[᭙᭗97B]
᭙᭗᭞ᬜ᭄ᬘᬦ᭄ᬲᬶᬗᬶᬦ᭄᭞ᬲᬓᬜ᭄ᬘᬦ᭄ᬜᬲᬸᬩᬧᬱ᭄ᬤᬶ᭞ᬲᬂᬕᬭᬥᬓ᭄ᬦᬧᬶᬜ᭄ᬘᬓ᭄᭞ᬓᬲᭀᬂᬫᬭᭀᬂᬗᬦ᭄᭞ᬗ᭄ᬮᬯᬦ᭄ᬳᭂᬫ᭄ᬧᬲ᭄᭞ᬚ᭄ᬭᭀᬦᬶᬂᬧᬮᬶᬄ᭞ᬫᬸᬲᬸᬄᬮ᭄ᬬᬸ᭞ᬫᬧᬗ᭄ᬓᬧᬗ᭄ᬓᬫᬮᬶᬯᬢ᭄᭟ᬚ᭄ᬮᬾᬦᬾᬓᬸᬭᬂᬧ᭄ᬭᬤᬢ᭞ᬓᬲ᭄ᬯᬾ
ᬦ᭄ᬓᬧᬶᬳᬲᭂᬫ᭄ᬲᬳᬶ᭞ᬳᬶᬮᬗᭂᬦᬃᬫᬫᬸᬜᬶᬩᬦ᭄ᬩᬦ᭄᭞ᬓ᭄ᬦᭂᬄᬳᬭᬫᬜ᭄ᬚᬮᬦᬶᬦ᭄᭞ᬳᬾᬗ᭄ᬕᬮᬂᬧᬶᬲᬦ᭄ᬫᬦᬶ᭞ᬳᬧᬂᬲᬸᬩᬦᭂᬦ᭄ᬦᬶᬭᬸ᭞ᬚᬸᬭᬸᬩᭀᬭᭀᬲᬾᬮᬯᬲ᭄᭞ᬳᬤᬦᭂᬧᬸᬓᬶᬦ᭄ᬲᬸᬮᬶᬗ᭄ᬕᬶᬄ᭞ᬦᬸᬚᬸᬤᬶᬢᬸ᭞ᬫᬮᬩ
ᬳᬦ᭄ᬫᬶᬜᬓ᭄ᬧᭂᬳᬦ᭄᭟ᬜᭀᬗ᭄ᬓᭀᬓ᭄ᬦᬸᬮᬾᬗᬾᬓ᭄ᬫᬮ᭄ᬬᬢ᭄᭞ᬫᬼᬤᬾᬢ᭄ᬯᬭᬕᬶᬕᬶᬲ᭄᭞ᬫᬢᬸᬃᬧᬸᬦᬧᬶᬧᬸᬦᬶᬓ᭞ᬳᬬᬸᬦᬂᬧᬦᬡ᭄ᬥᬓ᭄᭞ᬫ᭄ᬦᭂᬂᬧᬤᬡ᭄ᬥᬓᬭᬶ᭞ᬫᬫᭀᬦᬩ᭄ᬭᬢᬓᬕᬤᬄ᭞ᬩ᭄ᬯᬶᬦ᭄ᬫᬢᬸᬃᬦ᭄ᬤᬯᭂᬕᬂ᭞ᬢᬶᬢ᭄ᬬᬂ
ᬫᬗ᭄ᬮᬸᬂᬲᬸᬃᬳᬓᬶᬤᬶᬓ᭄᭞ᬯᬸᬲ᭄ᬫᬫᭀᬦ᭞ᬧᬤᬡ᭄ᬥᬳᬮᬸᬲ᭄ᬗᬦ᭄ᬤᬶᬓ᭟ᬦᬾᬚ᭄ᬫᬓ᭄ᬘᬭᬶᬓᬦ᭄ᬦᬶᬭ᭞ᬫᬤᬦ᭄ᬓᬺᬢᬮᬶᬯᬢ᭄ᬲᬸᬘᬶ᭞ᬩᬪᬸᬓ᭄ᬢ᭄ᬬᬦ᭄ᬯᬢᭂᬓ᭄ᬧᬡ᭄ᬥᬶᬢ᭞ᬳᬫᬄᬳᬶᬦ᭄ᬤᬬᬂᬘᬶᬘᬶᬧᬶᬦ᭄᭞ᬜ᭄ᬚᭂᬫ᭄ᬮᬳᬸᬢ᭄ᬓᭂᬤ
[᭙᭘98A]
