᭗ [7B] ᬧ᭄ᬭᬪᬸᬯᬾᬩᬸᬄᬓᬲᬶᬦ᭄ᬤᬾᬦ᭄ᬢᬸᬗᭀᬤᬕ᭄᭞ᬧᬶᬮᬶᬄᬧᬶᬮᬶᬄᬲᬢᬦ᭄ᬤᬶᬂ᭞ᬢ᭄ᬓᬾᬦ᭄ᬧ᭄ᬭᬪᬸᬓᬺᬱ᭄ᬡ᭞ᬳᬦ᭄ᬢᬸᬓ᭄ᬭᬩᬶᬦᬾᬓᬢᬄᬩᬚᬂᬢᬸᬭᬶᬂᬳᬬᬸᬲᬫᬶ᭞ᬧᬾᬦ᭄ᬢᭂᬂᬧᬤᬓ᭄ᬱ᭞ᬧᬧᬢᬶᬳᬾᬜᬶᬭᬶᬦᬶᬦ᭄᭟ᬲᬩ᭄ᬭᬦ᭄ᬤᬶ
ᬦᬫᬗᬢᬸᬭᬂᬧᬧᬜ᭄ᬘᬶᬗᬦ᭄᭞ᬲᬺᬕᭂᬧ᭄ᬲᬧᬸᬮᬧᬮᬶ᭞ᬓᬲ᭄ᬯᬾᬦ᭄ᬳᬸᬘᬧᬂ᭞ᬲᬂᬧ᭄ᬭᬪᬸᬮᬶᬦ᭄ᬢᬂᬲᬸᬓ᭞ᬲᬓᬬᬸᬦ᭄ᬲᬶᬤ᭄ᬥᬫᬤᬕᬶᬂ᭞ᬤᬤ᭄ᬬᬜᬳᭀᬜ᭞ᬤᬳᬦᬾᬲ᭄ᬥᭂᬂᬫᬜ᭄ᬚᬶᬂ᭟ᬧᬢᬶᬄᬡᬡ᭄ᬥᬾᬰ᭄ᬯᬂᬬ᭄ᬬᬫ
ᬗ᭄ᬭᬲᬓᬾᬯᭂᬳᬦ᭄᭞ᬢᭀᬩᬸᬳᬸᬗᬦ᭄ᬦᭂᬧᬸᬓᬶᬦ᭄᭞ᬤᭀᬱᬧᬫᬶᬤᬦ᭄ᬤᬦ᭄᭞ᬲᬂᬧ᭄ᬭᬪᬸᬚᬦ᭄ᬢᭂᬦ᭄ᬳᬸᬄᬓ᭞ᬳᬶᬩᬸᬓ᭄ᬓᬲᬸᬳᬸᬗᬾᬗᬢ᭄ᬲᬶ᭞ᬜᬭᬸᬜᬭ᭄ᬯᬂᬲᭂᬲᭂᬓ᭄ᬓᬬᬸᬦᬾᬲ᭄ᬥᬶᬄ᭟ᬳᬤᬗᬮᬾᬫᬦᭀᬗᭀ
ᬲ᭄ᬢᭂᬧᬶᬦ᭄ᬢᬮᬕ᭞ᬫᬳᬸᬧᬘᬭᬩ᭄ᬘᬶᬓ᭄᭞ᬳᬬᬸᬗ᭄ᬓᬧᬸᬢ᭄ᬓᬸᬮᬦ᭄᭞ᬩᬳᬦ᭄ᬧᬸᬜᬦ᭄ᬳᬗ᭄ᬲᬦ᭞ᬧᬦ᭄ᬤᭂᬂᬫᬩᬸᬗᬫᬶᬬᬶᬓ᭄᭞ᬢᬫ᭄ᬩᬸᬮᬶᬮᬶᬗᬦ᭄᭞ᬢᬦ᭄ᬲᬄᬗᬶᬲᭂᬦ᭄ᬫᬗ᭄ᬭᬶᬂᬭᬶᬂ᭟ᬤᬶᬢᬸᬗᭀᬚᭀᬕ᭄ᬫᭂᬋᬧ᭄ᬫᬋᬧ
