[᭔᭔ 44B]
᭔᭔
ᬬᬦ᭄ᬳᭂᬫ᭄ᬧᬸᬥᬂᬳ᭄ᬬᬂᬓᬲᭀᬭᬦ᭄᭞ᬤᬾᬦᬶᬂᬰᬶᬱ᭄ᬬᬓᬤᬶᬫᬗ᭄ᬓᬶᬦ᭄᭞ᬕᬢᬶᬲᬂᬤ᭄ᬭᭀᬡ᭞ᬫᬗᬾᬩᭀᬕ᭄ᬳᬦᬾᬂᬗᬸᬭᬶ᭟ᬦᬶᬯᬓᬂᬰᬭᬲᬫ᭄ᬧᬢᬵᬥᬂᬳ᭄ᬬᬂᬤ᭄ᬭᭀᬡ᭞ᬲᬢᬸᬲ᭄ᬳᬶᬬᬸᬧᬢᭂᬫ᭄ᬧᬸᬳᬶᬂ᭞
ᬭᬶᬲᬂᬥᬦᬜ᭄ᬚᬬᬵ᭞ᬫᬍᬲ᭄ᬲᬶᬭᬵᬲᬗᬃᬚ᭄ᬚᬸᬡᬵ᭞ᬲᬜ᭄ᬚᬢᬦ᭄ᬤᬢᬦ᭄ᬓᬯ᭄ᬭᬸᬳᬶ᭞ᬢᬦ᭄ᬓᭂᬦᬯᬶᬮᬂ᭞ᬓᬩᬶᬦᬯᬵᬧᬥᬵᬰᬓ᭄ᬢᬶ᭟ᬩᭂᬗᭀᬂᬯᬢᭂᬓᬶᬂᬲᬢ᭄ᬭ᭄ᬬᬵᬯᬗ᭄ᬰᬵ᭞ᬗᬢᭀᬦᬂᬢᬶᬗ᭄ᬓᬳᬾ
ᬫᬗ᭄ᬓᬶᬦ᭄᭞ᬲᬂᬲᬢ᭄ᬭ᭄ᬬᬵᬓᬸᬮᬵ᭞ᬯᭂᬦᬂᬦᬗ᭄ᬓᭂᬧᬶᬂᬧᬕᬸᬭ᭄ᬯᬦ᭄᭞ᬥᬂᬳ᭄ᬬᬂᬤ᭄ᬭᭀᬡᬢᬸᬯᬶᬕᬢᬶ᭞ᬦᬶᬯᬓᬂᬳᬲ᭄ᬢ᭄ᬭᬵ᭞ᬲᬳᬩᬦ᭄ᬢᬾᬚᬵᬳ᭄ᬬᬂᬭᬯᬶ᭟ᬓᬤᬶᬕᬸᬍᬫ᭄ᬫᬗᬸᬚᬦᬶᬲᬗᬃᬚ᭄ᬚᬸᬡ᭞ᬕᭂᬮᬶᬲ᭄ᬗᬯᬍᬲᬂ
ᬓᬶᬭᬶᬣᬶ᭞ᬳᬗᬾᬩᭂᬓᬶᬂᬯᬶᬬᬢ᭄᭞ᬳᬗᬶᬦ᭄ᬲᬾᬡ᭄ᬥᬸᬂᬢᬦ᭄ᬧᬦ᭄ᬢᬭ᭞ᬥᬂᬳ᭄ᬬᬂᬤ᭄ᬭᭀᬡᬲᬦᬾᬫᬗ᭄ᬓᬶᬦ᭄᭞ᬓᬤᬶᬧᬃᬯ᭄ᬯᬢᬵ᭞ᬓᬋᬋᬩ᭄ᬫᬾᬖᬦᬶᬂᬯᬺᬱ᭄ᬝᬶ᭟ᬢᬦ᭄ᬚ᭄ᬭᬶᬄᬥᬂᬳ᭄ᬬᬂᬤ᭄ᬭᭀᬡᬵᬳᬦᬸᬮᬶᬫ
[᭔᭕ 45A]
