[᭔᭒ 42B]
᭔᭒
ᬚᬪᬸᬣᬧᬶᬦᬓᬵᬕ᭄ᬭᬦᬶᬂᬥ᭄ᬯᬚ᭞ᬓᬩᬶᬦᬯᬵᬦᬾᬚᬦᬶ᭞ᬓᬾᬦ᭄ᬓᬾᬦ᭄ᬩᬦᬬᬦᬂ᭞ᬳᬧᬂᬕᬶᬮᬶᬲ᭄ᬓᬢᬸᬮᬸᬗᬦ᭄᭞ᬲᬂᬦᬭᬵᬃᬬ᭄ᬬᬓᬸᬭᬸᬧᬢᬶ᭞ᬩᬧᬵᬫᬶᬲᬥ᭄ᬬᬵ᭞ᬧᬘᬂᬗᬾᬩᭀᬕ᭄ᬳ
ᬦᬾᬗᬸᬭᬶ᭟ᬭᬦ᭄ᬢᬩᬦ᭄ᬲᬓ᭄ᬯᬾᬳᬶᬂᬓᭀᬭᬯᬵᬯᬗ᭄ᬰᬵ᭞ᬦᬶᬯᬓᬂᬲᬜ᭄ᬚᬢᬍᬯᬶᬄ᭞ᬲᬗᬃᬚ᭄ᬚᬸᬡᬲᬶᬭ᭞ᬢᬦ᭄ᬚᬗ᭄ᬓᬬᬦ᭄ᬫᬦᬶᬯᬓᬂ᭞ᬲᬶᬮᬶᬫᬸᬓᬳᬲ᭄ᬢ᭄ᬭᬍᬯᬶᬄ᭞ᬭᬶᬳᬭᬶᬦ᭄ᬳᬶᬤ᭞ᬥᬹᬃ
ᬬ᭄ᬬᭀᬥᬦᬢᬶᬕᬂᬲᬶᬓᬶ᭟ᬫᬗᬭᬦ᭄ᬲᬂᬚᬬᬵᬫ᭄ᬯᬂᬘᬢ᭄ᬭᬲᬳ᭞ᬕᭂᬲᭂᬂᬲ᭄ᬬᬦ᭄ᬤᬦᬦ᭄ᬬᬵᬳᭂᬦ᭄ᬢᬶ᭞ᬮ᭄ᬯᬶᬃᬳᬮᬲ᭄ᬢᬶᬦᬸᬦ᭄ᬯᬦ᭄᭞ᬫᬧᬸᬮᬶᬳᬶᬰᬢ᭄ᬭᬸᬦ᭄ᬢᬧ᭞ᬧᭂᬚᬄᬦ᭄ᬤᬢᬦ᭄ᬧᬗᬸᬤᬶᬮᬶ᭞ᬢᭂᬓᬦᬶᬂᬲ᭄ᬭᬣ᭄ᬬ᭞
ᬚᬭᬦ᭄ᬧᭂᬚᬄᬧᬕᬸᬮᬶᬮᬶᬂ᭟ᬫᬲᬶᬗᬶᬢ᭄ᬲᬂᬓᬃᬡ᭄ᬦᬵᬕᭂᬮᬶᬲ᭄ᬫᬦᬶᬯᬓᬂ᭞ᬲᬜ᭄ᬚᬢᬉᬢ᭄ᬢᬫᬲᬫᬶ᭞ᬭ᭄ᬯᬂᬧᬸᬮᬸᬄᬧᬶᬲᬦ᭄᭞ᬳᬶᬩᭂᬓᬦ᭄ᬓᬸᬤᬲᬂᬧᬃᬣ᭞ᬬᬢ᭄ᬦᬥᬦᬜ᭄ᬚᬬᬫᬗ᭄ᬓᬶᬦ᭄᭞ᬫᭂᬦ᭄ᬢᬗᬂᬮᬭᬲ᭄᭞
[᭔᭓ 43A]
