[᭒᭗ 27B]
᭒᭗
ᬗ᭄ᬰᬬ᭞ᬓᬤᬶᬩᬶᬗᬸᬂᬭᬶᬂᬯᬶᬰᬾᬱ᭟ᬮᬓ᭄ᬱᬡᬦᬾᬫᬗᬃᬤ᭄ᬥᬶᬦᬶᬦ᭄ᬧᬵᬢᬸᬢ᭄᭞ᬲᬶᬦᬄᬲᬳᬶᬯᬗᬾ᭞ᬲᬦᬾᬧᬘᬂᬧᬓᬃᬤ᭄ᬥᬶᬦᬶᬦ᭄᭞ᬫᬯᬶᬦᬦ᭄ᬓᬓᬮᬶᬄᬧᬵᬢᬸᬢ᭄᭞ᬲᬦᬾᬜᬡ᭄ᬥᬂ
ᬓᬶᬦᬯ᭄ᬭᬸᬄ᭞ᬮᬾᬥᬗᬂᬳᬸᬕᬶᬫᭂᬕᬢᬂ᭞ᬲᬗ᭄ᬰᬬᬦ᭄ᬫᬦᬳᬾᬮᬗ᭄ᬓᬸᬂ᭞ᬪᬝᬵᬭᬭᬭᬶᬲ᭄ᬗᬡ᭄ᬥᬶᬓ᭞ᬫᬦᬳᬾᬢ᭄ᬯᬄᬗᬡ᭄ᬥᬂᬥᬂᬥᬂ᭟᭜᭟ᬧᬸᬧᬸᬄᬥᬂᬥᬂ᭟ᬲᬂᬘᬾᬝᬵᬦᬫᬸᬮᬧᬕᭂᬄ
ᬫᬮᬶᬗ᭄ᬕᬶᬄ᭞ᬢ᭄ᬯᬭᬳᭀᬩᬄ᭞ᬢᬢᬶᬕᬳᬶᬦᬸᬘᬧ᭄᭞ᬪᬾᬥᬪᬾᬥᬘᬾᬣ᭠ᬦᬦᬾ᭞ᬭᬶᬂᬳᬋᬧ᭄ᬲᬸᬩᬓᬯᬸᬯᬸᬲ᭄᭞ᬚᬢᬶᬧᬗᬸᬘᬧᬾᬗᬸᬦᬶ᭞ᬲᬦᬾᬗᬯᬶᬚᬶᬮᬂᬢ᭠
ᬢ᭄ᬯ᭞ᬧ᭄ᬭᬫᬰᬶᬯᬵᬢᬢ᭄ᬯᬧᬸᬢᬸᬲ᭄᭞ᬫᬓᬫᬶᬯᬄ᭞ᬰᬶᬯᬵᬢ᭄ᬫᬦᬾᬫᬮᬶᬄ᭞ᬘᬸᬓᬸᬧ᭄ᬢᬢᬶᬕᬳᬶᬦᬸᬘᬧ᭄᭟ᬰᬶᬯᬵᬢᬢ᭄ᬯᬲᬸᬓᬢᬦ᭄ᬧᬩᬮᬶᬓ᭄ᬫᬮᬶᬄ᭞ᬢᬦ᭄ᬧᬓ᭄ᬭᬡ᭄ᬦ᭞ᬲᬤ᭄ᬥᬰᬶ
[᭒᭘ 28A]
᭒᭘
ᬯᬵᬢᬢ᭄ᬯ᭞ᬭᬶᬂᬦᬶᬲ᭄ᬓᬵᬮᬓᬲᬸᬓᬦᬾ᭞ᬫᬲᬶᬄᬢ᭄ᬯᬭᬓ᭄ᬦᬾᬂᬢᬸᬤᬸᬄ᭞ᬧ᭄ᬭᬫᬰᬶᬯᬵᬢᬢ᭄ᬯᬫᬮᬶᬄ᭞ᬍᬯᬶᬄᬳᬸᬢ᭄ᬢᬫᬳᬶᬦᬸᬘᬧ᭄᭞ᬳᬶᬤᬢ᭄ᬯᬭᬤᬤᬶᬢᬸᬤᬸᬄ᭞ᬳᬾᬭᬂᬤᬶᬦᬶᬬᬦ᭄ᬢᬸᬢᬸᬭᬂ᭞
ᬢ᭄ᬯᬭᬜᬡ᭄ᬥᬂ᭞ᬓᭀᬚᬭᬂᬤᬶᬫᬃᬕ᭄ᬕᬶᬫᬃᬕ᭄ᬕᬶ᭞ᬤᬾᬦᬶᬂᬤᬳᬢ᭄ᬫᬳᬸᬢ᭄ᬢᬫ᭟ᬤᬾᬦᬶᬂᬓᬶᬤᬶᬓ᭄ᬪᬶᬱᬳᬶᬫᬵᬦᬸᬱᬤᬶᬦᬶ᭞ᬯᬶᬭᬾᬄᬢᬸᬦᬵ᭞ᬲᬂᬚ᭄ᬜᬡᬲ᭄ᬯᬪᬯ᭞ᬓᬸᬭᬂᬳᬶᬥᬧ᭄ᬓᬩᬶᬱᬦᬾ
᭞ᬮᬮ᭄ᬬᬢᬾᬓᬸᬭᬂᬫᬸᬧᬸᬢ᭄᭞ᬳᬯ᭄ᬨᬬᬸᬰᬢᬸᬦᬵᬳᬸᬭᬶᬧ᭄᭞ᬯᬶᬭᬾᬄᬓᬕᬸᬗᬦ᭄ᬳᬗ᭄ᬓᬭᬵ᭞ᬢᬦ᭄ᬯᬶᬦᬶᬮᬂᬲᬃᬯ᭄ᬯᬍᬢᬸᬄ᭞ᬢᬦ᭄ᬲᬄᬫᭀᬓᬓ᭄ᬗᬓᬸᬪᬶᬱ᭞ᬲᬶᬕᬸᬕ᭄ᬗᬡ᭄ᬥᬂ᭞ᬲᬃᬯ᭄ᬯᬢ
ᬢ᭄ᬯᬓᬘᬘᬤᬶᬦ᭄᭞ᬳᬶᬗᬦ᭄ᬳᬶᬥᬧᬾᬢᬸᬳᬸᬢᬂ᭟ᬓᬪᬶᬱᬦᬾᬳᭂᬦ᭄ᬢᭀᬲᬳᬶᬓᬕᬸᬕ᭄ᬯᬦᬶᬦ᭄᭞ᬫᬗ᭄ᬕᭀᬦ᭄ᬕᬥ᭞ᬳᬶᬢᬢ᭄ᬯᬳᬚ᭄ᬜᬡ᭞ᬢᬦ᭄ᬲᬄᬫᬗ᭄ᬕᭀᬦ᭄ᬳᬶᬓᬸᬳᬾ᭞ᬳᬶᬥ
