[᭒᭐ 20B]
᭒᭐
ᬲ᭄᭞ᬫᭂᬫᬃᬕ᭄ᬕᬶᬓᬢᬶᬮᬃ᭞ᬲᬓᬢᬄᬲᬂᬫᬬᬸᬥ᭞ᬳᬃᬱᬗᬢᭂᬃᬧᬭᬳᬶᬲ᭄ᬢ᭄ᬭᬶ᭞ᬗᬸᬗ᭄ᬲᬶᬦᬵᬕᬭ᭞ᬚ᭄ᬭᭀᬓᬸᬝᬵᬤ᭄ᬯᬭᬯᬢᬶ᭚ᬭᬶᬲ᭄ᬫᬋᬓᬳᬾᬩ᭄ᬭᬲᬶᬦᬸᬳᬸᬦ᭄ᬩᬲᬸᬤᬾᬯ᭞ᬫᬭᬶᬂᬚ᭄ᬭᭀᬦᬶᬂ
ᬧᬸᬭᬶ᭞ᬓᬧᬗ᭄ᬕᬶᬄᬫᬲᬋᬗᬦ᭄᭞ᬧ᭄ᬭᬫᬾᬰ᭄ᬯᬭᬶᬢᭂᬢᬶᬕ᭞ᬤᬾᬯᬶᬭᭀᬳᬶᬘᬶᬤᬯᬢᬶ᭞ᬩᬤ᭄ᬯᬯᬳᬶᬭ᭞ᬲᬶᬦᬸᬳᬸᬦ᭄ᬳᬭᬶᬫᬸᬃᬢ᭄ᬢᬶ᭚ᬫᬢᬸᬃᬜᭂᬫ᭄ᬩᬄᬢᬸᬃᬭᬭᬶᬲ᭄ᬗ᭄ᬭᬗ᭄ᬓᬸᬮ᭄ᬧᬤ᭞ᬫᬢᬸᬃᬬ
ᬦ᭄ᬲᬫ᭄ᬧᬸᬦ᭄ᬲᬫᬶ᭞ᬢ᭄ᬮᬲ᭄ᬓᬭᬸᬲᬲᬦ᭄᭞ᬲᬓᬢᬄᬬᬤᬸᬯᬗ᭄ᬰ᭞ᬓᬢ᭄ᬓᬦ᭄ᬰᬧᬦᬶᬂᬋᬱᬶ᭞ᬲᬸᬳᬸᬦᬦ᭄ᬮᬶᬬᬗᬂ᭞ᬓᬂᬳᬦᬓ᭄ᬦᬸᬳᬸᬦ᭄ᬫᬧᬫᬶᬢ᭄᭚ᬢᬦ᭄ᬧᬓᬵᬃᬬ᭄ᬬᬯᬶᬭᬾᬄᬲᬫᬶᬧᬥᬢ᭄ᬮ
ᬲ᭄᭞ᬲᬓᬢᬳᬶᬂᬬᬤᬸᬯᬺᬱ᭄ᬡᬶ᭞ᬫᬗ᭄ᬤᬓᬮᬸᬕ᭄ᬭᬳᬂ᭞ᬓᬗᬦᬓ᭄ᬗ᭄ᬯᬦᬵᬯᬰ᭞ᬫᬗᬸᬗ᭄ᬲᬶᬫᬃᬕᬶᬦᬶᬂᬫᬸᬮᬶᬄ᭞ᬭᬶᬂᬯᬶᬱ᭄ᬡᬸᬩ᭄ᬯᬦ᭞ᬲᬫ᭄ᬧᬸᬦ᭄ᬯᬦᭂᬄᬳᬶᬭᬶᬓᬶ᭚ᬧᬯᬾᬲ᭄ᬢ᭄ᬭᬶᬦᬾᬓᬂᬗᬦᬓ᭄
[᭒᭑ 21B]
