[᭒᭔ 24B]
᭒᭔
ᬗᭂᬦᬂᬢᬸᬯᬦᬾ᭞ᬦᬶᬦᬶᬢᬸᬯᬳᭂᬗ᭄ᬲᭂᬓ᭄᭞ᬩᬸᬓᬮᬦ᭄ᬢᬶᬕ᭄᭞ᬩᬩᭂᬓ᭄ᬓᬲᭂᬧᬢᬶᬦ᭄᭞ᬓᬓᬚᬾᬢ᭄ᬧᬶᬢᬸᬢᬸᬃ᭚ᬲᬫ᭄ᬧᬸᬭᬬᬂ᭞ᬜᬳᬶᬲᬋᬂᬲᬫᬶ᭞ᬦᬶᬦᬶᬢᬸᬯᬜᭀᬜᭀᬄ᭞ᬚᬢᬦ᭄ᬧᬶᬓᬸᬦ᭄᭞ᬲ᭄ᬭᬶᬂ
ᬗᬦ᭄ᬤᬂᬗᬜ᭄ᬚᬸᬳᬾ᭞ᬲᬫ᭄ᬧᬸᬦ᭄ᬜᬳᬶᬜ᭄ᬓᭂᬮᬦ᭄ᬭᬶᬂᬦᬶᬦᬶ᭞ᬳᬦᬓ᭄ᬢᬸᬯᬶᬧᬮᬶᬂ᭞ᬚᬢᬂᬧᬢᬶᬓᬘᬸᬄ᭚ᬢᬦ᭄ᬓᬘ᭄ᬭᬶᬢᬦ᭄᭞ᬢᬶᬗ᭄ᬓᬳᬾᬭᬶᬂᬧᬸᬭᬶ᭞ᬦᬾᬭᬶᬂᬓᬦᬋᬓᭀ᭞ᬧᭀᬳᬦ᭄ᬢᬶᬓᬳᬾ᭞ᬯᬶ
ᬭᬾᬄᬲᬦᬫ᭄ᬧᬸᬦ᭄ᬓᬲ᭄ᬭᬫ᭄ᬩᬳᬦ᭄ᬓᬮᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬚᬦᬶᬢᬦᬸᬭᬸᬂᬫᬫᬗ᭄ᬕᬸᬄᬍᬩᬹᬃ᭚᭜᭚ᬧᬗ᭄ᬓᬸᬃ᭚᭜᭚ᬓᬘ᭄ᬭᬶᬢᬲᬗᬃᬚ᭄ᬚᬸᬡ᭞ᬕ᭄ᬮᬶᬲ᭄ᬦᬶᬜ᭄ᬘᬧ᭄ᬚᬚᬳᬦ᭄ᬤ᭄ᬯᬭᬯᬢᬶ᭞ᬧᬫᬃᬕ᭄ᬕᬶᬦᬾᬲ
ᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬢᬦᬄᬧ᭄ᬭᬩᬲᬢᬶᬃᬢ᭄ᬣ᭞ᬧᬩᬗᭂᬢ᭄ᬲᭂᬥᬶᬄ᭞ᬜᬶᬗᬓ᭄ᬭᬸᬲᬓ᭄ᬯᬢᭂᬓ᭄ᬬᬤᬸ᭞ᬩᬲ᭄ᬓᬢᬳᬾᬓᬳᬾᬓᬳᬾᬮᬶᬗᬦ᭄ᬳᬾᬤᬵᬭᬸᬓᬶ᭚ᬗ᭄ᬮᬶᬦ᭄ᬢᬂᬭᬶᬂᬧ᭄ᬭᬩᬲᬢᬶᬃᬢ᭄ᬣ᭞ᬲᬗᬃᬚ᭄ᬚᬸᬡᬵ᭠
[᭒᭕ 25A]
