[᭑᭘ 18B]
᭑᭘
ᬧ᭄ᬚᬄ᭞ᬭᬶᬂᬘᬦ᭄ᬤᬶᬲᬸᬲᬸᬦᬦ᭄ᬫᬮᬶᬄ᭚ᬭᬗ᭄ᬓᬸᬂᬓ᭄ᬭᭀᬥᬲᬫᬶᬭᬵᬚᬧᬸᬢ᭄ᬭ᭞ᬧ᭄ᬭᬤ᭄ᬬᬸᬫ᭄ᬦᬵᬫᬶᬦᬓᬤᬶ᭞ᬲᬂᬲᬢ᭄ᬬᬓᬵᬲᬫ᭄ᬪ᭞ᬩᬤ᭄ᬭᬳᬃᬬ᭄ᬬᬲᬸᬤᬾᬱ᭄ᬡᬶ᭞ᬤᬶᬲᬂᬭᬧ᭄ᬭᬫᬓᬫᬮᬶᬄ᭞ᬦᬵᬢᬦ᭄ᬓᬾ
ᬯ᭄ᬯᬰ᭞ᬲᬶᬦᬲᬶᬄᬲᬸᬦᬦ᭄ᬓᬮᬶ᭚ᬭᬗ᭄ᬓᬸᬂᬭᬶᬯᬸᬢ᭄ᬓ᭄ᬭᭀᬥᬓᬮᬦ᭄ᬢᬓ᭞ᬯᬶᬢ᭄ᬫᬢᬶᬲᬢ᭄ᬬᬓᬶ᭞ᬭᬶᬩᬸᬢ᭄ᬳᬭᬸᬳᬭ᭞ᬬᬤᬸᬯᬗ᭄ᬰᬲᬫᬶᬬᬦ᭄᭞ᬓᬲᬸᬲᬸᬧᬦ᭄ᬰᬗ᭄ᬕᬭᬵᬕ᭄ᬦᬶ᭞ᬫᬲᬗ᭄ᬕᬵᬭᬸ
ᬯᬦ᭄᭞ᬮᬸᬫᬾᬫ᭄ᬩᬸᬓ᭄ᬓᬤᬶᬧᬲᬶᬄ᭞᭚ᬲᬫᬶᬩᬶᬗᬸᬂᬲᬓᬤᬶᬯᭀᬂᬧᬸᬜᬄ᭞ᬫᬢᭂᬫ᭄ᬧᬸᬄᬲᬶᬮᬶᬄᬳᬸᬓᬶᬄ᭞ᬫᭀᬤᭂᬭᬦ᭄ᬧᬕᬶᬬᬓ᭄᭞ᬧᬧᬢᬶᬄᬧᬚᬸᬮᬾᬫ᭄ᬧᬂ᭞ᬓᬢᬄᬋᬩᬄᬓᬢᬄᬓ᭄ᬦᬶ᭞᭠
ᬪᬝᬵᬭᬓᬺᬱ᭄ᬡᬵ᭞ᬲᬂᬯᬩ᭄ᬭᬸᬲᬂᬤ᭄ᬭᬸᬓᬶ᭞᭚ᬲᬋᬂᬢᬶᬕᬵᬗ᭄ᬭᬸᬭᬸᬄᬰ᭄ᬭᬷᬩᬮᬤᬾᬯ᭞ᬲᬵᬫ᭄ᬧᬸᬦ᭄ᬓᬧᬗ᭄ᬕᬶᬄᬫᬮᬶᬗ᭄ᬕᬸᬄ᭞ᬭᬶᬂᬯᬶᬢ᭄ᬓᬬᬸᬫᬲᬥᬄ᭞ᬗ᭄ᬕᬯᬾᬬᭀᬕᬵᬘᬭᬡ᭞ᬲᬓᬾᬂᬘᬗ᭄ᬓᭂ
[᭑᭙ 19B]
ᬫᬦ᭄ᬢᭂᬦ᭄ᬫᬶᬚᬶᬮ᭄᭞ᬫᬭᬸᬧᬦᬕ᭞ᬯᬃᬡ᭄ᬦᬦᬾᬳᬮᬸᬲ᭄ᬧᬸᬢᬶᬄ᭚ᬢᬸᬃᬓᬧᭂᬦ᭄ᬤᬓ᭄ᬳᬦ᭄ᬢᬸᬓ᭄ᬦᬶᬂᬦᬕᬵᬲᬫ᭄ᬬᬦ᭄᭞ᬦ᭄ᬤᬳᬓ᭄ᬱᬓᬵᬫᬮᬶᬄ᭞ᬧᬹᬦ᭄ᬥᬤᬭᬶᬓᬂᬳ᭄ᬭᬤ᭄ᬥ᭞ᬓᬸᬫᬸᬥᬮᬦ᭄ᬤᬸᬃᬫᬸᬓᬵ᭞ᬧ᭄ᬭᬩ᭄ᬭ
