[᭔ 4B]
᭔
ᬯᬲ᭄ᬦᬶᬭᬵ᭞ᬲᬂᬩᬮᬯᬵᬗᭂᬡ᭄ᬥᬓ᭄ᬚᬸᬭᬶᬢ᭄᭞ᬫᬗᬲᭀᬭᬂᬤᬾᬰᬫᬮ᭞ᬫᬯᭂᬯᭂᬄᬰᬶᬄᬫᬓ᭄ᬱ᭄ᬬᬧᬢᬶ᭞ᬗᬾᬫᬦ᭄ᬲᬂᬩᬮᬯᬵᬫᬗ᭄ᬓᬶᬦ᭄᭞ᬓᬶᬘᬾᬦ᭄ᬯᬲ᭄ᬢ᭄ᬭᬮᬸᬳᬸᬂᬮᬸᬳᬸᬂ᭞ᬫᬲ᭄ᬫᬡᬶᬓ᭄ᬭᬚ᭄ᬬᬫᬸᬮ᭄ᬬᬵ᭞ᬳᬲᬶᬂ
ᬧᬗᬗ᭄ᬕᭀᬦᬾᬍᬯᬶᬄ᭞ᬤᬾᬦᬶᬂᬓᬲᬸᬩ᭄᭞ᬓᬓᬺᬗᬦᬾᬭᬶᬂᬧᬬᬸᬤ᭄ᬥᬦ᭄᭟ᬢᭀᬲᬶᬂᬳᬤᬩᬦᬶᬫᬧᬲ᭄᭞ᬲᬂᬩᬮᬯᬵᬗᭂᬡ᭄ᬥᬓ᭄ᬚᬸᬭᬶᬢ᭄᭞ᬲᬯᭀᬗᬶᬂᬯᬶᬭᬣᬫᬗ᭄ᬓᭀ᭞ᬲᬓ᭄ᬯᬾᬳᬶᬂᬩᬸᬭᭀᬦ᭄ᬳᭂ
ᬦ᭄ᬢᬶ᭞ᬲᬶᬗ᭄ᬳᬵᬩᬭ᭄ᬯᬂᬯᬭᬓ᭄ᬳᬲ᭄ᬢᬶ᭞ᬲᬫᬶᬢᭂᬮᬲ᭄ᬧᬥᬦᬸᬗ᭄ᬓᬸᬮ᭄᭞ᬓᬭᬡᬧ᭄ᬭᬪᬸᬯᬶᬭᬣ᭞ᬫᬯᭂᬯᭂᬄᬭᬶᬗ᭄ᬳᬢᬶ᭞ᬲᬸᬓᬵᬢᬸᬳᬸ᭞ᬓᬧᬶᬳᬡ᭄ᬥᭂᬮ᭄ᬲᬂᬩᬮᬯᬵ᭟ᬤᬰᬩᬸᬮᬦ᭄ᬢᬸᬯᬸᬄᬳᬶᬤ᭞ᬲᬂᬧ
ᬡ᭄ᬥᬯᬦᬾᬫᬦᬶᬮᬶᬩ᭄᭞ᬫᬫᬋᬓᬦ᭄ᬭᬶᬂᬯᬶᬭᬣ᭞ᬲᬂᬤ᭄ᬭᬸᬧᬥᬶᬦᬾᬓᬧᬸᬚᬶ᭞ᬚᭂᬕᬾᬕ᭄ᬕᬾᬦᭀᬭᬫᬤᬦᬶᬦ᭄᭞ᬲᭀᬮᬳᬾᬗ᭄ᬕᬯᬾᬳᬸᬮᬗᬸᬦ᭄᭞ᬲᬯᬢᭂᬓᬶᬂᬯᬶᬭᬣᬵ᭞ᬕᬯᭀᬓ᭄ᬗᬦ᭄ᬢᭂᬦᬂᬲᬶ
[᭕ 5A]
ᬮᬦ᭄ᬤ᭄ᬭᬶ᭞ᬢᬸᬯᬶᬓᬲᬸᬩ᭄᭞ᬯᬃᬡ᭄ᬦᬦᬾᬓᬤᬶᬳ᭄ᬬᬂᬯᬸᬮᬦ᭄᭟ᬢᬸᬯᬶᬳᬶᬧᬢᬶᬄᬘᬘᬓᬵ᭞ᬕᬯᭀᬓ᭄ᬗᬢᭀᬦᬂᬲᬶᬮᬦ᭄ᬤ᭄ᬭᬶ᭞ᬫᬫᬸᬮᬶᬲᬄᬩᭂᬗᭀᬂᬩᭂᬗᭀᬂ᭞ᬕᬥᬓ᭄ᬳᬸᬬᬂᬩᬸᬤᬸᬄᬧᬮᬶᬂ᭞ᬫᬗ
