[᭕᭔ 54B]
᭕᭔
ᬭᬢᬸᬲᬂᬪᬸᬧᬢᬶ᭞ᬲᬫ᭄ᬧᬸᬦ᭄ᬦᭂᬍᬩᬂ᭞ᬫᬘᬸᬓᬶᬲᬦᬾᬫᬗ᭄ᬓᬶᬦ᭄᭟ᬫᬲᬢᬦ᭄ᬓᬧᬶᬋᬂᬳᭀᬃᬢ᭄ᬢᬦ᭄ᬧᬂᬧᬡ᭄ᬥᬵ᭞ᬳᬮᬄᬫᬘᬸᬓᬶᬦᬾᬭᬶᬳᬶᬦ᭄᭞ᬫᬦᬸᬲᬸᬧ᭄ᬭᬶᬂᬳᬮᬲ᭄᭞ᬦᭂᬫᬸᬮᬭᬵᬤᬾᬦᬶᬂ
ᬘᬸᬓ᭄ᬬᬦ᭄᭞ᬲᬂᬧ᭄ᬭᬪᬸᬫᬫᬶᬲᬶᬗ᭄ᬕᬶᬄ᭞ᬳᬶᬲᭂᬗᬶᬲᭂᬗᬦ᭄᭞ᬚᬮᬦ᭄ᬫᬘᬸᬓᬶᬦᬾᬚᬦᬶ᭟ᬪᬕᬯᬦ᭄ᬳᬸᬢᬗ᭄ᬓᬦᬾᬫᬗ᭄ᬓᬶᬦ᭄ᬫᬘᬸᬓ᭄ᬬ᭞ᬲᬢᬢᬵᬳᬮᬄᬢᬦ᭄ᬫᬭᬶ᭞ᬳᬶᬤᬲᬂᬦᬭᬾᬦ᭄ᬤ᭄ᬭ
᭞ᬯᬘᬡᬵᬲᭂᬫᬸᬳᬾᬕᬃ᭞ᬫᬲ᭄ᬯᬓ᭄ᬗᬦ᭄ᬤᬶᬓᬵᬭᬶᬲ᭄᭞ᬲᬂᬤ᭄ᬯᬶᬚᬓᬗ᭄ᬓᬂ᭞ᬓᬘᬶᬯᬵᬳᬶᬤᬦᬾᬚᬦᬶ᭟ᬓᬤᬶᬳᬮᬄᬓᭀᬭᬯᬵᬤᬾᬕᬸᬫᬶᬜ᭄ᬚᬬ᭞ᬤ᭄ᬯᬶᬚᬓᬗ᭄ᬓᬫᬢᬸᬃᬳᬭᬶᬲ᭄᭞
ᬚᬢᬶᬢᬦ᭄ᬲᬶᬫ᭄ᬧᬗ᭞ᬯᬘᬡᬦ᭄ᬧ᭄ᬭᬫᬾᬰ᭄ᬯᬭ᭞ᬍᬯᬶᬄᬜ᭄ᬚᬬᬵᬭᬦᬓ᭄ᬳᬚᬶ᭞ᬲᬓᬶᬂᬯᬶᬥᬕ᭄ᬥ᭞ᬲᬂᬯᬶᬭᬵᬯᬺᬦ᭄ᬤᬮᬓᭂᬥᬶ᭟ᬬᬦ᭄ᬢᬦ᭄ᬫᬲᬳᬬᬓᭂᬥᬶᬯᬺᬦ᭄ᬤᬮ᭞ᬤᬸᬓᬧᬦ᭄ᬭᬦᬓ᭄ᬳᬚᬶ
[᭕᭕ 55A]
᭞ᬫᭀᬮᬶᬳᬵᬭᬶᬂᬭᬡ᭞ᬓ᭄ᬭᭀᬥᬲᬂᬦᬵᬣᬓᬩᬗᬦ᭄᭞ᬳᬮᬶᬲ᭄ᬋᬗᬸᬲᭀᬘᬦᭂᬮᬶᬓ᭄᭞ᬦᬸᬮᬶᬫᬜᭂᬫᬓ᭄᭞ᬩᬳᬦ᭄ᬧᬘᬸᬓ᭄ᬬᬦ᭄ᬳᬕᭂᬮᬶᬲ᭄᭟ᬓᬢᬡ᭄ᬥᭂᬲ᭄ᬫᬓᬦ᭄ᬪᬕᬦ᭄ᬳᬸᬢᬗ᭄ᬓ᭞ᬢᬦ᭄ᬫᬃ