ᬫᬲᬋᬗᬦ᭄ᬲᬂᬤᬵᬭᬸᬓᬶ᭞ᬲᬫ᭄ᬧᬸᬦᬫ᭄ᬧᭂᬓ᭄ᬭᬶᬂᬧᬸᬭᬶᬳᬕᬸᬂ᭞ᬲᬵᬫ᭄ᬧᬸᬦ᭄ᬦᬶᬜ᭄ᬘᬧ᭄ᬦᬵᬕᬭ᭞ᬤ᭄ᬯᬭᬯᬢᬶ᭞ᬓᬧᬗ᭄ᬕᬶᬄᬲ᭄ᬯᬢᭂᬓ᭄ᬬᬤᬸ᭞ᬲᬾᬱᬦᬶᬂᬫᬢᬶᬫᬧ᭄ᬭᬂ᭞ᬓ᭄ᬦᬶᬲᬗ᭄ᬕᬭᬦᬶᬂᬓᬮᬶ᭚ᬲᬗᬃᬚ᭄ᬚᬸᬡᬵᬗ
ᬧᬸᬭᬶᬬᬂ᭞ᬲᬫ᭄ᬧᬸᬦ᭄ᬧᬗ᭄ᬕᬶᬄᬲᬶᬦᬸᬳᬸᬦ᭄ᬮᬶᬗ᭄ᬲᬶᬃ᭞ᬲᬂᬨᬮ᭄ᬕᬸᬡᬢᬦ᭄ᬤᬤᬶᬫᬢᬸᬃ᭞ᬓᬓᭀᬲᭂᬓᬦ᭄ᬭᬶᬂᬘᬶᬢ᭄ᬢ᭞ᬢᬦ᭄ᬓᬲᬯᬸᬃᬓᬲᬧᬭᬶᬂᬧᬭᬯᬤᬸ᭞ᬳᬶᬲ᭄ᬢ᭄ᬭᬶᬦᬾᬪᬝᬵᬭᬓᬺᬱ᭄ᬡᬵ᭞ᬓᬢᬄᬳᬶᬓᬦᭂᬫ᭄
ᬩ᭄ᬮᬲ᭄ᬢᬮᬶ᭚ᬭᬱᬮᬮᬶᬭᬶᬂᬧᬮᬶᬗ᭄ᬕ᭄ᬬᬦ᭄᭞ᬯᬶᬭᬾᬄᬭᬗ᭄ᬓᬸᬂᬤᬸᬓᬶᬢᬦᬾᬢᬦ᭄ᬲᬶᬧᬶ᭞ᬜᭂᬫ᭄ᬩᬄᬭᬶᬂᬗᬩ᭄ᬭᬲᬶᬦᬸᬳᬸᬦ᭄᭞ᬪᬝᬵᬭᬩᬲᬸᬤᬾᬯ᭞ᬓᬤᬶᬤᬯᬸᬢ᭄ᬤᬸᬄᬜᬶᬗᬓ᭄ᬲᬂᬯᬯᬸᬭᬯᬸᬄ᭞ᬲ᭄ᬭᬯᬸᬳᬾ
ᬲᬗᬃᬚ᭄ᬚᬸᬡ᭞ᬫᬫᬓᬸᬮ᭄ᬧᬤ᭄ᬤᬲᬂᬓᬓᬶ᭚ᬯᬯᬸᬘᬶᬗᬓ᭄ᬳᬶᬤᬲᬂᬧᬃᬣ᭞ᬕ᭄ᬮᬶᬲ᭄ᬗ᭄ᬮᬶᬮᬶᬃᬲᬶᬦᬸᬳᬸᬦ᭄ᬮᬶᬗ᭄ᬲᬶᬃ᭞ᬲᬂᬧᬃᬣᬮᬯᬸᬢ᭄ᬓᬭᬗ᭄ᬓᬸᬮ᭄᭞ᬗᬦ᭄ᬤᬶᬓᬫ᭄ᬕᬢ᭄ᬫᭂᬕᬢ᭄᭞ᬲᬸᬩᬢᭂᬮᬄᬳᭀᬜᬲ
Kaca:Bali-lontar-paparikan-uwug-rusak-dwarawati-300ppi.pdf/25
Kaca puniki sampun kauji-wacén
