[᭖᭗ 67B]
᭖᭗
᭞ᬫᬫᬸᬜᬶᬩᬸᬮᬓ᭄ᬩᬮᬶᬓ᭄᭞ᬳᬗ᭄ᬕᭀᬦ᭄ᬩᬸᬲᬦ᭄ᬩᬸᬲᬦ᭄᭞ᬫᬸᬜᬶᬦ᭄ᬰᬵᬲ᭄ᬢ᭄ᬭᬦᬾᬕᬫ᭄ᬧ᭞ᬦᬗ᭄ᬳᬶᬂᬫᬺᬢᬦ᭄ᬜᬦᬾᬘᭂᬮᬶᬄ᭞ᬧᭂᬥᬲ᭄ᬫᬗᬯᬕ᭄᭞ᬓᬾᬯᬮᬵᬗᬤᬸᬫᬸᬜᬶ᭟ᬓᬮᬶᬰᬵᬲ᭄ᬢ᭄ᬭᬳᬤᬸᬫᬸᬓ
ᬦᬾᬧᬸᬦᬶᬓ᭞ᬯᬶᬡ᭄ᬥᬸᬤᬶᬢᭂᬗᬄᬚᬢᬶ᭞ᬫᬳᬶᬲᬶᬅᬓᬭ᭞ᬓᬾᬦ᭄ᬓᬾᬦ᭄ᬯᬗ᭄ᬲᬶᬢ᭄ᬧᬸᬦᬶᬓ᭞ᬢᬸᬯᬶᬢᭀᬢᬸᬮᬤ᭄ᬩᬦ᭄ᬫᬗ᭄ᬲᬶ᭞ᬬᬤᬶᬦ᭄ᬧᬗ᭄ᬭᬸᬧᬓ᭄᭞ᬓᬾᬯᬮᬩᬶᬱᬵᬦᬸᬮᬶᬲ᭄᭟ᬬᬦ᭄ᬤᬶᬳᬯᬵ
ᬓ᭄ᬩᬸᬓᬵᬳᭂᬦ᭄ᬢᭀᬓᬾᬓᭂᬦᭂᬳᬂ᭞ᬅᬁᬅᬄᬩᬸᬯᬶᬦ᭄ᬓᬓᬮᬶᬄ᭞ᬬᬦᬶᬂᬓᭂᬘᬧ᭄ᬰᬵᬲ᭄ᬢ᭄ᬭ᭞ᬢᭂᬓᬦᬶᬂᬧ᭄ᬭᬡᬦ᭄ᬢᬶᬓᬵ᭞ᬫᬲᬶᬮᬸᬃᬳᬸᬗ᭄ᬕ᭄ᬯᬦ᭄ᬬᬚᬢᬶ᭞ᬳᭂᬜᬾᬦ᭄ᬗᬶᬲᬶᬤᬂ᭞ᬳᬯᬓᬾᬢᬸᬗ᭄ᬓᬸᬮ᭄ᬲᬓᬶᬢ᭄᭟ᬦᬄᬢᭀ
ᬓᭀᬘᬧ᭄ᬳᬶᬫᬥᬸᬧᬮᬶᬂᬉᬢ᭄ᬢᬫᬵ᭞ᬧᬯᬓᬦ᭄ᬍᬂᬳ᭄ᬦᬶᬂ᭞ᬳ᭄ᬦᭂᬂᬓᬢᬢ᭄ᬯᬜ᭞ᬧ᭄ᬭᬡᬯᬵᬯᬓᬶᬂᬳᬢ᭄ᬫ᭞ᬤᬶᬰᬹᬦ᭄ᬬᬦᬾᬗ᭄ᬭᬜ᭄ᬚᬶᬂ᭞ᬓᬾᬦ᭄ᬫᬤᬦ᭄ᬰᬹᬦ᭄ᬬ᭞ᬳᬫ᭄ᬧᭂᬢ᭄ᬓᭂᬦᭂᬳᬾᬚᬢᬶ᭟ᬳᬧᬦ᭄ᬭᬱᬵᬢᭀᬋᬓᭀᬫ
[᭖᭘ 68A]
