᬧᬦ᭄᭠
Kaca:Bali-lontar-parwwa-tantri-kamandaka-250ppi.pdf/106
Kaca puniki sampun kauji-wacén
