[᭙᭒92B]
᭙᭒ ᬧᬗ᭄ᬓᬶᬦ᭄ᬜᬶᬦ᭄ᬤᬂᬬᬢ᭄ᬦᬬᬢ᭄ᬦ᭞ᬓ᭄ᬦᬶᬲᬾᬗᭂᬄᬓ᭄ᬦᬶᬳᬸᬦᬶᬂ᭞ᬭᬶᬂᬲᭀᬮᬄᬧᬲ᭄ᬩᭂᬂᬳᬦᬓ᭄᭞ᬗᬫᬃᬕ᭄ᬕ᭄ᬬᬂᬳᬸᬧᬬᬲᬦ᭄ᬥᬶ᭞ᬫᬗᭂᬧᬾᬢ᭄ᬲᬓᬶᬂᬲᬶᬮᬶᬩ᭄᭞ᬯᬾᬦ᭄ᬢᭂᬦ᭄ᬫᬤᬮᬶᬳᬦ᭄ᬲᬥᬸ᭞ᬯᬾᬦ᭄ᬢᭂᬦ᭄ᬫᬫ᭄ᬩᭂᬮᭀᬕ᭄ᬗ᭄ᬕᭂᬩ᭄ᬭᬕ᭄ ᭞ᬓᬤᬶᬯᬾᬦ᭄ᬢᭂᬦ᭄ᬲᬢ᭄ᬯᬯᬶᬳᬶᬦ᭄᭞ᬓᬫ᭄ᬩᬶᬂᬳ᭄ᬮᬸᬄ᭞ᬯᬲ᭄ᬢᬦ᭄ᬳᬶᬧᬸᬦ᭄ᬳᬶᬫᬾᬲᬓ᭟ᬯᬳᬸᬲᭂᬕᭂᬃᬲᬓᬶᬢ᭄ᬭᬳᬢ᭄᭞ᬫᬤ᭄ᬯᬾᬧ᭄ᬬᬦᬓ᭄ᬳᬲᬶᬓᬶ᭞ᬓᬭᬶᬫᬜᭀᬜᭀᬢᬸᬡᬤᬄ᭞ᬫᬯᬲ᭄ᬢᬳᬶᬯᬶᬯᬶᬗ᭄ᬲᬮᬶ᭞ᬤᭀᬬ ᬦ᭄ᬫᬘᬦ᭄ᬤᬫᬸᬗᬶᬮ᭄᭞ᬲᬩ᭄ᬭᬦ᭄ᬓᬳᬚᬓ᭄ᬢᬸᬃᬗᬶᬢᬸᬢ᭄᭞ᬳᬶᬫᬾᬲᬓᬗᬦ᭄ᬤᬶᬓ᭞ᬳ᭄ᬦᬸᬜᬳᬶᬳᬓ᭄ᬚᭂᬧ᭄ᬤᬶᬤᬶ᭞ᬳᬶᬭᬜᬸᬩ᭄ᬲᬸᬩ᭄᭞ᬫᬮᬮᬶᬓᬕᬸᬦᬸᬂᬳᬮᬲ᭄᭞ᬫᬫᭂᬂᬧᭂᬂᬓᬫᬭᬸᬓ᭄ᬲᬚ᭞ᬢᬫ᭄ᬧᬓᬾᬫᬓ᭄ᬮᭀᬲᬓᬶ ᬢ᭄᭞ᬫᬾᬫᬾᬮ᭄ᬯᬲ᭄ᬗᬮᬶᬄᬳᬫᬄᬳᬫᬄ᭞ᬳᬶᬯᬶᬯᬶᬂᬲᬮᬶᬫᬫᬸᬜᬶ᭞ᬢ᭄ᬬᬂᬫᬶᬮᬸᬫᬗᬮᬶᬄ᭞ᬤᭀᬦ᭄ᬓᬬᬸᬦᬾᬮᬸᬫ᭄ᬩᬂ᭞ᬲᬸᬩᬫᬚᬮᬦ᭄ᬲᬯᬢ᭄᭞ᬩᬸᬓᬢᬦᬶᬧᬧᬦᬾᬭᬶᬂ᭞ᬩᬗᬶᬫ᭄ᬧᬸᬓ᭄ᬳᬶᬧᬸᬓ᭄᭞ᬫᬶᬮᬶᬳᬶᬦ᭄ᬲᭀᬭᭀᬄᬤᭀ