ᬗᬬᬢ᭄᭞ᬲᬜ᭄ᬚᬢᬦᬭᬘ᭄ᬙᬵᬰᬓ᭄ᬢᬶ᭞ᬓᬤᬶᬳᬗ᭄ᬰᬗ᭄ᬮᬬᬂ᭞ᬢᬦᬲᭀᬃᬢᬦ᭄ᬓᬯᬸᬗ᭄ᬓᬸᬮᬦ᭄᭞ᬧᬧ᭄ᬭᬂᬳᬶᬤᬲᬂᬓᬮᬶᬄ᭞ᬓᬤᬶᬧᬢᬸᬓᬃ᭞ᬕᬚᬾᬦ᭄ᬤ᭄ᬭᬧᬥᬵᬰᬓ᭄ᬢᬶ᭟ᬢᬸᬯᬶᬓᬩᬢᭂᬓᬦ᭄ᬳᬶᬤᬵᬥᬂᬳ᭄ᬬᬵᬂ
ᬤ᭄ᬭᭀᬡᬵ᭞ᬫᬗᬺᬕᭂᬧᬂᬳ᭄ᬭᬸᬍᬯᬶᬄ᭞ᬳᬫᭂᬦᬸᬳᬶᬂᬯᬶᬬᬢ᭄᭞ᬫᬕᬺᬥᭂᬕᬦ᭄ᬲ᭄ᬯᬭᬦ᭄ᬬ᭞ᬦᬶᬃᬕᬯᬾᬢᬦ᭄ᬧᬗᭂᬦᬦᬶᬦ᭄᭞ᬲᬂᬥᬜ᭄ᬚᬬᬵ᭞ᬢᭂᬮᬲ᭄ᬋᬫᬸᬓ᭄ᬭᬶᬂᬮᬗᬶᬢ᭄᭟ᬕᬚᬄᬓ᭄ᬭᬾᬢ᭄ᬢᬲᬭᬣᬶᬓᬸᬤᬵᬧᬚᬸ
ᬮᬶᬫ᭄ᬧᬂ᭞ᬤᬾᬦᬶᬂᬳ᭄ᬭᬸᬲᬂᬓᬶᬭᬶᬣᬶ᭞ᬤ᭄ᬭᬯᬵᬦᬭᬯᬢᬵ᭞ᬲ᭄ᬯᬦ᭄ᬤᬶᬢᬵᬭᬶᬂᬳᬗ᭄ᬕᬦᬶᬭᬵ᭞ᬲᬂᬤ᭄ᬭᭀᬡᬵᬓᬾᬫ᭄ᬧᭂᬭᬶᬗ᭄ᬳᬢᬶ᭞ᬋᬫᭂᬓ᭄ᬪᬸᬱᬡ᭞ᬓᬯᬘᬵᬩᬩᬤᭀᬂᬳᭂᬦ᭄ᬢᬶ᭟ᬕᭂᬮᬶᬲ᭄ᬲᬂᬧᬃᬣᬦᬗ᭄ᬲᭂᬓ᭄ᬥᬂᬳ᭄ᬬᬂ
ᬤ᭄ᬭᭀᬡ᭞ᬗᬼᬧᬲᬓᭂᬦ᭄ᬳ᭄ᬭᬸᬍᬯᬶᬄ᭞ᬢᬦ᭄ᬧᬯᬾᬄᬫᬍᬲ᭞ᬤᬾᬦᬶᬂᬳ᭄ᬭᬸᬥᬦᬜ᭄ᬚᬬ᭞ᬥᬂᬳ᭄ᬬᬂᬤ᭄ᬭᭀᬡᬦᬸᬮᬶᬚ᭄ᬭᬶᬄ᭞ᬫᬗᭂᬢᬓ᭄ᬓᬸᬤ᭞ᬭᬶᬳᬚᭂᬂᬲᬂᬓᬸᬭᬸᬧᬢᬶ᭞ᬲᬮᬭᬸᬥᬂᬳ᭄ᬬᬂᬤ᭄ᬭᭀᬡ
Kaca:Bali-lontar-paparikan-wiratha-parwa-300ppi.pdf/45
Kaca puniki sampun kauji-wacén