ᬢᬶᬫᬶᬯᬄᬫᬓᬤᬶ᭞ᬲᬂᬳ᭄ᬬᬂᬩᬭᬸᬡ᭞ᬫᬧᬕ᭄ᬲᬂᬳ᭄ᬬᬂᬩᬲᬸᬓᬶ᭞᭚ᬧᬜᬧᬦᬾᬓᬢᬸᬭᬦ᭄ᬯᬲᬸᬄᬧᬤ᭞ᬦᬸᬮᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬸᬭᬸᬦ᭄ᬭᬶᬂᬲᬫᬸᬤ᭄ᬭ᭞ᬢᬸᬃᬮᬭᬶᬲ᭄ᬓᬧᬢᬮ᭞ᬲᬫ᭄ᬧᬸᬦ᭄ᬳᬶᬤ
ᬢᬦ᭄ᬳᬾᬦᬓ᭄ᬱᬶ᭞ᬰ᭄ᬭᬷᬩᬮᬤᬾᬯ᭞ᬲᬸᬲᬸᬦᬦ᭄ᬤ᭄ᬯᬭᬯᬢᬶ᭚ᬓ᭄ᬮᬗ᭄ᬓᬸᬂᬤᬸᬓᬦᬾᬳᬶᬤᬰ᭄ᬭᬷᬧ᭄ᬭᬪᬸᬓᬺᬱ᭄ᬡᬵ᭞ᬫᬭᬯᬢ᭄ᬢᭀᬬᬦᬓ᭄ᬱᬶ᭞ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬘᬳᬶᬤ᭄ᬭᬸᬓᬶᬓ᭄ᬫᬵ᭞ᬤᬶᬕ᭠
ᬢᬶᬳᬢᬸᬭᬶᬦ᭄᭞ᬬᬤᬶᬅᬃᬚ᭄ᬚᬸᬡ᭞ᬫᬗ᭄ᬤᬾᬦᬾᬢ᭄ᬓᬕᬢᬶ᭚ᬢᬸᬃᬫᬫᬃᬕ᭄ᬕᬶᬳᬶᬤᬭᬸᬓᬶᬕᭂᬕᭂᬮᬶᬲᬦ᭄᭞ᬭᬶᬂᬇᬦ᭄ᬤ᭄ᬭᬧ᭄ᬭᬱ᭄ᬝᬵ᭞ᬫᬶᬲᬭᬲᬂᬧᬡ᭄ᬥᬯᬵ᭞ᬲᬂᬯᬩ᭄ᬭᬸᬓᬦ᭄ᬤᬶᬓᬬᬂ᭞ᬫᬦ᭄ᬢᬸᬓ᭄ᬗ᭠
Kaca:Bali-lontar-paparikan-uwug-rusak-dwarawati-300ppi.pdf/19
Kaca puniki sampun kauji-wacén