ᬧᬶᬦ᭄᭞ᬭᬲᬚᬳᭂᬦ᭄ᬩ᭄ᬯᬶᬦ᭄ᬫᬸᬯᬸᬓ᭄᭞ᬳᬗᭀᬩ᭄ᬫᬦ᭄ᬢᭂᬕᬶᬦ᭄ᬢᬗ᭄ᬓᬄ᭞ᬤᬶᬚᬲᬶᬧᬤᬡ᭄ᬥᬧᭀᬮᬶᬄ᭞ᬧᬲᬳᬸᬭᬾ᭞ᬳᭂᬦ᭄ᬢᭀᬤᬶᬲᬫ᭄ᬧᬶᬦᬾᬩᬓᬢ᭄᭟ᬩ᭄ᬮᭀᬕ᭄ᬘᭀᬗᭀᬮ᭄ᬓᬤᬸᬓ᭄ᬮᭀᬩ᭞ᬢ᭄ᬯᬭᬦᬯᬂᬲᬶᬧ᭄ᬢ᭄ᬢᬦ᭄ᬫᬸᬜᬶ᭞
ᬩ᭄ᬯᬶᬦ᭄ᬫᬢᬸᬃᬢᬶᬢ᭄ᬬᬂᬦ᭄ᬤᬯᭂᬕᬂ᭞ᬦᬯᬸᬲᬫ᭄ᬧᬶᬦᬾᬧᬸᬦᬶᬓᬶ᭞ᬓᬤᬶᬧᬢᬸᬢᬶᬂᬳᬚᬶ᭞ᬧᬤᬡ᭄ᬥᬳᬮᭀᬦᬲᬳᬸᬃ᭞ᬦᬳ᭄ᬮᬳᬸᬢ᭄ᬲᬸᬩᬩᬬᬄ᭞ᬳᬚᬶᬓᬸᬢᬸᬲ᭄ᬢᬮᬶᬧᬶᬲ᭄᭞ᬲᬸᬩᬓᬢᬸᬃ᭞ᬧᬫ᭄ᬩᬬᬄᬜᬦᬾᬓᬢᬗ᭄ᬕᬧ᭄᭟
ᬳᬶᬚᬸᬭᬸᬩᭀᬭᭀᬲ᭄ᬢᬸᬃᬩᬸᬤᬮ᭄᭞ᬢ᭄ᬓᭂᬤᬾᬚᬫᬄᬧᬶᬤᬾᬦᬶᬦ᭄᭞ᬳᬶᬤᬶᬳᬶᬦᬼᬫ᭄ᬩᬸᬦᬾᬧᭂᬳᬦ᭄᭞ᬤᬶᬓᬧᬦ᭄ᬳᬤᬧᬓ᭄ᬢᬶᬮ᭄᭞ᬬᬾᬦ᭄ᬢᬦ᭄ᬩᬶᬲᬫᬶᬦᭂᬳᬶᬦ᭄᭞ᬓᬾᬢᭀᬳᬸᬧᬬᬦᬾᬢᬢᬸᬢ᭄᭞ᬬᬾᬦ᭄ᬢᬦ᭄ᬧᬘᬂᬚᬦᬶᬸᬮ
ᬦᬂ᭞ᬢ᭄ᬓᬾᬦ᭄ᬫᬸᬲᬸᬳᬾᬳᬋᬧᬶᬦ᭄᭞ᬢᬦ᭄ᬧᬕᬯᬾ᭞ᬓᬾᬦᬾᬩ᭄ᬯᬶᬦ᭄ᬳᬤᬲᬢ᭄ᬯ᭟ᬢ᭄ᬯᬭᬳᬤᬫᬸᬲᬸᬄᬭᬸᬲᬓ᭄᭞ᬩᬦ᭄ᬓ᭄ᬭᬸᬦᬬᬾᬦ᭄ᬢᬜ᭄ᬚᬮᬦᬶᬦ᭄᭞ᬳᬶᬓᭀᬤᭀᬓ᭄ᬓᭂᬤᬾᬓ᭄ᬫᬗᬓᬓ᭄᭞ᬩ᭄ᬦᭂᬄᬬᬾᬦ᭄ᬫᬲ᭄ᬬᬢ᭄ᬧᬢ
Kaca:Bali-lontar-paparikan-tantri-03-250ppi.pdf/98
Kaca punika durung kauji-waca
