[᭗ 7B]
᭗
ᬳᬸᬧᬓᬭᬦᬾᬲᬫᬶ᭞ᬩᭂᬮᬶᬤᬶᬢᬸ᭞ᬫᬦᬩ᭄ᬥᬩᬂᬧᬢᬸᬭ᭄ᬯᬦ᭄᭟ᬢᬶᬢ᭄ᬬᬂᬓᬮᬶᬦ᭄ᬢᬂᬲᬗ᭄ᬲᬬ᭞ᬗᬢᭀᬦᬂᬭᬸᬧᬦ᭄ᬲᬶᬮᬦ᭄ᬤ᭄ᬭᬶ᭞ᬲᬸᬚᬢᬶᬳᬶᬤᬲᬂᬦᬵᬣᬵ᭞ᬩᬸᬤᬸᬄᬧᬮᬶᬂᬭᬶᬂᬲᬸᬮᬦ᭄ᬤ᭄ᬭᬶ᭞ᬚᬦᬶᬳ
ᬤᬓᬳ᭄ᬬᬸᬦ᭄ᬩᭂᬮᬶ᭞ᬳᬧᬂᬲᬶᬤ᭄ᬥᬬᬫᬢᭂᬫᬸ᭞ᬫᬦᬶᬲᭂᬫᭂᬂᬢᬶᬢ᭄ᬬᬂᬗᭀᬦ᭄ᬓᭀᬦ᭄᭞ᬳᬧᬂᬓᭂᬫᬵᬓᬸᬫᬄᬩᭂᬮᬶ᭞ᬩᭂᬮᬶᬤᬶᬢᬸ᭞ᬤᬚᬗ᭄ᬓᬬᬦ᭄ᬫᬫᬺᬓᭀᬱᬵ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬲᬂᬲᬸᬥᬾᬱ᭄ᬡᬵ
ᬭᬚᬧᬸᬢ᭄ᬭᬶ᭞ᬍᬯᬶᬄᬳᬾᬕᬃᬲᬂᬘᬘᬓᬵ᭞ᬫᬗᬲᭀᬃᬭᬭᬶᬲ᭄ᬫᬧᬫᬶᬢ᭄᭞ᬕᬢᬶᬧᬚᬮᬦᬾᬫᬸᬮᬶᬄ᭞ᬲᬹᬃᬬ᭄ᬬᬦᬾᬲᬫ᭄ᬧᬸᬦ᭄ᬲᬸᬫᬸᬭᬸᬧ᭄᭞ᬲᬢᭂᬓᬦᬾᬫᬭᬶᬂᬉᬫᬄ᭞ᬲᬂᬘᬘᬓᬳᬸᬬᬂᬧᬮᬶᬂ᭞ᬓᭂᬦᭂᬄᬳᬶᬩᬸ
ᬓ᭄᭞ᬢᬦ᭄ᬫᬭᬶᬳᬗᬚᬧᬼᬫᬄ᭟ᬢᬦ᭄ᬳᬸᬘᬧᬂᬮᬢ᭄ᬭᬶᬓᬵᬮ᭞ᬲᬫ᭄ᬧᬸᬦ᭄ᬢᬢᬲᬼᬫᬄᬫᬗ᭄ᬓᬶᬦ᭄᭞ᬳᬾᬮᬶᬂᬳᬶᬤᬵᬲᬂᬲᬸᬥᬾᬱ᭄ᬡᬵ᭞ᬧᬸᬧᬸᬢ᭄ᬳᬸᬩᬬᬦᬾᬭᬶᬳᬶᬦ᭄᭞ᬗᬡ᭄ᬥᬶᬓᬵᬳᬶᬤᬳᬭᬶᬲ᭄᭞ᬫᬦᬶ
[᭘ 8A]