ᬢᭀᬦᬂᬲᬶᬮᬦ᭄ᬤ᭄ᬭᬶ᭞ᬢ᭄ᬯᬭᬚᭂᬦᭂᬓ᭄ᬬᬫᬮᬸᬗ᭄ᬕᬸᬄ᭞ᬤᬾᬦᬶᬂᬩ᭄ᬯᬢ᭄ᬓᬲ᭄ᬫᬭᬦ᭄᭞ᬤᬤᬶᬬᬧᬋᬓᬧᬸᬭᬶ᭞ᬮᬯᬸᬢ᭄ᬫᬢᬸᬃ᭞ᬭᬶᬂᬳᬶᬤᬲᬂᬤ᭄ᬬᬄᬲᬸᬥᬾᬱ᭄ᬡᬵ᭟ᬳᬢᬸᬭᬾᬳᬗ᭄ᬮᬤ᭄ᬧ᭄ᬭᬡᬵ᭞ᬲᬯᬂᬓᭂᬜᭂᬫ᭄ᬕᬸᬬᬸᬫ
ᬦᬶᬲ᭄᭞ᬢᬦ᭄ᬫᬭᬶᬳᬗᬮᬧ᭄ᬓᬲᭀᬃ᭞ᬇᬗ᭄ᬕᬶᬄᬭᬢᬸᬭᬵᬚᬧᬸᬢ᭄ᬭᬶ᭞ᬦᬸᬦᬲᬸᬕ᭄ᬭᬦᬾᬭᬶᬳᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬭᬶᬂᬳᬶᬭᬢᬸ᭞ᬧᬜ᭄ᬚ᭄ᬭᭀᬯᬦ᭄ᬘᭀᬓᭀᬃᬳᬶᬤᬾᬯ᭞ᬦᬾᬫᬯᬲ᭄ᬢᬳᬶᬲᬸᬮᬦ᭄ᬤ᭄ᬭᬶ᭞ᬤᬾᬦᬶᬂᬓ
ᬲᬸᬩ᭄᭞ᬳᬬᬸᬦᬾᬢ᭄ᬯᬭᬵᬤᬧᬥᬵ᭟ᬲᬂᬲᬸᬥᬾᬱ᭄ᬡᬵᬲᬫ᭄ᬧᬸᬦ᭄ᬮᬸᬕ᭄ᬭ᭞ᬲᬂᬘᬘᬓᬫᬫᬸᬜᬶᬫᬦᬶᬲ᭄᭞ᬫᬗ᭄ᬭᬸᬫ᭄ᬭᬸᬫ᭄ᬲᬂᬲᬸᬮᬦ᭄ᬤ᭄ᬭ᭄ᬬᬵ᭞ᬇᬗ᭄ᬕᬶᬄᬤᬾᬯᬲᬦᬾᬫᬗ᭄ᬓᬶᬦ᭄᭞ᬫᬦᬸᬦᬲ᭄ᬭᬶᬂᬳᬶᬫᬡᬶᬓ᭄᭞ᬢᬶ
Kaca:Bali-lontar-paparikan-wiratha-parwa-300ppi.pdf/5
Kaca puniki sampun kauji-wacén