ᬲᬫᬶᬬᬦ᭄᭞ᬲᬸᬳᬸᬦᬦ᭄ᬫᬶᬘᬬᬂᬲᬫᬶ᭞ᬭᬶᬂᬬᬤᬶᬅᬃᬚ᭄ᬚᬸᬡ᭞ᬫᬶᬯᬄᬲᬲᬾᬦ᭄ᬢᭂᬮᬲ᭄᭞ᬯᬢᭂᬓ᭄ᬬᬤᬸᬯᬢᭂᬓ᭄ᬯᬺᬱ᭄ᬡᬶ᭞ᬦᬸᬮᬶᬄᬫᬫᬃᬕ᭄ᬕ᭞ᬲᬶᬦᬸᬳᬸᬦ᭄ᬳᬭᬶᬫᬸᬃᬢ᭄ᬢᬶ᭚ᬧ᭄ᬭᬪᬸᬩᬲᬸᬤᬾᬯ
ᬓᭀᬲᭂᬓ᭄ᬭᬶᬂᬘᬶᬢ᭄ᬢ᭞ᬳᬓᬾᬄᬧᬭᬯᬾᬲ᭄ᬢ᭄ᬭᬶᬦᬗᬶᬲ᭄᭞ᬧᬥᬲᭂᬓ᭄ᬭᬶᬂᬘᬶᬢ᭄ᬢ᭞ᬩᬶᬗᬸᬂᬢᬢᬦ᭄ᬧᬤᬬ᭞ᬢᬦ᭄ᬓᭀᬘᬧ᭄ᬲᬂᬳᬦᬾᬂᬧᬸᬭᬶ᭞ᬩᭂᬓᬦ᭄ᬮᬭ᭞ᬢᬗᬶᬲᬾᬗᬲᬶᬄᬳᬲᬶᬄ᭚ᬧ᭄ᬭᬪᬸᬓᬺ
ᬱ᭄ᬡᬵᬭᬯᬸᬄᬭᬶᬂᬧ᭄ᬭᬩᬲᬢᬶᬃᬢ᭄ᬣ᭞ᬲᬫ᭄ᬧᬸᬦ᭄ᬳᬶᬤᬢᭂᬧᬶᬂᬦᬶᬂᬚᬸᬭᬶᬢ᭄᭞ᬲᬫᬶᬓ᭄ᬯᬲᬧᬥᬂ᭞ᬲᬧᬦᬶᬂᬬᬤᬸᬯᬗ᭄ᬰ᭞ᬫᬗ᭄ᬤᬾᬤᬸᬓᬶᬢᬦᬶᬂᬳᬢᬶ᭞ᬳ᭄ᬦᭂᬓ᭄ᬓᬮᬶᬦ᭄ᬢᬂ᭞ᬫ᭄ᬭᬯᬢᭀᬬᬦᬶᬂᬗᬓ᭄ᬱᬶ᭚ᬳᬾᬮᬶᬂ
ᬓᬤᬸᬓ᭄ᬲᬂᬕᬡ᭄ᬥᬭᬶᬥᬺᬢᬭᬵᬱ᭄ᬝ᭄ᬭ᭞ᬤᬸᬓᬦᬾᬗᬸᬦᬶ᭞ᬩ᭄ᬭᬢᬦᬶᬂᬓᭀᬭᬯᬫᬓᬤᬶᬤᬸᬃᬬ᭄ᬬᭀᬥᬦ᭞ᬮᬭᬶᬲ᭄ᬓᬮᬶᬮᬬᬂᬕ᭄ᬮᬶᬲ᭄᭞ᬜᬸᬲᬸᬧ᭄ᬭᬶᬂᬳᬮᬲ᭄᭞ᬲᬶᬦᬸᬳᬸᬦ᭄ᬤ᭄ᬯᬭᬯᬢᬶ᭚ᬫᬺᬫᬶᬂ
Kaca:Bali-lontar-paparikan-uwug-rusak-dwarawati-300ppi.pdf/21
Kaca puniki sampun kauji-wacén