ᬲ᭄ᬜᭂᬜᭂᬃᬓᬤᬶᬫᬥᬸ᭞ᬦᬾᬜᬳᬶᬲᬂᬲᬸᬮᬦ᭄ᬢ᭄ᬭ᭄ᬬ᭞ᬳᭂᬫ᭄ᬩᭀᬓ᭄ᬦᬸᬦ᭄ᬤᬾᬦ᭄ᬜᬳᬶᬚᬦᬶ᭞ᬳᭂᬥᬢᬓᬸᬢ᭄᭞ᬓᬳᬸᬫᬄᬫᬦ᭄ᬢ᭄ᬭᬶᬘᬘᬓᬵ᭟ᬕᬳᬾᬦᬾᬗᬸᬮᬶᬄᬮᬩᬳᬦ᭄᭞ᬓᭂᬫᬜᬳᬶᬕᬢᬶᬕᬢᬶ᭞
ᬲᬸᬮᬦ᭄ᬤ᭄ᬭᬶᬚᭂᬚᭂᬄᬫᬗᭂᬢᭀᬃ᭞ᬦᬸᬮᬶᬤᬦᬾᬫᬢᬸᬃᬳᬭᬶᬲ᭄᭞ᬇᬗ᭄ᬕᬶᬄᬲᬂᬭᬵᬚᬧᬸᬢ᭄ᬭᬶ᭞ᬩᭀᬬᬲᬓᬶᬂᬢᬶᬢ᭄ᬬᬂᬧᬸᬭᬸᬦ᭄᭞ᬫᬦᬸᬮᬓ᭄ᬘᭀᬓᭀᬃᬳᬶᬤᬾᬯ᭞ᬫᬲᬢᬦ᭄ᬳᬶᬭᬢᬸᬳᬸᬦᬶᬂ᭞ᬲᭀᬮᬄᬳᬶᬧᬸ
ᬦ᭄᭞ᬮᬓ᭄ᬱᬡᬦᬾᬭᬶᬂᬢᬶᬢ᭄ᬬᬂ᭟ᬬᬦ᭄ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬳᬶᬤᬾᬯᬵ᭞ᬮ᭄ᬬᬦᬦ᭄ᬓᬸᬫᬄᬳᬶᬫᬦ᭄ᬢ᭄ᬭᬶ᭞ᬧᬢᬸᬢ᭄ᬫᬃᬕ᭄ᬕᬶᬦ᭄ᬢᬶᬢ᭄ᬬᬂᬫᬗ᭄ᬓᭀ᭞ᬲᬸᬥᬾᬱ᭄ᬡᬵᬩᬗ᭄ᬕ᭄ᬭᬲ᭄ᬳᬗ᭄ᬮᬶᬂ᭞ᬘᭂᬤᬾᬲ᭄ᬜᬳᬶᬲᬸᬮᬦ᭄ᬤ᭄ᬭᬶ᭞ᬳᭂᬥᬜᬳᬶᬮᬶᬦ᭄ᬢᬂᬢ
ᬓᬸᬢ᭄᭞ᬓᬳᬸᬫᬄᬳᬶᬘᬘᬓ᭞ᬲᬸᬮᬦ᭄ᬤ᭄ᬭᬶᬫᬫᬃᬕ᭄ᬕᬶᬳᬭᬶᬲ᭄᭞ᬫᬦᬄᬳᬶᬩᬸᬓ᭄᭞ᬢᬶᬗ᭄ᬓᬳᬾ᭞ᬩ᭄ᬯᬢ᭄ᬲᬗᬸᬧᬬ᭟ᬲᬢᭂᬓᬦᬾᬫᬭᬶᬂᬚᬮᬦ᭄᭞ᬫᬦᬗᬶᬲ᭄ᬳᬗᬰᬶᬳᬰᬶᬄ᭞ᬢᬦ᭄ᬫᬭᬶᬗᬱ᭄ᬝᬯᬤᬾᬯ᭞
Kaca:Bali-lontar-paparikan-wiratha-parwa-300ppi.pdf/8
Kaca puniki sampun kauji-wacén