ᬧᬶᬦᬦᬄᬅᬯᬗ᭄ᬕᬧᬢᬶ᭟ᬓᬾᬩᭂᬓᬦ᭄ᬭᬶᬂᬳᬯᬓ᭄ᬳ᭄ᬭᬸᬢᬦ᭄ᬧᬲᭂᬮᬵ᭞ᬢᭂᬓᬾᬂᬩᬯᬸᬮᬝᬵᬓᭀᬧᬶᬂ᭞ᬕᭂᬮᬦᬂᬲᬂᬓᬃᬡ᭄ᬦ᭞ᬓᬧᭂᬢᭂᬗᬦ᭄ᬢᬦ᭄ᬳᬦᭀᬦ᭄ᬭᬵᬢ᭄᭞ᬭᬸᬓᬸᬄᬕᭂᬮᬸᬂᬦ᭄ᬬᬳᭂᬦ᭄ᬢᬶ᭞ᬭᬢ᭄ᬦ
ᬲᬸᬫᬶᬭᬢ᭄᭞ᬤᬾᬦᬶᬂᬧᬦᬄᬲᬂᬓᬶᬭᬶᬣᬶ᭟ᬓᬤᬶᬳᬸᬓᬶᬃᬩᬶᬦᬚ᭄ᬭᬵᬤᬾᬲᬂᬳ᭄ᬬᬂᬇᬦ᭄ᬤ᭄ᬭ᭞ᬳᬦᬦ᭄ᬓᬤᬶᬕᬚᬄᬢᬸᬯᬶ᭞ᬓᬶᬦᭂᬧᬸᬗᬶᬂᬓᬸᬤ᭞ᬩᭂᬮᬶᬲ᭄ᬩᬗᬸᬦ᭄ᬲᬗᬯᬗ᭄ᬕ᭞ᬫᬗᭂᬢᭀᬃᬲᬸᬓᬸᬦᬾ
ᬓᬮᬶᬄ᭞ᬢᬗᬦᬸᬮᬾᬧᬓ᭄᭞ᬜᭂᬫᬓ᭄ᬢᬸᬗ᭄ᬓᭂᬤ᭄ᬦᬸᬮᬶᬚᭂᬭᬶᬄ᭟ᬫᬲᬸᬲᬸᬧᬦ᭄ᬭᬶᬂᬢᭂᬗᬳᬶᬂᬯᬤ᭄ᬯᬦᬶᬭ᭞ᬤᬾᬦᬶᬂᬓᬲᭀᬭᬦ᭄ᬓᬰᬓ᭄ᬢᬶᬦ᭄᭞ᬢᬸᬯᬶᬲᬗᬯᬗ᭄ᬕ᭞ᬤᬾᬦᬶᬂᬲᬂᬥᬦᬜ᭄ᬚᬬ᭞ᬫᬮᬶᬄ
ᬫᬕ᭄ᬮᬃᬩᬮᬧᬢᬶ᭞ᬳᬫᬾᬢ᭄ᬳᬸᬧᬬᬵ᭞ᬬᭀᬥᬓᭀᬭᬯᬦᬾᬲᬫᬶ᭟ᬢᬦ᭄ᬫᬭᬶᬫᬫᬦᬄᬲᬭ᭄ᬯᬵᬲ᭄ᬢ᭄ᬭᬵᬉᬢ᭄ᬢᬫ᭞ᬢᬸᬫᬶᬗ᭄ᬳᬮ᭄ᬲᬜ᭄ᬚᬬᬪᬸᬫᬶ᭞ᬢᬸᬯᬶᬓᭀᬍᬤᬶᬂᬧ᭄ᬭᬂ᭞ᬓᬩᬯᭀᬲ᭄ᬭᬶᬂᬪᬸᬫᬶ
Kaca:Bali-lontar-paparikan-wiratha-parwa-300ppi.pdf/43
Kaca puniki sampun kauji-wacén