ᬯᬓ᭄ᬪᬝᬵᬭ᭞ᬓᬾᬦ᭄ᬓᬾᬦ᭄ᬩᬳᬦ᭄ᬗ᭄ᬮᬶᬬᬢᬶᬦ᭄᭞ᬯᬶᬭᬾᬄᬢ᭄ᬯᬭᬗᭂᬦᬄ᭞ᬫᬭᬕᬵᬳᬦᬦᭀᬭ᭞ᬲᬕᬾᬢ᭄ᬕᬦᬮ᭄ᬲᬕᬾᬢ᭄ᬳᬮᬶᬢ᭄᭞ᬧᬥᬵᬢᭀᬂᬗᭂᬦᬄ᭞ᬳᬶᬤᬦᭀᬢ᭄ᬲᬳᬶᬲᬳᬶ᭟
ᬳᬸᬮᬢ᭄ᬥᬗᬦ᭄ᬰᬵᬲ᭄ᬢ᭄ᬭᬦᬾᬬᬦ᭄ᬫᬸᬜᬶᬬᬂ᭞ᬳᬾᬯᭂᬄᬧᬶᬲᬦ᭄ᬮᬫ᭄ᬧᬳᬶᬦ᭄᭞ᬳᬕᬫ᭄ᬧᬂᬳᬶᬦᬸᬘᬧ᭄᭞ᬲᭂᬲᭂᬤ᭄ᬳᬸᬕᬶᬢᬸᬦᬲᬂ᭞ᬳᬧᬂᬤᬵᬗᬺᬕᭂᬧᬂᬫᬸᬜᬶ᭞ᬫᬩᬸᬢᬾᬦ᭄ᬳᬯᬓ᭄᭞ᬳᬯᬓ᭄ᬫᬩᭂᬓᭂ
ᬮ᭄ᬧᬶᬧᬶᬮ᭄᭟ᬳᬬ᭄ᬯᬵᬳᬫ᭄ᬧᬄᬩᬸᬓᬵᬚᬦᬶᬗᬩᬳᬯᬓ᭄᭞ᬚᬮᬦᬾᬓᬢᬶᬩᬾᬦ᭄ᬲᬓᬶᬢ᭄᭞ᬳᬸᬬᬂᬫᬫᬸᬮᬶᬲᬄ᭞ᬓᭂᬩᬸᬲᬾᬳᬮᬄᬧᬗ᭄ᬕᬂ᭞ᬜᬧ᭄ᬜᬧ᭄ᬓᭂᬦᭂᬳᬾᬤᬤᬶᬧᬮᬶᬂ᭞ᬳᭂᬮᬸᬤᬶᬦ᭄ᬢᬶᬯᬂ
ᬤᬤᬓᬦ᭄ᬮᬯᬸᬢ᭄ᬫᬢᬶ᭟ᬧᬶᬳᬦ᭄ᬤᬾᬜᬩᬸᬓᬵᬚᬦᬶᬧᬘᬂᬮᬸᬯᬲ᭄᭞ᬢ᭄ᬯᬭᬵᬧᬘᬂᬫᬯᬮᬶ᭞ᬯᬶᬭᬾᬄᬗ᭄ᬮᬶᬯᬢ᭄ᬤᬾᬰ᭞ᬳᬶᬥᭂᬧᬾᬲᬸᬩᬵᬬᬢ᭄ᬦᬵ᭞ᬲᬗᬸᬦᬾᬤᬩ᭄ᬤᬩᬂᬢᬓᬶᬮ᭄᭟ᬳᬢᭂᬕᭂ
Kaca:Bali-lontar-paparikan-wiratha-parwa-300ppi.pdf/68
Kaca puniki sampun kauji-wacén
