Kaca puniki sampun kauji-wacén
[᭒᭘ 28B]
᭒᭘
᭟᭜᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭜᭟ᬤᬶᬦᬧᬢᭂᬢᬶᬯᬦ᭄ᬫᬮᬶᬄ᭞ᬅᬱ᭄ᬞᬯᬵᬭᬦᬾᬳᬶᬢᬸᬗᬶᬦ᭄᭞ᬤᬗᬫ᭄ᬩᬄᬬᬫᬓᬯᬦᬾ᭞ᬕᬸᬭᬸᬦᬾᬧᬶᬮᬶ᭠
ᬳᬂᬳᬫ᭄ᬩᬄ᭞ᬲᬧ᭄ᬢᬯᬭᬲᭀᬭᬶᬳᬶᬓ᭞ᬢᬍᬃᬢᬦ᭄ᬳᬫ᭄ᬩᬄᬫᬮ᭄ᬩᬸ᭞ᬢᬗ᭄ᬕᬮ᭄ᬧᬗ᭄ᬮᭀᬂᬫᬮᬶᬄᬳᬫ᭄ᬩᬄ᭟ᬦᬗᬶᬂᬧᬶᬮᬶᬄᬧᬶᬮᬶᬳᬶᬦ᭄᭞ᬤᬗᬫ᭄ᬩᬄᬭᬶᬂᬤ
ᬕ᭄ᬤᬶᬕ᭄ᬓ᭄ᬭᬡ᭞ᬰᬰᬶᬄᬨᬮ᭄ᬕᬸᬡᬦᬾᬋᬓᭀ᭞ᬘᬾᬢ᭄ᬭᬦᬾᬭᬶᬂᬚ᭄ᬬᬾᬱ᭄ᬝᬰᬤ᭞ᬢᬍᬃᬳᬫ᭄ᬩᬳ᭄ᬫᬍᬩᬸ᭞ᬢ᭄ᬭᬶᬯᬭᬦᬾᬚᬦᬶᬳᬶᬢᬸᬂ᭞ᬧᬂᬦᬸᬚᬸᬯᬬ᭠
ᬦᬾᬳᬫ᭄ᬩᬄ᭟ᬫᬧᬦ᭄ᬤᬶᬦᬦᬾᬫᬮᬶᬄ᭞ᬦᬾᬧᬢ᭄ᬧᬢ᭄ᬜᬯᬯ᭄ᬥᬡ᭞ᬅᬱ᭄ᬝᬶᬯ᭄ᬥᬡᬦᬾᬋᬓᭀ᭞ᬓᬭᬦᬶᬂᬢᬸᬗ᭄ᬮᬾᬄᬭᬶᬂᬯᬬ᭞ᬬᬦ᭄ᬢᬦ᭄ᬫᬗᬲ᭄ᬢᬶᬯ᭄ᬥᬦᬶᬸ
[᭒᭙ 29A]
ᬡ᭞ᬤᬤ᭄ᬯᬢ᭄ᬭᬶᬯᬭᬦᬾᬢᬸᬚᬸ᭞ᬓᬾᬯᬮᬬᬶᬸᬯᬬᬩ᭄ᬬᬦ᭄ᬢᬭ᭟ᬉᬭᬶᬧᬾᬢ᭄ᬮᬸᬮᬲ᭄ᬫᬮᬶᬄ᭞ᬢᬦ᭄ᬳᬫ᭄ᬩᬄᬭᬶᬂᬧᬢᬶᬢᬶᬯᬦ᭄᭞ᬗᭂᬮᬄᬳᬸᬭᬶᬧᬾᬰᬸᬓ᭄ᬭ᭠
ᬧᭀᬦ᭄᭞ᬲᬋᬂᬲᭀᬭᬶᬯᬕᬾᬳᬶᬓ᭞ᬲᬹᬃᬬ᭄ᬬᬓᬮᬶᬯᭀᬦ᭄ᬳᬶᬓ᭞ᬓᬮᬕᭀᬢᭀᬗᬦ᭄ᬬᬤᬶᬢᬸ᭟ᬧᬸᬦᬶᬓᬚ᭄ᬯᬳᬾᬮᬶᬗᬂ᭟ᬧᬢ᭄ᬩᭂᬮᬲ᭄ᬳᬸᬭᬶᬧᬾᬚᬦᬶ᭞ᬤᬶ
ᬦ᭄ᬰᬸᬓ᭄ᬭᬓ᭄ᬮᬶᬯᭀᬦᬶᬸᬦ᭄ᬓᭀᬘᬧ᭄᭞ᬲᭀᬭᬶᬉᬫᬦᬶᬲ᭄ᬲᬋᬂᬋᬓᭀ᭞ᬭᬤᬶᬢᬿᬧᬳᬶᬂᬲᬋᬂᬦ᭄ᬬ᭞ᬢᬦ᭄ᬳᬫ᭄ᬩᬄᬧᬢᬢᬶᬯᬦ᭄᭞ᬫᬳᬤᬦ᭄ᬲᭂᬫᬸᬢ᭄ᬲᬤᬸ
ᬮᬸᬃ᭞ᬧᬸᬦᬶᬓᬚ᭄ᬯᬳᬾᬮᬶᬗᬂ᭟ᬰᬸᬓ᭄ᬭᬓᬺᬱ᭄ᬡᬘᬢᬸᬃᬤᬰᬶ᭞ᬢᬶᬍᬫ᭄ᬧᬹᬃᬡᬫᬦᬾᬓᭀᬘᬧ᭄᭞ᬅᬗ᭄ᬕᬭᬓᬮᬶᬯᭀᬦ᭄ᬩᬸᬤᬓᬮᬶᬯᭀᬦ᭄᭞