[᭙᭓93A]
ᬦ᭄ᬤᭀᬦᬦ᭄᭟ᬳᬤᬫᬘᬦ᭄ᬫᬗᬦ᭄ᬢᭂᬦᬂ᭞ᬲᬫᭀᬂᬳᬤᬦ᭄ᬜᬜᬸᬮᬶᬗ᭄ᬕᬶᬄ᭞ᬘᬦᭂᬕ᭄ᬤᬤᬶᬗ᭄ᬭᬲᬭᬲ᭞ᬳᬶᬄᬳᬧᬲᬶᬦᬾᬢᭂᬧᬸᬓᬶᬦ᭄᭞ᬫᬶᬦᬩ᭄ᬩᬸᬭᭀᬦ᭄ᬳᬓᬶᬓᬶᬢ᭄᭞ᬳᬸᬍᬲ᭄ᬩᭂᬮᬂᬢᬦ᭄ᬤᬸᬓ᭄ᬧᬸᬦ᭄ᬢᬸᬮ᭄᭞ᬢᬸ ᬫ᭄ᬩᬾᬚᬦᬶᬗᬦ᭄ᬢᭂᬦᬂ᭞ᬮᬳᬸᬢᬂᬤᭂᬲᭂᬓᬂᬩᬶᬸᬦ᭄᭞ᬓᬢᬢᬦᬸᬢ᭄᭞ᬩᬶᬩᬶᬓᬲᬦ᭄ᬜᬦᬾᬢ᭄ᬓ᭟ᬫᬢᬦ᭄ᬤᭂᬮᬶᬓ᭄ᬫᬸᬜᬶᬮᭀᬭ᭞ᬲᬢᭀᬳᬧᬳᬶᬩᬫᬳᬶ᭞ᬤᬶᬩᭂᬢᬾᬓᬚᬸᬫᬄᬳᬶᬭ᭞ᬢ᭄ᬯᬭᬦᬯᬂᬳᬮᬲ᭄ᬲᬶᬫ᭄ᬩᬶ ᬢ᭄᭞ᬓᬳᬶᬤᬤᬶᬧᬜᬓᬶᬢ᭄᭞ᬤᬶᬦᬶᬫᬯᬓ᭄ᬓᬮᬫᬺᬢ᭄ᬬᬸ᭞ᬧᬫᬢᬶᬦᬾᬫᬗ᭄ᬓᬶᬳᬦ᭄᭞ᬳᬶᬫᬾᬲᬓᬦ᭄ᬭᬲ᭄ᬜᬳᬸᬢᬶᬦ᭄᭞ᬩᬸᬓᬳᬗ᭄ᬕᬸᬦ᭄᭞ᬩᬶᬮᬄᬩᬶᬍᬄᬫᬢᬗᬦ᭄ᬤᬂ᭟ᬍᬄᬲᬂᬫᭀᬂᬮᬫᬸᬦ᭄ᬳᬶᬩ᭞ᬢᭀ ᬦ᭄ᬤᬾᬦ᭄ᬢᬢᬲ᭄ᬦᬯᬂᬓᬳᬶ᭞ᬦᬾᬓᬳᬶᬲᬸᬩᬢᬸᬮᬾᬦ᭄ᬜ᭞ᬦᬾᬚᬸᬭᬸᬗᬮᭀᬂᬳᬮᭀᬗᬶᬦ᭄᭞ᬗᬸᬤᬸᬄᬫᬘᬦᬾᬲᬳᬶ᭞ᬲᬓᬮᬮᬶᬫᬧᬧᬶᬢᬸ᭞ᬓᬾᬯᬮᬓᬳᬶᬳ᭄ᬜᬢ᭄᭞ᬫᬗᬸᬬᭂᬗᬂᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬲᬶᬤ᭄ᬥ