᭘ [8A] ᬧᬦ᭄ᬜᬭ᭄ᬯᬂᬫᬸᬜᬶᬦ᭄ᬓᬸᬫ᭄ᬩᬗᬾᬢᬶᬢᬶᬂ᭞ᬕ᭄ᬭᬶᬬᭂᬂᬓᬓᭂᬢᬸᬂᬗᭂᬲ᭄ᬓᭂᬲᬂ᭞ᬤᬶᬩᬢᬭᬦᬾᬦᭂᬕᬓ᭄᭞ᬫᬲ᭄ᬭᭀᬤ᭄ᬢᭂᬢᬸᬦᬤ᭄ᬬᬾᬄᬭᬸᬧᬶᬦᬶᬫᬗᬸᬲᬧ᭄ᬳᬸᬲᬧ᭄᭞ᬕᬶᬕᬶᬂᬫᬶᬯᬄᬧ᭄ᬭᬭᬳᬶ᭟ᬳᬸᬭᬶᬧ᭄ᬫᬾᬫᬾᬦᬾ
ᬤᬯᬪᬝᬭᬰᬶᬯ᭞ᬕᬸᬭᬸᬦᬶᬂᬫᬓᬕᬸᬫᬶ᭞ᬳᭂᬦ᭄ᬢᭀᬲᬸᬫ᭄ᬩᬄᬤᬾᬯ᭞ᬯ᭄ᬬᬄᬭᬸᬧᬶᬦᬶᬫᬸᬗ᭄ᬕᬳᬦ᭄᭞ᬓᬧ᭄ᬮᬗ᭄ᬓᬳᬦᬾᬫᬮᬶᬗ᭄ᬕᬶᬄᬤ᭄ᬬᬄᬢᬦ᭄ᬢ᭄ᬭᬶᬦᬶᬕᬓ᭄᭞ᬤᬶᬩᬢᬭᬦᬾᬓᬭᬶ᭟ᬤ᭄ᬬᬄᬭᬸᬧᬶᬦᬶ
ᬳᬮᬸᬲ᭄ᬯᬶᬚᬶᬮ᭄ᬧᬗᬦ᭄ᬤᬶᬓ᭞ᬢᬦ᭄ᬲᬄᬲᬫ᭄ᬩᬶᬮ᭄ᬗᬸᬲᬸᬤᬶᬦ᭄᭞ᬦᬾᬳᬧᬫᬓᬤ᭞ᬍᬲᭂᬄᬲᭂᬩᭂᬗᬾᬓᬸᬲ᭄ᬬ᭞ᬓᬾᬦ᭄ᬓᬾᬦ᭄ᬓᬢ᭄ᬓᬦ᭄ᬧᬜᬓᬶᬢ᭄᭞ᬫᬩ᭄ᬭᬢᬗᬸᬤ᭞ᬩᬸᬓᬢᬫ᭄ᬧᬓ᭄ᬱᬲᬶᬭᬶᬄ᭟ᬧᬗᬬ
ᬳᬾᬗᬶᬭᬶᬂᬜᬸᬫ᭄ᬩᬄᬫᬺᬤᬢᬬᬂ᭞ᬳᬦ᭄ᬢᬸᬓ᭄ᬳᬶᬭᬢᬸᬮᬫᬶ᭞ᬫᬕᬕᬸᬭᭀᬦ᭄ᬲᬩ᭄ᬭᬦ᭄᭞ᬦᭂᬕᭂᬲᬶᬦ᭄᭞ᬲ᭄ᬭᬸᬢᬶᬦ᭄ᬮᭀᬓ᭞ᬳᬫᬶᬧᬂᬤ᭄ᬬᬄᬧᬶᬦᬢᬶᬄ᭞ᬳᭂᬜ᭄ᬚᬸᬳᬶᬦ᭄ᬲ᭄ᬧᬄ᭞ᬫ᭄ᬤᭂᬓ᭄ᬭᬦᬶᬲ᭄ᬦᬫ᭄ᬧᭂᬓᬶᬦ᭄᭞
