[᭒ 2B]
᭒
ᬗ᭄ᬓᬄᬧᬋᬓᬦ᭄᭞ᬲᬶᬜ᭄ᬚᬂᬲᭂᬍᬫ᭄ᬯᬶᬚᬶᬮ᭄ᬚᬯᬶ᭞ᬯᬕᭂᬤ᭄ᬗ᭄ᬭᬘᬶᬓᬂ᭞ᬳᭀᬤᬓᬾᬲᬦᬾᬫᬶᬳᬶᬓ᭄᭟ᬓᬧᬶᬳᬦ᭄ᬤᭂᬮ᭄ᬤᬾᬦᬶᬭᬤ᭄ᬬᬄᬲᬸᬥᬾᬱ᭄ᬡᬵ᭞ᬭᬩᬶᬫᬋᬧ᭄ᬫᬓ᭄ᬱ᭄ᬬᬧᬢᬶ᭞ᬢᭂᬓᬲᬂᬦᬓᬸ
ᬮᬵ᭞ᬧᬋᬓ᭄ᬭᬶᬂᬦᬭᬦᬵᬣ᭞ᬫᬗᬸᬦᬶᬗᬂᬳᬯᬓᬾᬭᬶᬭᬶᬄ᭞ᬗᬸᬭᬸᬓᬂᬚᬭᬦ᭄᭞ᬘᭂᬧᭂᬢ᭄ᬭᬶᬭᬶᬄᬫᬗᭀᬋᬕᬶᬦ᭄᭟ᬧᭂᬘᬓ᭄ᬧᬋᬓᬦ᭄ᬳᬶᬤᬵᬲᬂᬥᬃᬫ᭄ᬫᬯᬗ᭄ᬰᬵ᭞ᬓᬧᬶᬳᬦ᭄ᬤᭂᬮ᭄ᬫᬗᭀᬋᬕᬶᬦ᭄᭞ᬫᬤᬦ᭄ᬲᬂ
ᬕ᭄ᬭᬦ᭄ᬢᬶᬓᬵ᭞ᬲᬂᬧ᭄ᬭᬪᬸᬮᬶᬦ᭄ᬢᬂᬓᬾᬦᬓ᭄᭞ᬲᬂᬲᬤᬾᬯᬵᬭᬯᬸᬄᬫᬗ᭄ᬓᬶᬦ᭄᭞ᬧᬦ᭄ᬢᭂᬲ᭄ᬲᭀᬮᬳᬾ᭞ᬧᬋᬓ᭄ᬭᬶᬂᬲᬂᬫᬓ᭄ᬱ᭄ᬬᬧᬢᬶ᭟ᬗᬸᬦᬶᬗᬂᬧᭂᬘᬓ᭄ᬧᬋᬓᬦ᭄ᬥᬃᬫ᭄ᬫᬯᬗ᭄ᬰᬵ᭞ᬚᬸᬭᬸᬗᬗᭀᬦ᭄ᬍᬫ᭄ᬩᬸᬗᬸᬦᬶ᭞
ᬫᬤᬦ᭄ᬕ᭄ᬭᬦ᭄ᬢᬶᬨᬮᬵ᭞ᬲᬸᬓᬵᬳᬶᬤᬲᬂᬦᬵᬣ᭞ᬫᬶᬋᬗᬂᬳᬢᬸᬭᬾᬲᬫᬶ᭞ᬧᬥᬗᬢᬸᬭᬂ᭞ᬍᬯᬶᬄᬕᬕᬶᬦᬦᬾᬲᬫᬶ᭟ᬧᬶᬭᬓᬸᬦᬂᬮᬯᬲ᭄ᬳᬤᬵᬲᬂᬧᬡ᭄ᬥᬯᬵ᭞ᬧᬕᭂᬄᬯᬶᬭᬣᬪᬸᬫᬶ᭞ᬯᬢᬭᬧᬢ᭄ᬩᬸᬮ
[᭓ 3A]
