[᭔ 4B]
᭔᭞ᬤᬾᬯ᭞ᬭᬶᬂᬓᬧᬢᬸᬢᬦ᭄ᬲᬶᬗ᭄ᬕᬶᬄ᭞ᬩᬩᭂᬢ᭄ᬫᬗ᭄ᬤᬮ᭄ᬬᬂ᭞ᬚᬕᬢᬾᬓᬸᬫᬯᬸᬮ᭞ᬗᬃᬬ᭄ᬬᬤᬂᬢᬺᬧᬶᬦᬕᬭ᭞ᬳᬸᬲᬦ᭄ᬩ᭄ᬭᬭᭀᬲᬂ᭞ᬯᬾᬦ᭄ᬢᭂᬦ᭄ᬧᬓᬾᬯᭂᬄᬦᬾᬫᬗ᭄ᬓᬶᬦ᭄᭟ᬧ᭄ᬭᬡ᭄ᬥᬲᬫᬶᬳᬶᬦ᭄ᬤᬬᬢᬍᬃᬧᬶᬦᭂᬳᬂ᭞ᬳᬢᬸᬂ
ᬢᬶᬂᬢ᭄ᬬᬂᬧᬸᬦᬶᬓᬶ᭞ᬫᬩ᭄ᬭᬶᬬᬸᬓ᭄ᬗᬦ᭄ᬤᬶᬓ᭞ᬲᬓᬾᬄᬲᬂᬓᬢᬭᬾᬓᬦ᭄᭞ᬢᬦ᭄ᬳᬶᬯᬂᬯᬦ᭄ᬢᬄᬲᬯ᭄ᬬᬓ᭄ᬢᬶ᭞ᬳᬲᬧᬸᬦᬶᬓ᭞ᬤᬶᬚᬩᬯᬾᬦ᭄ᬢᭂᬦ᭄ᬢᭂᬦ᭄ᬫᬮᬶᬄ᭟ᬧᬭᬭᬢᬸᬲᬫᬶᬓᬤᬶᬧᬚ᭄ᬦᭂᬗᬦ᭄᭞ᬳᬶᬭᬶᬓᬶᬭᬶᬂᬧᬢᬮᬶ᭞ᬲᬂᬧ᭄ᬭᬪᬸᬗᬦ᭄ᬤᬶ
ᬓ᭞ᬫᬲᬢᬾᬲᬧᬸᬦᬶᬓ᭞ᬓᬾᬗᬶᬦᬦ᭄ᬢᬶᬢ᭄ᬬᬂᬫ᭄ᬗᭀᬬᬦᬶᬦ᭄᭞ᬲᬧᬗᬦ᭄ᬤᬶᬓᬦ᭄᭞ᬧᬥᬡ᭄ᬥᬲᬧᬂᬲᬫᬶ᭟ᬳᬶᬗ᭄ᬕ᭄ᬬᬦ᭄ᬢᬭᬶᬂᬲᬓᬾᬄᬧ᭄ᬭᬭᬢᬸᬦᬾᬓᬢᬄ᭞ᬢᬶᬢ᭄ᬬᬂᬧᬲᬗ᭄ᬤᬶᬦ᭄ᬢᬗᬶᬦ᭄᭞ᬓᬲᬫᬾᬦ᭄ᬧᬸᬦᬶᬓ᭞ᬢᬦ᭄ᬲ
ᬚᬾᬓᭀᬭᬶᬂᬢᬶᬢ᭄ᬬᬂ᭞ᬫ᭄ᬤᭂᬫ᭄ᬩᬗᬸᬦ᭄ᬩᭀᬬᬫᬭᬶ᭞ᬫᬩᬪᬸᬓ᭄ᬢ᭄ᬬᬦ᭄᭞ᬫᬗ᭄ᬕᬾᬳᬗ᭄ᬕᬾᬬᬦ᭄ᬲᬫᬶ᭟ᬲᬓᬾᬯᬦ᭄ᬢᭂᬦ᭄ᬲᬲᬶᬓᬶᬭᬗ᭄ᬓᬸᬗᬦ᭄ᬢᬶᬢ᭄ᬬᬂ᭞ᬲᬦ᭄ᬢᬸᬓᬦᬾᬗᬕᬸᬗᬶᬦ᭄᭞ᬓᬲᬶᬤ᭄ᬤᬾᬦᬂᬚᬕᬢ᭄᭞ᬤᭀᬦᬶᬂ
[᭕ 5A]