ᬬ᭄ᬬᬳᬦᬸᬤᬶᬗᬶ᭞ᬤᬾᬦᬶᬂᬢᬗᬦ᭄ᬓᬶᬯ᭞ᬫᬰᬩ᭄ᬥᬯᬓ᭄ᬧᬸᬭᬶᬱ᭄ᬬᬵ᭞ᬤ᭄ᬯᬶᬚᬓᬗ᭄ᬓᬳᬶᬩ᭄ᬭᬵᬫᬗ᭄ᬓᬶᬦ᭄᭞ᬫᭂᬦᭂᬂᬢᬲᬶᬭ᭞ᬢᬦᬵᬲᭂᬗᬶᬢ᭄ᬭᬶᬂᬪᬸᬧᬢᬶ᭟ᬢᬗᬦ᭄ᬬᬓᬮᬶᬄᬦᭂᬓᭂᬧ᭄ᬓᬦᬶᬦᬶᬭ᭞ᬫᬗ᭄ᬤᬢᬦ᭄ᬓᬢᬶ
ᬩᬾᬂᬲᬶᬢᬶ᭞ᬳᬶᬮᬶᬦᬶᬓᬂᬳᭂᬭᬄ᭞ᬲᬸᬮᬦ᭄ᬤ᭄ᬭᬶᬚᭂᬚᭂᬄᬫᬸᬮᬢ᭄᭞ᬭᬶᬲᬂᬰ᭄ᬯᬫᬶᬦ᭄ᬬᬦᬡ᭄ᬥᬂᬓᬦᬶᬦ᭄᭞ᬢᬦ᭄ᬯ᭄ᬭᬶᬂᬗᬸᬮᬳᬵ᭞ᬕᭂᬮᬶᬲ᭄ᬫᬗᬫ᭄ᬩᬶᬮ᭄ᬯᬾᬲᬸᬘᬶ᭟ᬤ᭄ᬬᬸᬲᬦᬶᬭᬵᬓᬦᬶᬦ᭄ᬲᬂᬤ᭄ᬯᬶᬚᬓᬗ᭄ᬓ᭞ᬫᬫ᭄ᬧᭂᬢ᭄ᬢᬂᬭᬸᬥᬶᬭᬵ
ᬫᬶᬚᬶᬮ᭄᭞ᬳᬧᬳᬶᬓᬂᬓᬵᬮ᭞ᬥᬢᭂᬂᬲᬂᬪᬸᬫᬶᬜ᭄ᬚᬬ᭞ᬓᬧᭂᬡ᭄ᬥᬓ᭄ᬤᬾᬦᬶᬂᬧᬭᬾᬲ᭄ᬢ᭄ᬭᬶ᭞ᬫ᭄ᬯᬂᬧᬭᬯᬾᬱ᭄ᬬ᭞ᬯᬢᭂᬓ᭄ᬧ᭄ᬭᬫᬜ᭄ᬘᬲᬫᬶ᭟ᬦᬸᬮᬶᬕᬸᬫᬶᬜ᭄ᬚᬬᬵᬗᬶᬦᭀᬦ᭄ᬯᬤ᭄ᬯᬦᬶᬭ᭞ᬫᬢᬸᬭᬶᬂᬰ᭄ᬭᬶᬪᬸᬧᬢᬶ
Kaca:Bali-lontar-paparikan-wiratha-parwa-300ppi.pdf/55
Kaca puniki sampun kauji-wacén
