Kaca:Bali-lontar-paparikan-wariga-400ppi.pdf/40

Saking Wikisource
Kaca puniki sampun kauji-wacén

[᭓᭙ 39B]
᭓᭙
ᬳᬢᬸᬇᬯᬄᬦᭂᬤᭂᬂᬲᬭᬶ᭞ᬲᬃᬯ᭄ᬯᬩᬸᬗ᭄ᬓᬄ᭞ᬫᬓᬫᬦᬓ᭄ᬦ᭄ᬬᬯᬺᬤ᭄ᬥᬶ᭟᭜᭟ᬧᬸᬧᬸᬄᬤᬂᬤᬂ᭟᭜᭟ᬬᬦ᭄ᬰᬰᬶᬄᬓᬃᬝᬶᬓᬫᬗ᭄ᬓᬾᬳᬾᬮᬶᬗᬂ᭞ᬮᬸᬫ᭄ᬩᬸᬂᬤᬯᬸ
ᬦ᭄ᬲᬶᬓᬭᬶ᭞ᬕᬺᬄᬢᬦ᭄ᬧᬦ᭄ᬢᬭ᭞ᬚᬮᬤᬭᬫᬸᬮᬓᬦ᭄᭞ᬫᬕᬯᬾᬢᬦ᭄ᬭᬶᬭᬶᬲ᭄᭞ᬓᭀᬘᬧ᭄ᬫᬢᭂᬩ᭄ᬤᬯᬸᬦ᭄ᬬ᭞ᬰᬰᬶᬄᬧᭀᬲ᭄ᬬᬦᬾᬫᬮᬶᬄ᭞ᬚᬗ᭄ᬕᬸᬲᬾᬳᬦ᭄ᬫ
ᬲ᭄ᬓᬃ᭞ᬫᬮᬶᬄᬭᬶᬂᬰᬰᬶᬄᬫᬾᬖ᭞ᬓᭂᬫ᭄ᬩᬂᬕᬥᬸᬂᬫᭂᬤᬄᬯᬶᬸᬗᬶᬸᬳ᭄ᬯᬗᬶ᭞ᬳᭂᬫ᭄ᬩᬸᬦᬾᬳᬢ᭄ᬯᬢ᭄᭞ᬮᬲ᭄ᬯᬦ᭄ᬮᬸᬯᬶᬂᬯᬶᬯᬭᬶ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬲᬃᬯ᭄ᬯ
ᬲᭀᬘᬫᬍᬢᬶᬓ᭄ᬳᬸᬚᬦ᭄ᬫᬓᬘᭂᬳᬦ᭄᭞ᬢᬸᬫᬸᬯᬸᬄᬲᬃᬯ᭄ᬯᬫᬍᬢᬶᬓ᭄᭞ᬬᬰᬰᬶᬄᬨᬮ᭄ᬕᬸᬡ᭞ᬕ᭄ᬮᬕᬄᬲᭂᬳᭂᬦ᭄ᬫᬲ᭄ᬓᬃ᭞ᬫ᭄ᬯᬂᬢᬭᬸᬗ᭄ᬯᬭᬚᬢᬗᬶ᭞ᬲᬋᬂᬓ᭠
[᭔᭐ 40A]
ᬦᭀᬂᬦᭀᬂ᭞ᬫᬢᬲᬓᬨᬮᬦᬶᬬᬾᬓᬶ᭟ᬢ᭄ᬓᬾᬂᬘᬾᬢ᭄ᬭᬚᬸᬫ᭄ᬩᬸᬄᬫᬗ᭄ᬓᬦᬩᬾᬤᬦ᭄ᬬ᭞ᬩᬚᬂᬩᬚᬂᬗᬳᬲᬶᬦ᭄᭞ᬩᬸᬯᬄᬜᬫᬢᬲᬓ᭄᭞ᬫᬗ᭄ᬯᬢᬶᬫᭂᬢ᭄ᬯᬶᬂᬯᬯᬭ
᭞ᬲᬸᬗ᭄ᬕᬭᬾᬭᬾᬢ᭄ᬫᬮᬩᬸᬄᬧᬢᬶ᭞ᬫᬭᬶᬂᬲᬫᬸᬤ᭄ᬭ᭞ᬨᬮ᭄ᬕᬸᬡᬘᬾᬢ᭄ᬭᬰᬰᬶᬄ᭟ᬬᬦᬶᬂᬰᬰᬶᬄᬯᭂᬲᬓᬦᬶᬸᬂᬦᬾᬫᬢᬶᬲᬤᬳᬢ᭄᭞ᬲ᭄ᬢᬶᬭᬲᬗ᭄ᬳ᭄ᬬᬂᬧ᭄ᬭᬢᬶᬯᬶ᭞ᬤᬾ
ᬯᬲᬭᬳᬬ᭄ᬯ᭞ᬫᬮᬶᬄᬯᬭᬾᬂᬫᬗ᭄ᬕᬮ᭞ᬓᬾᬗᭂᬢᬓ᭄ᬦᬬᭀᬮᬮᬶ᭞ᬭᬶᬲ᭄ᬫᬭᬓᬃᬬ᭄ᬬ᭞ᬭᬭᬾᬤᬸᬯᬫᬮᬶᬕ᭄ᬬᬦᬶ᭟ᬤᬫᬫᬸᬭᬸᬕ᭄ᬮᬶᬦ᭄ᬢᬂᬮᬶᬫᬂᬢᬮᬶ᭠
ᬩᬬ᭞ᬮ᭄ᬬᬦ᭄ᬭᬶᬗᬩᬾᬦᬂᬫᬢᬶ᭞ᬬᬰᬰᬶᬄᬓᬢᬶᬕ᭞ᬓᭀᬮᬸᬓ᭄ᬦᭂᬫ᭄ᬓᬲᬗ᭞ᬤᬡ᭄ᬥᬤᬾᬳ᭄ᬬᬂᬭᬵᬚᬩᬸᬫᬶ᭞ᬕᭂᬂᬤᬡ᭄ᬥᬦᬶᬭ᭞ᬫᬗ᭄ᬕᬶᬄᬮᬭᬧ᭄ᬭᬶᬳ

Kapolihang saking "https://ban.wikisource.org/w/index.php?title=Kaca:Bali-lontar-paparikan-wariga-400ppi.pdf/40&oldid=86148"