ᬫᬫᬦᬄᬢᬶᬢ᭄ᬬᬂ᭞ᬓ᭄ᬦᬶᬲᬫ᭄ᬧᬸᬦᬂᬲᬢᬦᬶ᭞ᬭᬶᬂᬢᬢᬶᬗ᭄ᬓᬳᬦ᭄᭞ᬚᬤ᭄ᬫᬦᬾᬳᬕᬸᬂᬳᬮᬶᬢ᭄᭟ᬘᬶᬭᬶᬦ᭄ᬭᬢᬸᬜᬓ᭄ᬭᬯᬢᬶᬓᬯᬶᬤᬘᬵᬦ᭄᭞ᬲᬩ᭄ᬭᬦᬶᬦᬫᬩᬸᬜ᭄ᬘᬶᬂ᭞ᬭᬶᬂᬚᬤ᭄ᬫᬦᬾᬤᬳ᭞ᬩᬚᬂᬢᬸᬃᬲᬲ᭄ᬮᬶᬓᬦ᭄᭞
ᬭᬸᬧᬦ᭄ᬳᬶᬧᬸᬦ᭄ᬩᭂᬘᬶᬓ᭄ᬩᭂᬘᬶᬓ᭄᭞ᬯᬶᬭᬾᬄᬧᬸᬦᬶᬓ᭞ᬫᬓᬍᬕᬦᬾᬫᬳᬸᬭᬶᬧ᭄᭟ᬳᭂᬗ᭄ᬢᭀᬧᬭᬶᬄᬳᬸᬮᬶᬦᬾᬚᬦᬶᬤᬩ᭄ᬤᬩᬂ᭞ᬚᬤ᭄ᬫᬧᬘᬂᬓᬧᬸᬭᬶ᭞ᬳᭂᬮᬸᬄᬧᬧᬜ᭄ᬚᬶᬗᬦ᭄᭞ᬳᬧᬂᬳ᭄ᬤᬩᬶᬲᬓ᭄ᬯᬂ᭞ᬳᬤᬶᬭᬶᬳ
ᬤᬶᬭᬶᬲᬳᬶ᭟ᬧᬶᬲᬦ᭄ᬲᬺᬕᭂᬧᬂ᭞ᬢ᭄ᬓᬦᬶᬂᬧᬸᬮᬧᬳᬶ᭟ᬫᬢᬸᬃᬳᬮᬸᬲ᭄ᬧᬢᬶᬄᬩᬩ᭄ᬥᬾᬰ᭄ᬯᬃᬬ᭄ᬬᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬓᬲᬶᬤ᭄ᬥᬦ᭄ᬳᬸᬕᬶ᭞ᬯ᭄ᬓᬲᬶᬂᬢᭂᬫ᭄ᬩᬭ᭞ᬲᬓᬤᬶᬧᬓᬬᬸᬦᬦ᭄᭞ᬭᭀᬓᭀᬳᬶᬤᬾᬯᬧᬸᬦᬶ
ᬓᬶ᭞ᬦᬗ᭄ᬳᬶᬂᬳᬫ᭄ᬧᬸᬭ᭞ᬢᬶᬢ᭄ᬬᬂᬫᬢᬸᬃᬧᬓᬾᬮᬶᬂ᭟ᬳᬤ᭄ᬳᬸᬓ᭄ᬢᬶᬢ᭄ᬬᬂᬓᬮᬶᬦ᭄ᬢᬗᬶᬦᬫ᭄ᬩᭂᬢ᭄ᬧᬶᬲᬦ᭄᭞ᬳᬗ᭄ᬕ᭄ᬬᬗᬸᬘᬧᬂᬳᬚᬶ᭞ᬯᬾᬦ᭄ᬢᭂᬦ᭄ᬧᬗᭂᬦ᭄ᬢᬶᬢ᭄ᬬᬂ᭞ᬘᬘᬭᬶᬢᬦ᭄ᬧᬤᬡ᭄ᬥ᭞ᬬᬦ᭄ᬲᬂᬧ᭄ᬭᬪᬸᬩᬲ᭄ᬩᬸᬮᬸ
