[᭒᭑ 21B]
᭒᭑
ᬬᬓᭀᬘᬧ᭄᭟ᬬᬦ᭄ᬫᬢᬶᬢᬶᬗ᭄ᬕᬮ᭄ᬲᬓᬜ᭄ᬘᬦ᭄ᬪᬬᬸ᭞ᬓᬓᬸᬢᬂᬩᬗ᭄ᬓᬾᬦᬾ᭞ᬳᬢ᭄ᬫᬦᬾᬫᬲᬶᬄᬫᬕᭂᬥᬶ᭞ᬬᬦᬶᬂᬳᬶᬤᬸᬧ᭄ᬮᬸᬦᬲ᭄ᬮᬦᬸᬲ᭄᭞ᬪᬬᬸᬦᬾᬳᭂᬦᬸᬫᬓᬸᬫ᭄ᬧᬸᬮ᭄᭞ᬗᭂᬫᬶᬢ᭄ᬳᬶ
ᬤᬲᬗ᭄ᬳ᭄ᬬᬂᬳᬢ᭄ᬫ᭞ᬧᬥᬫᬗᬾᬮᬶᬗᬶᬦ᭄ᬮᬸᬗ᭄ᬕᬸᬄ᭞ᬕᬯᬾᬩᬾᬥᬵᬲᭀᬯᬂᬲᭀᬯᬂ᭞ᬧᬥᬳᬶᬗᭂᬢ᭄ᬢᭂᬓᬾᬦ᭄ᬕᬸᬡᬵ᭟ᬪᬬᬸᬦᬾᬧᬕᭂᬄᬫᬗᭂᬫᬶᬢ᭄ᬤᬶᬢᬸ᭞ᬮᬶᬯᬢ᭄ᬧᬶᬢᬺᬱ᭄ᬡᬦᬾ᭞ᬫᬗᭂᬜ᭄ᬘ
ᬦᬶᬦ᭄ᬲᬳᬶᬲᬳᬶ᭞ᬲᬗ᭄ᬳ᭄ᬬᬂᬲᬸᬓᬵᬤᬶᬢᬸ᭞ᬳᬶᬰᬭᬶᬭᬵᬫᬲᬶᬄᬳᬬᬸ᭞ᬳᬢ᭄ᬫᬦᬾᬮᬾᬥᬂᬫᬮᬸᬗ᭄ᬳᬦ᭄᭞ᬫᬗᬸᬜᬓᬚᬕᬢ᭄ᬳᬕᬸᬂ᭞ᬚᬕᬢ᭄ᬮᬶᬫᬓᬮᬶᬜ᭄ᬘᬓᬦ᭄᭞ᬲᬶᬮᬃᬲᬶᬮᬸᬃᬫ
ᬳᬶᬍᬳᬦ᭄᭟ᬕᬸᬫᬶᬮᬶᬫᬦᬾᬚᬦᬶᬳᬶᬢᬸᬂ᭞ᬧᬗ᭄ᬮᬶᬜ᭄ᬘᬓ᭄ᬳᬢ᭄ᬫᬦᬾ᭞ᬮᬶᬗ᭄ᬕᬶᬄᬳᬶᬤᬫᬮᬕᭂᬦ᭄ᬢᬶ᭞ᬭᬶᬂᬢ᭄ᬗᬄᬰᬭᬶᬭᬵᬫᬸᬗ᭄ᬕᬸᬄ᭞ᬫᬓᬮᬶᬫᬳᬬᬸᬳᬬᬸ᭞ᬕᬸᬫᬶᬲᬸᬧ᭄ᬣᬵᬫᬶᬯᬄᬚ
[᭒᭒ 22A]
᭒᭒
ᬖ᭄ᬭ᭞ᬲ᭄ᬯᬧ᭄ᬦᬤᬶᬢ᭄ᬗᬄᬫᬸᬗ᭄ᬕᬸᬄ᭞ᬕᬸᬫᬶᬢᬹᬭ᭄ᬬᬫ᭄ᬯᬄᬢᬹᬭ᭄ᬬᬦ᭄ᬢ᭞ᬧᬜ᭄ᬘᬯᬥᬓᬳᬸᬘᬧ᭄᭟ᬬᬦ᭄ᬭᬶᬂᬚᬖ᭄ᬭᬲᬂᬗ᭄ᬳ᭄ᬬᬂᬳᬢ᭄ᬫᬫᬸᬗ᭄ᬕᬸᬄ᭞ᬢᬢᬲ᭄ᬧᬢᬗᬶᬦᬾ᭞ᬲᬗ᭄ᬳ᭄ᬬᬂᬳᬢ᭄ᬫᬳᬸᬦᬶᬂᬚᬢᬶ᭞ᬗᬫᭂᬮ᭄ᬜᬶᬗ
ᬓ᭄ᬳᬲᬶᬂᬮᬓᬸ᭞ᬪᬶᬱᬵᬗ᭄ᬭᬱᬳᬮᬳᬬᬸ᭞ᬧᬦᬲ᭄ᬳᭂᬢᬶᬲ᭄ᬓᬢᬳᭂᬦᬂ᭞ᬳᬲᬶᬂᬕᬯᬾᬲᬶᬦᬄᬢᬳᬸ᭞ᬲᬸᬓᬵᬤᬸᬓᬦᬾᬫᬚᬮᬦ᭄᭞ᬲᬂᬯᬶᬰ᭄ᬯᬳᬤᬦ᭄ᬲᬂᬳᬢ᭄ᬫᬵ᭟ᬭᬶᬂᬕᬸᬫᬶᬲ᭄ᬯᬧ᭄ᬡᬫᬮᬸᬗ᭄ᬕᬸᬄ
᭞ᬳᬶᬤᬲᬗ᭄ᬳ᭄ᬬᬂᬳᬢ᭄ᬫᬦᬾ᭞ᬬᭀᬕᬂᬳᬶᬤᬩᬸᬮᬓ᭄ᬩᬮᬶᬓ᭄᭞ᬢ᭄ᬯᬭᬲ᭄ᬓᭂᬦ᭄ᬩᭂᬗᭀᬂᬗᬸᬦ᭄ᬗᬸᬦ᭄᭞ᬓᬤᬶᬮᬯᬢ᭄ᬚ᭄ᬭᭀᬦᬶᬂᬩᬜᬸ᭞ᬢᭀᬬᬕᭀᬬᬂᬮᬯᬢ᭄ᬕᭀᬬᬂ᭞ᬤᭂᬕ᭄ᬤᭂᬕ᭄ᬢᭀᬬ᭠
ᬮᬯᬢ᭄ᬳ᭄ᬦᬸ᭞ᬧᭂᬲᬾᬗᬦ᭄ᬤᬶᬢᬸᬲᬂᬳᬢ᭄ᬫ᭞ᬲᬂᬢᬾᬚᬰᬓᬳᬸᬘᬧᬂ᭟ᬬᬦ᭄ᬭᬶᬂᬲᬧ᭄ᬝᬧᬵᬤᬫᬮᬸᬗ᭄ᬕᬸᬄ᭞ᬳᬶᬤᬳ᭄ᬬᬂᬳᬢ᭄ᬫᬦᬾ᭞ᬭᬶᬓᬵᬮᬦᬶᬂᬧᬸᬍᬲ᭄ᬚᬢᬶ᭞ᬲᬓ᭄ᬱᬢ᭄ᬲᬸᬯᬸᬗᬾ