ᬦ᭄᭞ᬫᬋᬓᬦ᭄ᬭᬶᬂᬯᬶᬭᬣ᭞ᬲᬂᬧ᭄ᬭᬪᬸᬳᬶᬤᬦᬾᬫᬗ᭄ᬓᬶᬦ᭄᭞ᬳᬲᬸᬂᬤᭀᬚᬦ᭞ᬭᬶᬂᬳᬶᬤᬲᬂᬋᬱᬶᬲᬫᬶ᭟ᬲᬫ᭄ᬧᬸᬦ᭄ᬧ᭄ᬭᬕᬢ᭄ᬳᬦ᭄ᬢᬸᬓ᭄ᬳᬶᬤᬵᬇᬘᬵᬥᬦ᭞ᬧᬗᬗ᭄ᬕᭀᬦᬾᬯᬲ᭄ᬢ᭄ᬭᬧᬸᬢᬶᬄ᭞ᬢᬸᬫᬸᬮᬶᬢᬲᬶᬭᬵ᭞
ᬫᬗᬤᬬᬂᬧᬧᬼᬗ᭄ᬓᬸᬗᬦ᭄᭞ᬯᬢᭂᬓ᭄ᬢᭂᬕᬸᬳᬾᬗᬸᬦᬶ᭞ᬓᬺᬂᬫᬚᬕᬸᬭᬦ᭄᭞ᬫᬚᬸᬓ᭄ᬚᬸᬓᬦ᭄ᬲᬮᬶᬂᬧᬦ᭄ᬢᬶᬕ᭄᭟ᬳᬦᬸᬮᬶᬢᭂᬓᬵᬕᭀᬩᬦᬾᬓᬪᬶᬦᬯᬵ᭞ᬕᭂᬥᬾᬮᬡ᭄ᬥᬸᬗᬾᬢᬦ᭄ᬲᬶᬦᬶᬧᬶ᭞ᬫ
ᬳᬤᬦ᭄ᬲᬂᬫᬮᭀᬤ᭄ᬜᬵ᭞ᬳᬤᭂᬚᬾᬳᬸᬮᬶᬓᬲ᭄᭞ᬧᬋᬓ᭄ᬭᬶᬂᬲᬂᬫᬓ᭄ᬱ᭄ᬬᬧᬢᬶ᭞ᬕᬢᬶᬫᬦᬸᬦᬲ᭄᭞ᬫᬢᬸᬗ᭄ᬕᬮᬦ᭄ᬢᬦ᭄ᬤᬶᬂᬚᬸᬭᬶᬢ᭄᭟ᬢᭀᬲᬶᬂᬳᬤᬩᬦᬶᬗ᭄ᬮᬯᬦ᭄ᬫᬢᬸᬗ᭄ᬕᬮᬦ᭄᭞ᬦᬡ᭄ᬥᬶᬗᬶᬦ᭄ᬫᬮᭀᬤ᭄ᬜ
ᬧᬢᬶ᭞ᬤᬾᬦᬶᬂᬳᬸᬮᬶᬲᬸᬩ᭞ᬫᬗᬲᭀᬭᬂᬰᬢ᭄ᬭᬸᬥᬶᬭ᭞ᬤᬾᬦᬶᬂᬢᭂᬕᬸᬄᬢᬦ᭄ᬲᬶᬦᬶᬧᬶ᭞ᬧ᭄ᬭᬪᬸᬯᬶᬭᬣᬵ᭞ᬩᭂᬗᭀᬂᬳᬶᬤᬢᬦ᭄ᬜᬯᬸᬭᬶᬦ᭄᭟ᬳᬶᬤᬲᬂᬥᬃᬫ᭄ᬫᬯᬗ᭄ᬰᬵᬳᬾᬯᬢᬸᬫᬶᬗ᭄ᬳᬮ᭄᭞ᬢᬶᬗ᭄ᬓ
Kaca:Bali-lontar-paparikan-wiratha-parwa-300ppi.pdf/3
Kaca puniki sampun kauji-wacén
